BIBELE YI HUNDZULA VUTOMI BYA VANHU

Va Kume “Perela Yin’we Ya Nkoka”

Yesu u dyondzise leswaku Mfumo wa Xikwembu wu ta lulamisa swiphiqo hinkwaswo swa vanhu. (Matewu 6:10) Eka Matewu 13:44-46, u hlamusele swifaniso swimbirhi leswi landzelaka leswaku a dyondzisa ndlela leyi ntiyiso mayelana ni Mfumo wa Xikwembu wu nga wa nkoka hayona:

Swifaniso: Vavanuna vambirhi va le xifanisweni xa Yesu. 1. Wanuna u cela emasin’wini kutani a hlamarisiwa hi leswi a swi kumeke. 2. Wanuna un’wana u khome perela kutani a n’wayitela.

Wanuna a a tirha ensin’wini kutani hi xitshuketa a kuma xuma lexi fihliweke.
Muxavisi loyi a fambaka a lava tiperela letinene u kume perela yin’we ya nkoka.

Vavanuna lava hi vambirhi ka vona va xavise hinkwaswo leswi a va ri na swona leswaku va ta xava xuma lexi va xi kumeke. Vavanuna lava va yimela vanhu lava rhandzaka Mfumo swinene lerova va titsona swilo swo tala leswaku va ta kuma mikateko leyi tisiwaka hi wona. (Luka 18:29, 30) Eka vhidiyo leyi, vona mhaka ya vanhu vambirhi lava fanaka ni vavanuna va le xifanisweni xa Yesu.