I Mani Loyi U Nga N’wi Tshembaka?—⁠Xana Bibele Yi Ri Yini Hi Mhaka Leyi?

Loko lava faneleke va landzelela nawu va nga tshembeki vanhu va heleriwa hi ntshembo. Vanhu vo tala a va ha va tshembi . . .

• varhangeri va tipolitiki lava rhangisaka swilaveko swa vona ku ri ni swa vanhu van’wana.

• vaviki va mahungu lava vikaka mahungu lama nga riki ni ntiyiso lowu heleleke.

• van’wasayense lava nga riki na mhaka ni van’wana.

• vafundhisi lava ngheneke hi nhloko eka swa tipolitiki ku ri ni ku va va tirhela Xikwembu.

Swa fanela leswaku vanhu va va ni vuxiyaxiya loko swi ta eka vanhu lava va faneleke va va tshemba. Bibele yi hi lemukisa yi ku:

• “Mi nga tshembeli eka tihosana, kumbe eka munhu, hikuva a nge swi koti ku mi ponisa.”—Pisalema 146:3.

U kona loyi u nga n’wi tshembaka

 Bibele yi hi byela hi loyi hi nga n’wi tshembaka, ku nga Yesu Kreste. A ku ngo va munhu ntsena loyi a tshameke a hanya enkarhini lowu hundzeke. Xikwembu xi veke Yesu leswaku a va ‘Hosi naswona Mfumo wakwe wu ta fuma hilaha ku nga heriki.’ (Luka 1:32, 33) Yesu i Hosi ya Mfumo wa Xikwembu, ku nga mfumo lowu sweswi wu nga eku fumeni etilweni.—Matewu 6:10.

• Leswaku u dyondza ku hikwalahokayini u fanele u tshemba Yesu, hlaya nhlokomhaka leyi nge, “I Mani Hosi Ya Mfumo Wa Xikwembu?” ni leyi nge, “I Yini Leswi Mfumo Wa Xikwembu Wu Nga Ta Swi Endla?”