Yesu U Ta Herisa Vusweti

Loko Yesu a ha ri laha misaveni u kombise vanhu rirhandzu lerikulu, ngopfungopfu swisiwana ni lava a va tshikileriwa. (Matewu 9:36) U nyikele ni hi vutomi byakwe leswaku van’wana va vuyeriwa. (Matewu 20:28; Yohane 15:13) Ku nga ri khale, u ta tlhela a kombisa rirhandzu rakwe eka vanhu hi ku tirhisa vulawuri ni matimba yakwe tanihi Hosi ya Mfumo wa Xikwembu ku herisa vusweti emisaveni hinkwayo.

Bibele yi hlamusela leswi Yesu a nga ta swi endla hi ku tirhisa marito lama yo tsakisa:

• “A yi lwele swisiwana, a yi ponise vana va la pfumalaka”—Pisalema 72:4.

Hi nga swi kombisa njhani leswaku ha swi tlangela leswi Yesu a hi endleleke swona ni leswi a nga ta hi endlela swona? Hi nga swi kombisa hi ku dyondza hi “mahungu lamanene ya Mfumo wa Xikwembu,” lama Yesu a chumayeleke hawona. (Luka 4:43) Hlaya nhlokomhaka leyi nge, “I Yini Mfumo Wa Xikwembu?”