Yesu U Ta Herisa Nyimpi

Loko a ha ri laha misaveni, Yesu u kombise leswaku u va rhandza swinene vanhu hikuva u kale a nyikela ni hi vutomi byakwe hikwalaho ka vona. (Matewu 20:28; Yohane 15:13) Ku nga ri khale, u ta tlhela a kombisa ndlela leyi a va rhandzaka hayona vanhu hi ku tirhisa vulawuri byakwe tanihi Hosi ya Mfumo wa Xikwembu ku “herisa tinyimpi emisaveni hinkwayo.”—Pisalema 46:9.

Vona ndlela leyi Bibele yi swi hlamuselaka hayona leswi Yesu a nga ta swi endla:

• ‘U ta pfuna swisiwana leswi kombelaka mpfuno, ni lava pfumalaka ni un’wana ni un’wana la nga riki na mupfuni. U ta va ni musa eka swisiwana ni lava pfumalaka, u ta sirhelela vutomi bya swisiwana. U ta swi ponisa eku tshikileriweni ni le madzolongeni.’—Pisalema 72:12-14.

Hi nga swi kombisa njhani leswaku ha swi tlangela leswi Yesu a hi endleleke swona ni leswi a nga ta hi endlela swona ku nga ri khale? Hi nga swi kombisa hi ku dyondza hi “mahungu lamanene ya Mfumo wa Xikwembu,” lama Yesu a chumayeleke hawona. (Luka 4:43) Hlaya nhlokomhaka leyi nge, “I Yini Mfumo Wa Xikwembu?”