Xana Timbhoni Ta Yehovha I Vakreste?

Ina. Hina hi Vakreste hikwalaho ka swivangelo leswi landzelaka:

• Hi ringeta ku tirhisa tidyondzo ni ndlela leyi Yesu Kreste a a endla swilo ha yona.—1 Petro 2:21.

• Ha tshemba leswaku Yesu i muponisi ni leswaku “ku hava vito rin’wana ehansi ka tilo leri nyikiweke vanhu leri hi faneleke ku ponisiwa ha rona.”—Mintirho 4:12.

• Loko vanhu va va Timbhoni ta Yehovha, va khuvuriwa hi vito ra Yesu.—Matewu 28:18, 19.

• Hi khongela hi vito ra Yesu.—Yohane 15:16.

• Ha tshemba leswaku Yesu i Nhloko kumbe u nyikiwe vulawuri ehenhla ka vavanuna hinkwavo.—1 Vakorinto 11:3.

Hi hambane hi tindlela to karhi eka vukhongeri byin’wana lebyi vuriwaka bya Vukreste. Hi xikombiso, ha tshemba leswaku Bibele yi dyondzisa leswaku Yesu i N’wana wa Xikwembu ku nga ri xiphemu xa Vunharhu-un’we. (Marka 12:29) A hi pfumeli leswaku moya a wu fi ni leswaku Bibele yi vula leswaku Xikwembu xi xanisa vanhu etiheleni hilaha ku nga heriki kumbe lava rhangelaka leswaku va va ni swithopo leswi va tlakusaka eka van’wana.—Eklesiasta 9:5; Ezekiyele 18:4; Matewu 23:8-10.