Ha Yini Hi Fanele Hi Khongela Hi Vito Ra Yesu?

Nhlamulo ya Bibele

Hi fanele hi khongela eka Xikwembu hi vito ra Yesu hikuva yoleyo hi yona ntsena ndlela leyi Xikwembu xi lavaka leswaku hi khongela eka xona ha yona. Yesu u te: “Hi mina ndlela ni ntiyiso ni vutomi. A nga kona loyi a taka eka Tatana handle ko ta ha mina.” (Yohane 14:6) Yesu u tlhele a byela vaapostola vakwe vo tsembeka a ku: “Hakunene ndzi tiyisile ndzi ri eka n’wina, Loko mi kombela xin’wana ni xin’wana eka Tatana, u ta mi nyika xona hi vito ra mina.”—Yohane 16:23.

Swivangelo swin’wana swa ku tirhisa vito ra Yesu exikhongelweni

• Hi xixima Yesu ni tata wakwe Yehovha Xikwembu.—Vafilipiya 2:9-11.

• Hi va hi kombisa ku tlangela lunghiselelo ra Xikwembu ra ku ponisiwa hi rifu ra Yesu.—Matewu 20:28; Mintirho 4:12.

• Hi xiya leswaku Yesu hi yena Munhlanganisi wa vanhu ni Xikwembu.—Vaheveru 7:25.

• Hi xixima ntirho wa Yesu tanihi Muprista Lonkulu, loyi a nga hi pfunaka leswaku hi va ni vuxaka lebyinene ni Xikwembu.—Vaheveru 4:14-16.