Ndzi Nga Hanyisana Njhani Ni Vatswari Va Mina?

Tikambele

• Hi wihi mutswari loyi u tshamelaka ku holovisana na yena?

  • Tatana

  • Manana

• U holovisana kangani ni mutswari yoloye?

  • A hi tali ku holovisana

  • Minkarhi yin’wana

  • Nkarhi ni nkarhi

• Mholovo ya n’wina yi tala ku va njhani?

  • Yi ta lulamisiwa hi xihatla ni hi ku rhula.

  • Yi ta lulamisiwa kambe endzhaku ka ku holovisana.

  • A yi nge lulamisiwi—hambi ku ri endzhaku ka ku holovisana.

Loko u nga swi koti ku hanyisana ni vatswari va wena, u nga ehleketa leswaku hi vona lava faneleke va lulamisa xiphiqo xolexo. Kambe hilaha hi nga ta swi vona, ku na tindlela leti u nga titekaka ku hunguta timholovo leti nga ha vaka kona nkarhi na nkarhi. Xo sungula, xiya . . .

Ha yini mi holova

• Ku cinca ka ndlela leyi u anakanyaka ha yona. Loko u ya u kula, u sungula ku ehleketa ngopfu hileswi u swi endleke loko wa ha ri ntsongo. U sungula ku ehleketa hi ndlela leyi nga ha vaka yi hambanile ni leyi vatswari va wena va ehleketaka ha yona. Hambiswiritano, Bibele yi ri: “Xixima tata wa wena ni mana wa wena.”—Eksoda 20:12.

  Ntiyiso wa mhaka: Swi lava vutlhari ni vuswikoti leswaku u ala ku nga arisiwi.

• Ntshunxeko. Loko u ya u kula, swi nga endleka vatswari va wena va ku nyika ntshunxeko lowu engetelekeke. Lexi vavisaka, ntshunxeko wolowo u nga wu kuma hi ndlela leyi a wu nga swi langutelanga kumbe ku hlwela ku wu kuma, naswona sweswo swi nga endla leswaku mi holova. Hambiswiritano, Bibele yi ri: ‘Yingisa vatswari va wena.’—Vaefesa 6:1.

  Ntiyiso wa mhaka: Hi xitalo, ntshunxeko lowu vatswari va wena va nga ta ku nyika wona wu ta ya hi ndlela leyi u wu tirhisaka ha yona lowu u nga na wona.

Leswi u nga swi endlaka

• Kondletela ku rhula. Ematshan’weni yo sola vatswari va wena hileswi mi holovaka, lava ndlela leyi u nga endlaka ku rhula ha yona. Jaha rin’wana leri vuriwaka Jeffrey ri ri: “Hakanyingi leswi nyanyisaka mholovo a hi leswi vatswari va wena va swi vulaka kambe i ndlela leyi u va hlamulaka ha yona. Ku vulavula kahle swi nga endla leswaku xiyimo xi tshamiseka.”

  Bibele yi ri: ‘Swi titshege hi wena, vana ni ku rhula.’—Varhoma 12:18.

• Ku Yingisa. Samantha loyi a nga ni malembe ya 17 u ri: “I nchumu lowu ndzi tikelaka ku wu endla. Kambe ndzi tlhele ndzi xiya leswaku loko vatswari va vona u va yingisa na vona va ta ku yingisa.”

  Bibele yi ri: ‘Hatlisa emhakeni yo twa, nonoka emhakeni yo vulavula.’—Yakobo 1:19.

  

• Anakanyela. Teka mholovo tanihi ntlango wa thenisi. Mholovo hi yona xiphiqo ku nga ri vatswari va wena. Muntshwa la vuriwaka Adam u ri: “Eka mholovo, vatswari va lava leswi va ehleketaka leswaku swi ta pfuna vana va vona, kambe vana va lava leswi va ehleketaka leswaku swi ta pfuna vona vini. Hi ndlela yoleyo va tirhela eka pakani yin’we.”

  Bibele yi ri: ‘Lavisisani swilo leswi endlaka ku rhula.’—Varhoma 14:19.

• Vana la twisisaka. Muntshwa la vuriwaka Sarah u ri: “Ndzi xiya leswaku swa pfuna ku tsundzuka leswaku vatswari va fanele va langutana ni swiphiqo swa vona, leswi tikaka ku fana ni swa hina.” Muntshwa la vuriwaka Carla u yisa emahlweni a ku: “Ndzi ringeta ku tiveka exiyin’weni xa vatswari va mina. A swi ta va njhani eka mina loko a ndzo kurisa n’wana ndzi tlhela ndzi langutana ni swiphiqo leswi fanaka? I yini leswi a swi ta vuyerisa n’wana wa mina?”

  Bibele yi ri: “Mi nga veki tihlo etimhakeni ta n’wina ntsena, kambe ni le timhakeni ta van’wana.”—Vafilipiya 2:4.

• Yingisa. Leswi hileswi Bibele yi ku khutazaka ku swi endla. (Vakolosa 3:20) Naswona swilo swi ta ku fambela kahle loko wo endla tano. Muntshwa la vuriwaka Karen u ri: “Swiphiqo swa mina swa hunguteka loko ndzi yingisa vatswari va mina. Leswi va ndzi endleleke swo tala, va faneriwa hi ku yingisa ka mina.” Ku yingisa i yin’wana ya tindlela leti herisaka mholovo!

  Bibele yi ri: “Laha tihunyi ti nga riki kona, ndzilo wa timeka.”—Swivuriso 26:20.

Xitsundzuxo. Loko swi ku tikela ku vulavula ni munhu un’wana, u nga vulavurisana ni munhu yoloye hi ku rhumelana marungula. Muntshwa la vuriwaka Alyssa u ri: “Ndzi endla sweswo loko ndzi nga lavi ku vulavula. Swi ndzi pfuna ku tiphofula ndzi nga holovi kumbe ku vula nchumu lowu ndzi nga ta tisola ha wona.”