Mukhatoliki Wa Yi Tsakela

Un’wana wa Timbhoni ta Yehova a a poncele hi thayere endhawini ya le makaya ya Virginia, U.S.A. Yindlu a yi ri kusuhana, kutani u gongondzile erivantini. Wansati wa yindlu u n’wi byele leswaku a nghena a ta kuma mpfuno wa le gondzweni. Endzhaku Mbhoni yi rhumele papila ro nkhensa, yi nghenisa nyiko ya kopi ya buku ya U Nga Hanya Hi Masiku aParadeyisini eMisaveni. Leswi landzelaka, hi ku komisa, i nhlamulo leyi a yi kumeke:

“Ndzi ta vula ntiyiso ni ku tshembeka eka wena. Ndzi wa Rhoma Khatoliki. Kutani rini na rini loko munhu un’wana ni un’wana a ta enyangweni wa mina ni Xihondzo xo Rindza kumbe swiphephana swin’wana ni swin’wana, ndzi ringeta ku ka ndzi nga swi amukeli. Loko va ndzi sindzisa, ndzi swi cukumeta ethinini ra thyaka. Vukhatoliki byi ndzi godzombele hi laha ku enteke ku sukela ndza ha ri n’wana lontsongo.

“Hambi swi ri tano, ndzi kokiwe hi buku ya wena hikuva yi na ‘Paradeyisi’ exikarhi ka xihloko naswona hikuva tinomboro a ti vonaka ni ku olova. Swivutiso leswi nga ehansi ka matluka swi ndzi khutaze ku hlaya, naswona swifaniso a swi kokela eka mina. Ngopfu-ngopfu ndzi rhandze tluka 11 hikuva ndzi ringeta ku vumba paradeyisi yo tano laha ya tinyanyana ni swiharhi. Ndzi na timhofu, mimpfundla, vamatswikitowa, vamaxindyani, magalakuni ya nhova ni tinyanyana ta tinxaka hinkwato. . . .

“Hakunene u hetisise nchumu wun’wana hi leswaku MukhatoIiki a hlaya buku eka vukhongeri byin’wana. Ha! Ndza kanakana leswaku ndzi ta hundzukela eka vukhongeri byin’wana. Kambe ndzi hlayile buku, naswona nuna wa mina sweswi wa yi hlaya. Inkomu nakambe!”

Buku leyi yinene yi na matluka ya 256, mpimo lowuntsongo ku fana ni wa magazini lowu, naswona yi tatiwile hi swifaniso swo tlula 150, swo tala swa swona hi muhlovo wo xonga. Rhumela R4,50 ntsena; mpimo lowuntsongo R2,25.

Rhumelani buku leyi hakeleriweke eposweni, leyi nge U Nga Hanya Hi Masiku aParadeyisini eMisaveni. Kombisa hi ku fungha bokisi leri faneleke loko u lava nkandziyiso wa mpimo lowukulu hi R4,50 [ ] kumbe u lava nkandziyiso wa mpimo lowuntsongo hi R2,25 [ ] kutani u hoxa mali leyi faneleke.