Risimu 161

Khongela Eka Yehovha Siku Ni Siku

(1 Vatesalonika 5:17)

1. A hi khongelen’ Yehovha Hosi.

Hi ni lunghelo ro endla tano.

Hi vulavula hi ku tshunxeka;

Hi nga kombela ka yena swilo.

A hi khongelen’ Hosi (swinene).

2. A hi khongelen’ leswo hi hanya.

Ni ku kombela ku khomeriwa.

Emiringweni a nga hi pfuna;

Wa hi hlayisa a hi nge chavi.

A hi khongelen’ Hosi (swinene).

3. A hi khongelen’ loko swi tika.

Hi n’wi pfulela swifuva swerhu.

Hi n’wi tivisa maxangu yerhu;

Lowu hi wona nkateko werhu.

A hi khongelen’ Hosi (swinene).

4. A hi khongelen’ Yehovha Hosi.

Hi n’wi dzunisa ni ku n’wi khensa.

Hi vulavula ntiyiso ntsena

U ta hi komba vunene byakwe.

A hi khongelen’ Hosi (swinene).