Rhandzanani Swinene Ku Suka eMbilwini

1. Mbilu hi yona xihlovo,

Xa rirhandzu ra ntiyiso;

Ri kondletela vuxaka

Eka vamakwerhu.

Hi nge tshuki hi pfumala

Ndlela yo komba rirhandzu,

Leri nga heliki mbilu,

Hi ro ra ntiyiso.

A hi komben’ rirhandzu

Hi pfuna vanhu vo pfumala,

Hi kombisa vunene

Hi masiku hinkwawo.

Hi tikhoma hi xichavo;

Tintswalo ha ti kombisa.

Vanhu ha va rivalela.

Hi lava ku tshembeka,

Hi kondletela vun’we.

2. Loko hi ri ni rirhandzu,

Mahlundzu hi ta ma hlula;

Vamakwerhu ha va rhandza

Hi mbilu hinkwayo.

Sweswi hi aka vuxaka;

Hi tsakelana hinkwerhu.

Hi hlengeletana swin’we,

Ha khongotelana.

Hi tshamela ku dyoha;

Nomu wu pfuxa timholovo.

A hi komben’ tintswalo

Eka vanhu va Hosi.

Hi vanghana va ntiyiso,

Hi kondletela rirhandzu.

A va hi tive ha rona.

Hi yingisa Yehovha

Hi rirhandzu ra yena.