DYONDZO 11

Hiseka Loko U Vulavula

Varhoma 12:11

HI KU KOMISA: Hiseka loko u vulavula leswaku u ta kota ku khutaza vayingiseri va wena.

Rungula ra wena a ri ku fikelele mbilu. Loko u ri karhi u lunghisela mhaka leyi u lavaka ku vulavula ha yona, anakanyisisa hi ndlela leyi rungula ra wena ri nga ra nkoka ha yona. Ri tive kahle leswaku u ta kota ku vulavula swi suka embilwini.
Ehleketa hi vayingiseri va wena. Anakanyisisa hi ndlela leyi rungula leri u lavaka ku ri dyondzisa ri nga ta va pfuna ha yona vayingiseri va wena. Vulavula hi ndlela leyi nga ta endla leswaku va tlangela rungula rero.
Vulavula swi suka embilwini. Hiseka loko u ri karhi u vulavula. Ndlela leyi u tshukatshukisaka miri wa wena ha yona ni ku languteka ka xikandza xa wena swi fanele swi kombisa ndlela leyi u titwaka ha yona hi mhaka leyi u vulavulaka ha yona.

U nga kavanyeti vayingiseri va wena hi ku tshamela ku tshukatshukisa miri hambiloko swi nga bohi. Ndlela leyi u tshukatshukisaka miri wa wena ha yona yi fanele yi fambisana ni rungula leri u vulavulaka ha rona. Hiseka loko u vulavula hi tinhla ta nkoka ni loko u khutaza vayingiseri va wena leswaku va teka goza ro karhi. U nga phirhwi vayingiseri va wena hi ku hiseka ku tlula mpimo loko u ri karhi u dyondzisa.