DYONDZO 13

Yi Veke eRivaleni Ndlela Leyi Rungula Ri Tirhaka Ha Yona

Swivuriso 3:21

HI KU KOMISA: Pfuna vayingiseri va wena va vona ndlela leyi rungula ra wena ri byi khumbaka ha yona vutomi bya vona, u tlhela u va komba ndlela yo tirhisa leswi va swi dyondzeke.

NDLELA LEYI U NGA SWI ENDLAKA HA YONA:

Ehleketa hi vayingiseri va wena. Anakanyisisa hi xivangelo xo va vayingiseri va wena va fanele va twa rungula leri u va byelaka rona ni ndlela leyi ri nga va pfunaka ha yona.
Loko u ri karhi u dyondzisa, hlamusela vayingiseri va wena leswi va faneleke va swi endla. To ho suka muyingiseri un’wana ni un’wana u fanele a tibyela a ku, ‘Rungula leri ra ndzi khumba.’ Loko u ri karhi u vulavula hi yinhlankulu ha yin’we, hlamusela ndlela leyi va nga yi tirhisaka ha yona. Bana nhloko ya mhaka u nga jikajiki.

Loko u ri karhi u va hlamusela ndlela leyi misinya ya milawu ya Bibele yi tirhaka ha yona kombisa leswaku wa yi twisisa ndlela leyi va titwaka ha yona. Ematshan’weni yo endla leswaku van’wana va titwa nandzu, va khutaze u va tiyisekisa ku wa swi xiya leswaku va n’wi rhandza Yehovha naswona wa tiyiseka leswaku va ta swi tirhisa leswi u va dyondziseke swona.