DYONDZO 20

Gimeta Hi Ndlela Leyi Khutazaka

Eklesiasta 12:13, 14

HI KU KOMISA: Loko u gimeta, khutaza vayingiseri va wena leswaku va tirhisa leswi va swi dyondzeke.

Marito ya wena yo gimeta ma fanele ma fambisana ni mhaka leyi a wu vulavula ha yona. Kandziyisa tinhlankulu ni nhlokomhaka leyi a wu vulavula ha yona.
Khutaza vayingiseri va wena. Hlamusela vayingiseri va wena leswi va faneleke va swi endla, u tlhela u va hlamusela ni xivangelo xo endla tano. Kombisa leswaku wa tiyiseka hi mhaka leyi u vulavulaka ha yona.
U nga lehisi naswona u nga rharhanganisi timhaka. U nga boxi tinhla letintshwa. Hi ku komisa, gimeta hi ku va khutaza leswaku va teka goza.

U nga vulavuli hi ku hatlisa loko u gimeta naswona u nga vulavuleli hansi. Swiga swa wena swo hetelela swi fanele swi twala kahle leswaku se wa gimeta.