BOKISI RO DYONDZISA 18A
Yehovha U Lemukisa Hi Nyimpi Leyikulu Leyi Taka
Bibele yi ni vuprofeta byo tala laha Yehovha a lemukisaka hi nyimpi yo hetelela laha a nga ta herisa vanhu hinkwavo lava kanetaka yena ni vanhu vakwe. Vuprofeta lebyi longoloxiweke laha ko va byin’wana bya byona. Xiya ku fana loku nga kona eka swilemukiso leswi u tlhela u xiya leswaku Yehovha u tiyisekise leswaku vanhu hinkwavo va nyikiwa nkarhi wo swi twa ni ku endla swo karhi hi swona.
EMIKARHINI YA ISRAYELE WA KHALE
EZEKIYELE: “‘Ndzi ta n’wi rhumela banga [Gogo] leswaku ri n’wi hlasela etintshaveni ta mina hinkwato,’ ku vula Yehovha Hosi Leyi Tlakukeke.”—Ezek. 38:18-23.
YEREMIYA: “[Yehovha] u ta avanyisa vanhu hinkwavo. U ta nyiketa lavo homboloka leswaku va dlayiwa hi banga.”—Yer. 25:31-33.
DANIYELE: “Xikwembu xa le tilweni xi ta simeka mfumo lowu nga ta . . . pfotlosa wu herisa mifumo leyi hinkwayo.”—Dan. 2:44.
EMIKARHINI YA VAKRESTE VO SUNGULA
YESU: “Ku ta va ni nhlomulo lowukulu lowu nga si tshamaka wu va kona hi mpfhuka misava yi va kona.”—Mat. 24:21, 22.
PAWULO: “Yesu . . . ni tintsumi takwe ta matimba . . . [va] xupula lava nga xi tiviki Xikwembu.”—2 Tes. 1:6-9.
PETRO: “Siku ra Yehovha ri ta ta ku fana ni khamba, . . . naswona misava ni leswi nga eka yona swi ta hisiwa.”—2 Pet. 3:10.
YOHANE: “Enon’wini wa [Yesu] . . . ku huma banga ro leha ro kariha, leswaku a lovisa matiko ha rona”—Nhlav. 19:11-18.
MANGUVA LAWA
Bibele i buku leyi hundzuluxeriweke yi tlhela yi hangalasiwa ku tlula tibuku hinkwato.
MALANDZA YA YEHOVHA YA MANGUVA LAWA . . .
Ma fambisa mikandziyiso ya tibiliyoni leyi sekeriweke eBibeleni hi tindzimi ta madzana
Lembe ni lembe ma heta tiawara ta madzana ya timiliyoni ma ri karhi ma chumayela