Ntokoto

Ku Kombisa Ntwelavusiwana Eka Vanhu Hinkwavo

Siku rin’wana makwerhu wa xisati loyi a tshamaka eNew Zealand, u hlalele vhidiyo leyi vulavulaka hi ntwelavusiwana, leyi vulaka leswaku Yehovha a ngo twela vanhu ntwelavusiwana ntsena kambe u tlhela a wu kombisa. (Esa. 63:​7-9) U endle xiboho xo tirhisa leswi a swi dyondzeke, hi ku lava ndlela yo pfuna munhu un’wana. Loko siku ri ri karhi ri famba, loko a ya exitolo u hlangane ni wansati loyi a nga riki na kaya ivi a kombela ku n’wi xavela swakudya. Wansati yoloye u pfumerile. Loko makwerhu wa xisati a vuya ni swakudya, u tirhise nkarhi wolowo leswaku a n’wi chumayela hi ku tirhisa xiphephana lexi nge, Xana Ku Xaniseka Ku Ta Kala Ku Hela?

Wansati yoloye u sungule ku rila. U hlamusele leswaku u kurisiwe tanihi Mbhoni kambe sweswi swi endla malembe yo tala se a tshike ntiyiso. Hambiswiritano, enkarhini wa sweswinyana a a ri karhi a khongela eka Yehovha leswaku a n’wi pfuna a tlhelela eka yena. Makwerhu wa xisati u nyike wansati yoloye Bibele ni ku hlela ku dyondza na yena.a

Ku fana na Yehovha, hi nga kombisa van’wana ntwelavusiwana, ku katsa ni maxaka ya hina ni vamakwerhu evandlheni. Nakambe hi nga kombisa van’wana ntwelavusiwana hi ku va chumayela.