Mintirho Ya Timbhoni Ta Yehovha

Ya Manguva Lawa

Afrika Dzonga Ku hundze makume yo tala ya malembe vanhu laha etikweni va avanisiwe hi tindzimi ni hi milawu ya xihlawuhlawu. Milawu leyi a yi lawula ni lomu vanhu va faneleke va tshama kona, laha va nga endzelaka kona, laha va nga tirhaka kona ni lomu va faneleke va nghena kona xikolo. Eka rungula leri, u ta dyondza ndlela leyi Timbhoni ta Yehovha ti koteke ha yona ku endla nhluvuko hi tlhelo ra moya ni ku tshama ti ri ni vun’we hambileswi a ku ri ni xihlawuhlawu ni ku lwa ka tinxaka.

Latvia

Hi nkarhi wa mfumo wa Vukhomunisi lowu nga ni tihanyi, xana Timbhoni ti swi kotise ku yini ku papalata ku khomiwa? Ha yini wanuna un’wana a te: “Ndzi nkhensa Xikwembu leswi xi endleke leswaku ndzi ya tirha etikampeni ta nxaniso”? Naswona byi ve byihi vuyelo loko nghwazi ya ku tlakula tinsimbhi etikweni yi amukela ntiyiso wa Bibele? Eka rungula leri, u ta vona leswaku hambileswi ku hundzeke makume ya malembe vanhu va Xikwembu va le Latvia va ri karhi va xaniseka, kambe a va ntshunxekile hi tlhelo ra moya.

Réunion

Ntirho exihlaleni lexi xo hisa wu sungule loko ndyangu wo karhi wa Timbhoni wu rhurhele kona hi 1961. Xiya ndlela leyi wu yeke emahlweni wu va pfuna ha yona vanhu lava tsakelaka mahungu lamanene. Hlaya hi ta ndlela leyi nkambana wa sopo wu susumeteke munhu loyi a a kaneta leswaku a kala a yingisa vanhu va Xikwembu. Nakambe twana lexi susumeteke vahuweleri va mune va Mfumo lava nga ni xivindzi leswaku va nghena le ndzeni-ndzeni ka xihlala, laha khale koloko ku nga tshama ku buluka vholkheno.