Ndzimana Ya Lembe Ya 2012

“Rito ra wena i ntiyiso.”—YOHANE 17:17.

Ha tsaka swinene leswi Tata wa hina wa le tilweni la nga ni rirhandzu a hi hlavuteleke ntiyiso! Rito rakwe ri hi komba ndlela leyinene leyi hi faneleke hi hanya ha yona ni ndlela leyi hi nga vuyeriwaka swinene ha yona evuton’wini. Ri hi sirhelela eka swilo leswi nga pfuniki nchumu ni le ka ku hlongorisa swilo leswi nga ni khombo, ri hi ntshunxa evuhlongeni bya mavunwa ya vukhongeri ni ku hi endla leswaku hi va ni ku rhula ka ntiyiso ka mianakanyo. Ri endla leswaku hi hanya vutomi lebyi nga ni xikongomelo sweswi ri tlhela ri hi nyika ntshembo lowu hlamarisaka hi vutomi bya le nkarhini lowu taka.

Ntiyiso wu hi hlanganisa ni vamakwerhu va timiliyoni emisaveni hinkwayo. Xa nkoka swinene, ntiyiso wa Bibele wu hi dyondzisa hi Yehovha wu tlhela wu hi kombisa ndlela leyi hi nga tshinelaka ha yona ekusuhi na yena. A hi fanelanga hi swi tekela ehansi swilo leswi Yehovha a hi nyikeke swona. Onge hi nga tinyungubyisa hi ntiyiso lowu hi wu kumeke ni ku wu pfumelela leswaku wu hi kongomisa etindleleni ta hina hinkwato.