Kronekele wo sangula

8 Bhenjamini+ i nova papayi wa Bhela,+ a matewula yakwe; na Axbheli,+ a wumbiri; na Ahara, a wa wunharu; 2 na Noha, a wa wumune; na Rafa, a wa wutlhanu. 3 A vana va Bhela kuve Adhari, na Gera,+ na Abhihudha, 4 na Abhixuwa, na Namani, na Ahowa, 5 na Gera, na Xefufami, na Huramu. 6 A vana va Ehudhi, lava va nga hi tihloko ta tiyindlu ta vapapayi ta vahanyi va le Gebha,+ lava va nga tekiwa va yisiwa wukhumbini le Manahate, vave lava: 7 Namani, na Ahija, na Gera, loyi a nga va teka a va yisa wukhumbini, a gumesa ava papayi wa Uza na Ahihudhi. 8 Xaharayime i nova ni vana lomu cipandzeni* ca Mowabhi, andzhako ka ku hlongola vasati vakwe. Huxima na Bhaara va wa hi vasati vakwe.* 9 Xaharayime i nova ni vana ni sati wakwe Hodhexa; i nova papayi wa Jobhabhe, na Zibhiya, na Mexa, na Malkamu, 10 na Jehuza, na Sakiya, na Mirma. Lava va wa hi vana vakwe, va nga hi tihloko ta tiyindlu ta vapapayi vabye.

11 Xaharayime i nova ni vana ni sati wakwe Huxima; i nova papayi wa Abhitubha na Elpaala. 12 A vana va Elpaala hi Ebheri, na Mixamu, na Xemedhe (loyi a nga aka a madhoropa ya Ono+ ni Lodha,+ ni zvidhoropana zva kona), 13 na Bheriya, na Xema. Leti tive tihloko ta tiyindlu ta vapapayi ta vahanyi va le Ayijaloni.+ Va no hlongola vahanyi va le Gati. 14 Ku wa hi na Ahiyo, na Xaxake, na Jeremote, 15 na Zebhadhiya, na Aradhe, na Edhera, 16 na Mikayeli, na Ixpa, na Joha, a vana va Bheriya; 17 na Zebhadhiya, na Mexulamu, na Hizki, na Hebhere, 18 na Ixmerayi, na Izliya, na Jobhabhe, a vana va Elpaala; 19 na Jakimu, na Zikri, na Zabdhi, 20 na Eliyenayi, na Ziletayi, na Eliyeli, 21 na Adhaya, na Bheraya, na Ximrate, a vana va Ximeyi; 22 na Ixpani, na Ebheri, na Eliyeli, 23 na Abdhoni, na Zikri, na Hanani, 24 na Hananiya, na Elami, na Antotija, 25 na Ifadheya, na Penuweli, a vana va Xaxake; 26 na Xamuxerayi, na Xehariya, na Ataliya, 27 na Jaarexiya, na Elija, na Zikri, a vana va Jerohamu. 28 Leti tive tihloko ta tiyindlu ta vapapayi, ti tsalelweko hi ku landza xaxameto wa tixaka tabye. A vavanuna lava va nga hi tihloko va wa hanya Jerusalema.

29 Jeyeli, a papayi wa Gibheyoni, i wa hanya Gibheyoni.+ A vito ga sati wakwe i wa hi Maaka.+ 30 A n’wana wakwe wa matewula kuve Abdhoni, ku gamela Zuri, na Kixi, na Bhaali, na Nadhabhe, 31 na Gedhora, na Ahiyo, na Zekera. 32 Mitloti i nova papayi wa Ximeya. Vontlhe va wa hanya kusuhani ni vamakabye vabye Jerusalema zvin’we ni vamakabye vabye lava van’wani.

33 Neri+ i nova papayi wa Kixi; Kixi ava papayi wa Sawule;+ Sawule ava papayi wa Jonatani,+ na Malkixuwa,+ na Abhinadhabha,+ na Exbhaali.*+ 34 A n’wana wa Jonatani kuve Meri-Bhaali.*+ Meri-Bhaali i nova papayi wa Mika.+ 35 A vana va Mika kuve Pitoni, na Meleki, na Tareya, na Ahaza. 36 Ahaza i nova papayi wa Jehowadha, Jehowadha ava papayi wa Alemete, na Azmavhete, na Zimri. Zimri i nova papayi wa Moza. 37 Moza i nova papayi wa Bhineya; Rafa, a n’wana wakwe; Eleyasa, a n’wana wakwe; Azeli, a n’wana wakwe. 38 Azeli i wa hi ni 6 wa vana. A mavito yabye hi lawa: Azrikamu, na Bhokeru, na Ixmayeli, na Xeyariya, na Obhadhiya, na Hanani. Vontlhe lava vave vana va Azeli. 39 A vana va Exeke, a makabye wakwe, kuve Ulama, a matewula yakwe; a wa wumbiri hi Jewuxa; a wa wunharu hi Elifelete. 40 A vana va Ulama va wa hi masochwa ya tinhenha, lawa ma nga zvi kota a ku tirisa khwatsi a mawura. Va wa hi ni vana vo tala ni vazukulu vo tala, 150 a ku patsa vontlhe. Vontlhe lava vave vana va Bhenjamini.