JEREMIYA

1 Leti timhaka ta Jeremiya,* a n’wana wa Hilkiya, a mun’we wa vapristi va le Anatote,+ tikweni ga Bhenjamini. 2 A mhaka ya Jehovha yi nota kakwe masikwini ya Josiya,+ a n’wana wa Amoni,+ a hosi ya Judha, hi lembe ga wu 13 ga kufuma kakwe. 3 Yi nota kambe masikwini ya Jehoyakimu,+ a n’wana wa Josiya, a hosi ya Judha, kala kumbheleni ka lembe ga wu 11 ga Zedhekiya,+ a n’wana wa Josiya, a hosi ya Judha, hi hweti ya wutlhanu, a cikhati leci Jerusalema a ngaya wukhumbini.+

4 A mhaka ya Jehovha yi nota ka mina, yi taku:

Ndzi no ku maha muphrofeti wa matiko.”

 6 Kanilezvi mina ndzi te: “O Jehovha, Hosi ya Hombe!

A ndzi zvi koti ku wulawula+ hakuva ndza hi cifanyana.”*+

 7 Jehovha aku ka mina:

“U nga wuli, uku: ‘Ndza hi cifanyana.’

9 Makunu Jehovha i no nawuluta canja gakwe a henya nomu wa mina.+ Jehovha aku ka mina: “Ndzi vekile a timhaka ta mina non’wini wa wena.+ 10 Nyamutlha ndza ku nyika ntamu hehla ka matiko ni mifumo kasi u tsuwula ni ku khungumula, u lovisa ni ku hahlula, u aka ni ku byala.”+

11 A mhaka ya Jehovha yi nota kambe ka mina, yi taku: “Jeremiya, cini u ci wonako?” Mina ndziku: “Ndzi wona a dhavi ga mendwa.”*

12 Jehovha i te ngalo ka mina: “U zvi wonile khwatsi, hakuva ndzi tshama ndzi hanyanyile kasi ndzi tatisa a mhaka ya mina.”

13 A mhaka ya Jehovha yi nota ka mina hi khati ga wumbiri, yi taku: “Cini u ci wonako?” Ndziku: “Ndzi wona mbita yi vilako* niku a nomu wa yona wu byeketilwe hi le n’walungu* wu cuwuka dzongeni.”* 14 Jehovha aku ka mina:

2 A mhaka ya Jehovha yi nota ka mina, yi taku: 2 “Famba u ya huwelela tindleveni ta Jerusalema, uku: ‘Jehovha i ngalo:

 3 Izrayeli i wa basile ka Jehovha,+ a mihandzu yo sangula ya kutshovela kakwe.”’

‘Ni wihi a nga mu khadamula i wa kuma nandzu.

I wa welwa hi khombo’, ku wula Jehovha.”+

 5 Jehovha i ngalo:

 8 A vapristi a va wutisangi, vaku: ‘I kwihi Jehovha?’+

10 ‘Kanilezvi tlhatukani muya zvihlaleni* zva Kitime,+ mu ya wona,

11 Xana ku tshukile kuva ni tiko gi nga cica a vanungungulu va gona hi lava va nga hiko vanungungulu ke?

Kanilezvi a vanhu va mina va cicile a kungangamela ka mina hi zvilo zvi nga vhuniko nchumu.+

14 ‘Izrayeli ova nandza kutani khumbi yi pswalilweko laha mutini ke?

Makunu hikuyini a nyikelweko kasi a phangiwa?

Zvi cicile a tiko gakwe giva nchumu wo tshisa.

A madhoropa yakwe ma hisilwe hi ndzilo; a ka ha hanyi munhu lomo.

16 A vanhu va le Nofe*+ ni va le Tahpanesi+ va gile a tshava-tshava ga hloko ya wena.

Kanilezvi u te: “Ndzi nga ta ku tirela”,

23 Hikuyini u xinyatako, uku: ‘A ndzi ti nyenyezisangi.

A ndzi landzelangi vaBhaali’?

Alakanya lezvi u nga maha le nkoveni.

Himani a nga gi betelako loku gi thombile ke?

A ku na matsune a to ti karata hi ku gi landza.

Loku gi thombile* va ta gi kuma.

Kanilezvi wena u ngalo: ‘E, a zvi vhuni nchumu!+

27 Va byela sinya, vaku: ‘U papayi wa mina,’+

Ni ribye vaku: ‘Hi wena u nga ndzi pswala.’

Kanilezvi mina vo ndzi fularela, va nga ndzi cuwuki hi tinghohe tabye.+

28 Makunu va kwihi a vanungungulu va wena lava u ti maheleko?+

29 ‘Hikuyini mu tshamako hi ku khala hi mina?

Hikuyini n’wina n’wentlhe mu tsikileko ku ndzi ingisa?’+ ku wula Jehovha.

30 Ndzi bile a vana va wena mahala.+

31 N’wina cizukulwana, ehleketani ha n’wece hi mhaka ya Jehovha.

Hikuyini a vanhu lava va mina va nge: ‘Hi famba na hi tlhatlhekile,

Hi nga ta ha wuya kambe ka wena’ ke?+

Kanilezvi a vanhu va mina va ndzi rivakelwe hi masiku yo tala yaku ne a ma hlayeki.+

33 O wena wasati, u yi longiselisa kuyini a ndlela ya wena hi wutlhari kasi ku hlota lirandzo!

U ti gondzisile a tindlela ta kubiha.+

35 Kanilezvi u ngalo: ‘A ndzi na nandzu.

Hakunene a zanga yakwe yi sukile ka mina.’

36 Hikuyini u ti vhalako mahlo ka hanyela ga wena ga kungatsumbeki?

3 A vanhu va wutisa, vaku: “Loku a wanuna a hlongola a sati wakwe, a sati wakwe a ti fambela, a guma a ya tekana ni mun’wani wanuna, a wanuna loyi a nga mu hlongola a nga tlhelela kakwe kambe ke?”

A tiko lego a gi nyenyeziswangi hi kumbhelela ke?+

 2 Tlakusa a matihlo ya wena hehla ka zvitsungana, u cuwuka.

Hi kwihi laha u nga kala ku pfinyiwa kona?

6 Masikwini ya hosi Josiya,+ Jehovha i te ngalo ka mina: “‘U ku wonile a kungatsumbeki loku Izrayeli a ku mahileko ke? I kandzihile hehla ka zvitsunga zvontlhe zvi tlakukileko a tlhela aya lahasi ka tisinya tontlhe ta hombe a ya maha wubhayi.+ 7 Hambu andzhako ka loku a mahile zvontlhe lezvi, ndzi no mu khongotela lezvaku a wuya ka mina+ kanilezvi a nga wuyangi; na Judha i no simama ku cuwukela a makabye wakwe wa mukanganyisi.+ 8 A cikhati ndzi nga wona lezvo, ndzi no hlongola Izrayeli, loyi wo kala kutsumbeka, ndzi mu nyika papilo ga ku tlhatlha wukati*+ hi kota ya wubhayi gakwe.+ Kanilezvi a makabye wakwe Judha, loyi wa mukanganyisi, a nga chavangi; yenawu i no huma a ya maha wubhayi.+ 9 A nga vangi ni mhaka hi wubhayi gakwe. I no simama ku nyenyezisa tiko a maha wubhayi ni maribye ni tisinya.+ 10 Hambu ka zvontlhe lezvo, a makabye wakwe Judha, loyi wa mukanganyisi, a nga wuyangi ka mina hi mbilu yakwe yontlhe, i no fayelisela ntsena’, ku wula Jehovha.”

11 Makunu Jehovha i te ngalo ka mina: “Izrayeli wo kala ku tsumbeka i kombisile kululama ku hundza Judha wa mukanganyisi.+ 12 Famba u ya huwelela a timhaka leti le n’walungu:*+

“‘“Wuya ka mina wena Izrayeli a hluwukileko”, ku wula Jehovha.’+ ‘“Ndzi nga ta mu cuwuka na ndzi zangarile+ hakuva ndzi tsumbekile”, ku wula Jehovha.’ ‘“Ndzi nga ta tshama ni civiti kala kupindzuka. 13 Ntsena lezvaku vhumela a nandzu wa wena, hakuva u tsikile ku ingisa Jehovha, a Nungungulu wa wena. U no simama ku hangalasa a wuxinji* ga wena ka vamatiko* lahasi ka tisinya tontlhe ta hombe. A mu zvi lavangi ku ingisa a gezu ga mina”, ku wula Jehovha.’”

14 “N’wina vana va hluwukileko, wuyani ka mina”, ku wula Jehovha. “Hakuva mina ndzi n’winyi wa n’wina wa lisine;* ndzi ta mu teka ndzi mu wuyisa Ziyoni, a mun’we ka dhoropa ni dhoropa, ni vambiri ka lixaka ni lixaka.+ 15 Ndzi ta mu nyika a varisi va tsakisako a mbilu ya mina.+ Va ta mu gisa hi wutivi ni wutlhari. 16 Masikwini lawo mu ta andza mu tala lomu tikweni”, ku wula Jehovha.+ “Va nga ta ha wula kambe, vaku: ‘A arke* ga civhumelwano ca Jehovha!’ Gona gi nga ta hata timbilwini tabye, ne hambu ku gi alakanya kutani ku gi xuva; niku gi nga ta ha mahiwa kambe. 17 Cikhatini leco, va ta vitana Jerusalema lezvaku citshamu ca wuhosi ca Jehovha,+ niku a matiko wontlhe ma ta tsombanisiwa vitweni ga Jehovha le Jerusalema;+ va nga ta nonohisa a tinhamu tabye va landzela a timbilu tabye ta kubiha.”

18 “Masikwini lawo a yindlu ya ka Judha ni yindlu ya ka Izrayeli+ ti ta famba zvin’we ti longoloka; ti ta huma zvin’we tikweni ga n’walungu tiya ka tiko legi ndzi nyikileko a vakokwani vabye kota tshomba.+ 19 Ndzi waku: ‘A ndzi no ku tsaka hi ku ku veka cikari ka vana va mina, ndzi ku nyika tiko go saseka, a tshomba yo saseka nguvhu a ku hundza yontlhe cikari ka matiko!’*+ Ndzi wa alakanya kambe lezvaku mu ta ndzi vitana ku ‘Papayi!’ niku mu wa nga ta tsika ku ndzi landzela. 20 ‘Kunene, a ku khwatsi i sati loyi a kalako a nga tsumbeki ka nuna* wakwe a tlhela a mu tsika, n’winawu va yindlu ya ka Izrayeli a mu tsumbekangi ka mina’,+ ku wula Jehovha.”

22 “Wuyani ka mina, n’wina vana va hluwukileko.

Ndzi ta mu hanyisa a wuhluwuki ga n’wina.”+

23 Hakunene a zvitsungana ni guwa ga lomu zvitsungeni a hi zva nchumu.+

Hakunene a kuhanyiswa ka Izrayeli kuta hi ka Jehovha, a Nungungulu wa hina.+

3 Hakuva Jehovha i byela a vanhu va ka Judha ni va Jerusalema, aku:

 5 Kanelani le Judha, mu huwelela le Jerusalema.

Kanyulukani muba linanga* tikweni gontlhe.+

 6 Tlakusani a sinya ya cikombiso yi cuwuka Ziyoni.

Lavani ko tumbela, mu nga yimi.”

Hakuva ndza neha khombo hi le n’walungu,*+ a kuhahlula ka hombe.

I humele hi wutshan’wini gakwe kasi ku ta hundzula tiko giva nchumu wo tshisa.

A madhoropa ya wena ma ta hahlulwa ma sala ma hi marumbi, ku nga ha tshami munhu.+

10 Makunu ndzi te: “O Jehovha, Hosi ya hombe, hakunene u kanganyisile a vanhu lava+ ni Jerusalema, uku: ‘Mu tava ni kurula’,+ kuveni a cipadha ci lomu mikolweni* ya hina.”

11 Cikhatini leco, ku ta wuliwa lezvi hi vanhu lava ni Jerusalema:

12 A moya wa hombe wata hi seyo hi kulaya ka mina.

Makunu ndzi ta va lamula.

A mahaxi yakwe ma tsutsuma ku hundza ni magama.+

Khombo ga hina, hakuva hi lovile!

14 O Jerusalema, hlazva a mbilu ya wena u yi basisa kubiheni kasi u ponisiwa.+

U ta simama ni maalakanyo ya kubiha kala rini?

18 “A tindlela ta wena ni mitiro ya wena zvi tata hehla ka wena.+

19 Yowe,* yowe!

Ndzizwa a kubayisa ka hombe mbilwini ya mina.

A mbilu ya mina ya pandza ndzeni ka mina.

A vana lava zvipumbu, a va pimisi.

23 Ndzi no cuwuka tiko, ndzi wona lezvaku a gi na nchumu niku ciwula.+

Ndzi no cuwuka matilo, ndzi wona lezvaku a ma ha hi na kuwonekela.+

30 Lezvi makunu u hahlulilweko, u ta kuyini?

I nawuluta a mandla yakwe na aku:+

“Yowe, ndzi* karele hi vadayi!”

5 Fambafambani maruweni wontlhe ya Jerusalema.

Cuwukani lomu matlhelweni, mu zvi wona.

 2 Hambu loku vaku: “A ku khwatsi hi lezvi Jehovha a hanyako!”

A kuhlambanya kabye ku wa ta simama kuva mawunwa.+

 3 O Jehovha, kasi a matihlo ya wena a ma cuwuki kutsumbeka ke?+

U va bile, kanilezvi a va zwangi nchumu.*

U va lovisile, kanilezvi a va vhumelangi ku layiwa.+

 4 Ndzi no ti byela lezvi: “Hakunene lava vanhu va nyalidede.

Ni wihi loyi a humako lomu madhoropeni o phatlulelwa.

 7 Ndzi ta ku tsetselelisa kuyini?

 9 “Xana a ndzi faneli ku va tsayisa hi kota ya zvilo lezvi ke?”, ku wula Jehovha.

“A ndzi* faneli ku ti photela ka tiko go kota legi ke?”+

Ngha lezvi va zvi wulako zvi humelela vona!”

14 Hikwalaho, Jehovha, a Nungungulu wa mabutho, i ngalo:

15 “O wena yindlu ya Izrayeli,+ ndza ku vitanela a tiko ga le kule”, ku wula Jehovha.

“I tiko ga kaleloko.

17 Va ta khadamula a tshovelo wa wena ni pawa ya wena.+

Va ta khadamula a vafana va wena ni vanhanyana va wena.

Va ta khadamula a tiyivhu ta wena ni tihomu ta wena.

Va ta khadamula a mivhina* ya wena ni mikuwu ya wena.

Va ta lovisa hi cipadha a madhoropa ya wena ma vhikelweko khwatsi, lawa u ma tsumbako.”

18 “Kanilezvi hambu masikwini lawo”, ku wula Jehovha, “ndzi nga ta mu lovisa mu ku bhi.+ 19 Loku va wutisa, vaku: ‘Hikuyini Jehovha, a Nungungulu wa hina, a hi maheleko zvontlhe lezvi ke?’ Va hlamule ku: ‘A ku khwatsi hi lezvi mu ndzi tsikileko mu ya tirela nungungulu wa matiko lomu tikweni ga n’wina, hi zvalezvo, mu ta tirela vamatiko tikweni gi nga hiko ga n’wina.’”+

21 “Zwanani lezvi, n’wina zvipumbu ni vanhu vo kala kupima,*+

24 A va wuli timbilwini tabye vaku:

26 Hakuva cikari ka vanhu va mina ku na ni vakubiha.

Va nyanimela a ku khwatsi vaphasi va zvinyanyani loku va xiyelela.

Va demba mitlhamu yi dayako.

Va phasa vanhu.

Hi zvalezvi zvi va nyikileko a ntamu va tlhela va ganya.

29 “Xana a ndzi faneli ku va tsayisa hi kota ya zvilo lezvi ke?”, ku wula Jehovha.

“A ndzi* faneli ku ti photela ka tiko go kota legi ke?

30 Lomu tikweni ku maheka zvilo zva kuhlamalisa ni zva kutshisa:

Niku a vanhu va mina va randza zvezvo.+

Kanilezvi mu ta kuyini loku a kugumesa ku chikela?”

6 Lavani wuchavelo, n’wina vana va Bhenjamini, kule ni Jerusalema.

Hakuva a khombo gata hi le n’walungu,* a khombo ga hombe.+

 2 A nhanyana wa Ziyoni i fana ni wasati wo saseka ni wo heniwa.+

 3 A varisi va tata ni mitlhambi yabye.

 4 “Ti longiseleni* kasi kulwa yimpi naye!

A hi sukeni hi mu dhumela ni mumu!”

 6 Hakuva Jehovha wa mabutho i ngalo:

“Tsemani tisinya, mu maha rampa kasi mu dhumela Jerusalema.+

 9 Jehovha wa mabutho i ngalo:

“Va ta kutsula a misalela ya Izrayeli yi ku bhi a ku khwatsi hi loku va khaya mauvha yo gumesa.

Tlhelisa woko ga wena mivhineni* a ku khwatsi hi lezvi a mahako loyi a khayako mauvha.”

10 “Ndzi ta wulawula na mani, ndzi mu tlharihisa?

Himani a to zvizwa?

A tindleve tabye ti vhalekile,* hikwalaho, a va zvi koti ku demba ndleve.+

Hakuva ndzi ta nawuluta a canja ga mina hehla ka vahanyi va tiko”, ku wula Jehovha.

Kuveni a ku na kurula.+

15 Xana vawa tingana hi zvilo zva ku nyenyeza lezvi va zvi mahileko?

A vawi tingana ne ni kutsongwani!

A va zvi tivi ku zvi wula yini a kuwa tingana!+

Hikwalaho, va tawa cikari ka van’wani va wileko.

A cikhati leci ndzi to va tsayisa va tawa”, ku wula Jehovha.

16 Jehovha i ngalo:

“Nyimani lomu mahandzakanyeni ya maruwa, mu zvi wona.

Kanilezvi vona ve ngalo: “Hi nga ta famba hi yona.”+

Kanilezvi vona va te: “Hi nga ta demba ndleve.”+

18 “Hikwalaho, zwanani, n’wina matiko!

19 Ingisa, wena misava!

21 Hikwalaho, Jehovha i ngalo:

22 Jehovha i ngalo:

23 Va ta khoma a mawura ni matlhari.

Va na ni tihanyi niku va nga ta zwela wusiwana.

O nhanyana wa Ziyoni, va ku dhumela a ku khwatsi masochwa ma hlomileko yimpi.”

24 Hi ma zwile a mahungu ya kona.

29 Lezvi va buvhetako hi zvona zvi tlahukile.

A ndzilo wabye wu humesa muthovhu basi.

7 Leyi i mhaka ya Jehovha yi ngata ka Jeremiya, yi taku: 2 “Yima laha nyangweni ya yindlu ya Jehovha u huwelela a mhaka leyi, uku: ‘Zwanani a mhaka ya Jehovha, n’wina n’wentlhe vanhu va Judha mu nghenako hi tinyangwa leti kasi ku khizamela Jehovha. 3 Jehovha wa mabutho, a Nungungulu wa Izrayeli, i ngalo: “Lulamisani a tindlela ta n’wina ni mitiro ya n’wina, ndzi ta mu tsika mu tshama ka wutshamu legi.+ 4 Mu nga tsumbi a magezu yo kanganyisa, muku: ‘Leyi i* tempeli ya Jehovha, a tempeli ya Jehovha, a tempeli ya Jehovha!’+ 5 Hakuva, loku hakunene mu lulamisa a tindlela ta n’wina ni mitiro ya n’wina, ni loku hakunene mu lamula hi kululama a mhaka ya munhu ni muakelani wakwe;+ 6 loku mu nga xanisi a valuveli, ni vana vo felwa hi vapswali,* ni tinoni,*+ ni loku mu nga halati a nkhata wo kala nandzu ka wutshamu legi, ni loku mu nga landzeli a van’wani vanungungulu kasi mu ti nehela khombo,+ 7 ndzi ta mu tsika mu tshama ka wutshamu legi, tikweni legi ndzi nyikileko a vakokwani va n’wina kala kupindzuka.”’”*

8 “Kanilezvi n’wina mu tsumba a magezu yo kanganyisa.+ Lezvo zvi nga ta mu vhuna nchumu. 9 Mu nga yiva,+ mu daya, mu maha wubhayi, mu hlambanya mawunwa,+ mu maha miphahlo ka* Bhaali,+ mu landzela a vanungungulu mu nga va tiviko, 10 mu gumesa mu ta yima laha mahlweni ka mina, ka yindlu leyi yi vitaniwako hi vito ga mina, muku, ‘hi ta ponisiwa’, hambu lezvi mu mahako a zvilo lezvi zvontlhe zvo nyenyeza ke? 11 A yindlu leyi yi vitaniwako hi vito ga mina yova mhako ya vaphangi mahlweni ka n’wina ke?+ Zvi tiveni lezvaku ndza zvi wona”, ku wula Jehovha.

12 “‘Hikwalaho, fambani wutshan’wini ga mina le Xilo,+ lomu ndzi nga vekile a vito ga mina kusanguleni kasi gi tshama lomo,+ mu ya wona lezvi ndzi zvi mahileko seyo hi kota ya kubiha ka vanhu va mina, a vaIzrayeli.+ 13 Kanilezvi mu no simama ku maha a zvilo lezvi zvontlhe’, ku wula Jehovha, ‘hambu lezvi ndzi nga wulawula na n’wina hi kuphindaphinda,* a mu ingisangi.+ Ndzi no simama ku mu vitana kanilezvi a mu hlamulangi.+ 14 Hikwalaho, ndzi ta maha ka yindlu leyi yi vitaniwako hi vito ga mina,+ leyi n’wina mu yi tsumbako,+ ni ka wutshamu legi ndzi nyikileko n’wina ni vakokwani va n’wina, zvalezvi ndzi nga maha Xilo.+ 15 Ndzi ta mu hlongola mahlweni ka mina, a ku khwatsi hi lezvi ndzi hlongolileko vontlhe a vamakabye va n’wina, vontlhe a vana va Efrayime.’+

16 “Kanilezvi wena u nga va khongeleli a vanhu lava. U nga va rileli, ne u nga khongeli hambu ku ndzi khongotela hi kota yabye,+ hakuva ndzi nga ta ku ingisela.+ 17 A wu zvi woni lezvi va mahako lomu madhoropeni ya Judha ni lomu maruweni ya Jerusalema ke? 18 A vana va kona va hlengeletela tihunyi, a vapapayi va kona va dzivela ndzilo, a vasati va kona va vhuva mapa kasi ku maha a tibholu* ta ku maha miphahlo ka Muzindza wa Tilo,*+ niku va chulula a minyikelo ya zvakunwa kasi ku ndzi zangarisa.+ 19 ‘Kanilezvi kasi kova mina va ndzi nehelako khombo* ke?’, ku wula Jehovha. ‘A hi vona va ti vangelako khombo ha voce kasi vawa tingana?’+ 20 Hikwalaho, Jehovha, a Hosi ya Hombe, i ngalo: ‘A zanga ya mina ni khulo ga mina zvi ta chululiwa hehla ka wutshamu legi,+ ni ka vanhu, ni ka zvihari, ni ka tisinya ta khwati, ni ka mihandzu ya misava; yi ta vhura yi nga timiwi.’+

21 “Jehovha wa mabutho, a Nungungulu wa Izrayeli, i ngalo: ‘Simamani mu engetela a minyikelo ya n’wina ya kuhiswa ya mirumba ka miphahlo yin’wani ya n’wina, muga a nyama ya kona.+ 22 Hakuva a siku legi ndzi nga humesa a vakokwani va n’wina tikweni ga Gibhite a ndzi va byelangi kutani ku va laya nchumu xungetano hi minyikelo ya kuhiswa ya mirumba ni miphahlo.+ 23 Kanilezvi ndzi no va laya, ndziku: “Ingisani a gezu ga mina, mina ndzi tava Nungungulu wa n’wina, na n’wina mu tava vanhu va mina.+ Fambani tindleleni ta mina tontlhe leti ndzi mu layileko kasi zvi mu fambela khwatsi.”’+ 24 Kanilezvi a va ingisangi ne a va dembangi ndleve.+ Wutshan’wini ga lezvo, va no famba manweni* yabye, va ti nonohisa va landzela timbilu tabye to biha;+ va no tlhelela ndzhako va ngayi phambeni, 25 kusukela a siku legi a vakokwani va n’wina va nga huma tikweni ga Gibhite kala nyamutlha.+ Hikwalaho, ndzi no simama ku mu rumelela wontlhe a malandza ya mina, a vaphrofeti, ndzi va rumela siku ni siku, hi kuphindaphinda.*+ 26 Kanilezvi va no ala ku ndzi ingisa, va nga dembi a ndleve yabye;+ va no ti nonohisa,* va maha kubiha ko hundza ni ka vakokwani vabye!

27 “U ta wulawula timhaka leti tontlhe kabye,+ kanilezvi va nga ta ku ingisa; u ta va vitana kanilezvi va nga ta ku hlamula. 28 U taku ka vona: ‘A vanhu va tiko legi a va ingisangi a gezu ga Jehovha, a Nungungulu wabye, niku a va vhumelangi ku layiwa. A kutsumbeka ku fuvile niku a ka ha kumbukiwi cikari kabye.’*+

29 “Halula misisi ya wena yi nga tsemiwangiko* u yi hoxa kule; yimbelela a lisimu la cirilo hehla ka zvitsungana zva cisapa hakuva Jehovha i alile tiko legi gi mu zangarisileko niku i ta gi tsika. 30 ‘Hakuva a vanhu va Judha va mahile lezvi zvi bihileko mahlweni ka mina’, ku wula Jehovha. ‘Va vekile a zvifananiso zvabye zvo nyenyeza lomu ndlwini leyi yi vitaniwako hi vito ga mina kasi va yi nyenyezisa.+ 31 Va akile a matshamu ma tlakukileko ya Tofete, lawa ma nga Nkoveni wa N’wana wa Hinome,*+ kasi va hisela kona a vafana vabye ni vanhanyana vabye ndzilweni,+ a zvilo zva ku a ndzi va layangi ku maha ne a zvi tshukangi zvi ndzi tela mbilwini ya mina.’*+

32 “‘Hikwalaho, a masiku mata’, ku wula Jehovha, ‘laha a wutshamu legi gi to kala gi nga ha vitaniwi ku Tofete kutani Nkova wa N’wana wa Hinome,* kanilezvi gi to vitaniwa ku Nkova wa Kuhihirita. Va ta lahla zvirumbi le Tofete kala ku nga ha sali wutshamu.+ 33 A zvirumbi zva vanhu lava zvi tava zvakuga zva zvinyanyani zva matilo ni zva zvihari zva laha misaveni niku i hava a to zvi hlongola.+ 34 Ndzi ta fuvisa a guwa ga kutsaka ni guwa ga kunengela ni gezu ga noivha ni gezu ga noivho+ lomu madhoropeni ya Judha ni lomu maruweni ya Jerusalema, hakuva a tiko gi ta hahluliwa gi maha rumbi.’”+

8 “Ka cikhati leco”, ku wula Jehovha, “a marambu ya tihosi ta Judha, ni marambu ya tihosana ta kona, ni marambu ya vapristi, ni marambu ya vaphrofeti, ni marambu ya vahanyi va Jerusalema ma ta susiwa zvilahleni zvabye. 2 Ma ta hangalaswa lahasi ka gambo, ni lahasi ka hweti, ni lahasi ka butho gontlhe ga matilo, ku nga lezvi va nga zvi randza, va zvi tirela, va zvi landzela, va zvi hlota ni ku zvi khizamela.+ Ma nga ta hlengeletwa ne hambu ku lahliwa. Ma ta maha citromu laha misaveni.”+

3 “A misalela ya ngango lowu wa kubiha, leyi yi to pona, yi ta hlawula kufa wutshan’wini ga kuhanya, matshan’wini wontlhe lawa ndzi to va hangalasa vaya ka wona”, ku wula Jehovha wa mabutho.

4 “Va byele, uku: ‘Jehovha i ngalo:

“Xana va tawa va nga ha vhuki kambe ke?

Loku a mun’we a hundzuluka, loyi mun’wani a nga ta hundzulukawu ke?

 5 Hikuyini a vanhu lava va Jerusalema va simamako kungatsumbeki?

 6 Ndzi no demba ndleve ndzi ingisela, kanilezvi a wulawulela gabye gi wa nga lulamangi.

I hava a nga ti sola kubiheni kakwe, kutani ku ti wutisa, aku: ‘Zvini ndzi nga maha?’+

A mun’we ni mun’wani i simama ku landzela ndlela ya votala a ku fana ni haxi gi tsutsumelako yimpini.

Kanilezvi a vanhu va mina a va ku zwisisi a kulamula ka Jehovha.”’+

 8 ‘Hikuyini mu nge: “Hi tlharihile, hi na ni nayo* wa Jehovha”?

A limbave la mawunwa+ la vatsali* lo tiriselwa ku tsala mawunwa basi.

 9 A titlhari ti wisilwe tingana.+

Ta rurumela niku ti ta khon’wa.

Kuveni a ku na kurula.+

12 Xana vawa tingana hi zvilo zva kunyenyeza lezvi va zvi mahileko?

A vawi tingana ne ni kutsongwani!

A va zvi tivi ku zvi wula yini a kuwa tingana!+

Hikwalaho, va tawa cikari ka van’wani va wileko.

A cikhati leci ndzi to va tsayisa va tawa’,+ ku wula Jehovha.

13 ‘Laha ndzi to va hlengeleta, ndzi ta va lovisa va ku bhi’, ku wula Jehovha.

‘Ku nga ta sala mauvha lomu vhineni* ne hambu makuwu lomu nkuweni, ni matluka ma ta wuna.

Va ta luza lezvi ndzi va nyikileko.’”

14 “Hi tshamela yini laha?

A hi tlhanganeni hi nghena madhoropeni ma vhikelweko khwatsi+ hi fela lomo.

16 Hi le Dhani ku zwala kuba ka mahaxi yakwe.

“Kasi Jehovha a nga kona Ziyoni ke?

Kutani a hosi yakwe a yi kona kakwe ke?”

Ndzi khomilwe hi kuchava.

22 A ku na bhalsamu le Gileyadhe ke?+

Kutani a ku na dhokodhela* leyo ke?+

Makunu hikuyini a nhanyana wa vanhu va mina a nga kala ku kalamuka ke?+

 2 Mayiwako loku ndzi wa hi ni chacha wa vaendzi lomu ciwuleni!

Va gondzisile a lirimi labye a ku wulawula mawunwa.+

Va ti karata hi ku maha zvakubiha.

 6 U hanya cikari ka wukanganyisi.

Hi kota ya wukanganyisi gabye va ala ku ndzi tiva”, ku wula Jehovha.

 7 Hikwalaho, Jehovha wa mabutho i ngalo:

 8 A lirimi labye i paxa wu dayako, li wulawulako wukanganyisi.

 9 “Xana a ndzi faneli ku va tsayisa hi kota ya zvilo lezvi ke?”, ku wula Jehovha.

“A ndzi* faneli ku ti photela ka tiko go kota legi ke?+

A zvinyanyani zva tilo ni zvihari zvi tsutsumile; zvi fambile.+

12 Himani a tlharihileko kuringana ku a zwisisa zvilo lezvi ke?

A nomu wa Jehovha wu wulawulile na mani kasi a zvi hlawutela?

Hikuyini a tiko gi lovisilweko?

13 Jehovha i no hlamula, aku: “Hi kota ya lezvi va tsikileko a nayo* wa mina lowu ndzi wu vekileko mahlweni kabye, ni lezvi va nga kala ku wu landzela ne ku ingisa a gezu ga mina. 14 Kanilezvi va no ti nonohisa va landzela a timbilu tabye,+ va tlhela va landzela zvifananiso zva Bhaali, kota lezvi va gondzisilweko hi vapapayi vabye.+ 15 Hikwalaho, Jehovha wa mabutho, a Nungungulu wa Izrayeli, i ngalo: ‘A vanhu lava ndzi ta va gisa a sinya ya kubava, ndzi va nwisa a mati ya vhenene.+ 16 Ndzi ta va hangalasa cikari ka matiko lawa vona ni vapapayi vabye va nga kala va nga ma tivi;+ ndzi ta va rumelela cipadha kala ndzi va lovisa va ku bhi.’+

19 Hakuva ku zwele a guwa ga cirilo hi le Ziyoni:+

“Lezvi hi nga hahluliswa zvona!

A hi kukula ka tingana ta hina!

Hakuva hi tsikile tiko; vona va hahlulile ni miti ya hina.”+

20 N’wina vavasati, zwanani a mhaka ya Jehovha.

A tindleve ta n’wina ti wa amukele a mhaka ya nomu wakwe.

23 Jehovha i ngalo:

24 “Kanilezvi loyi a ti kulisako i wa ti kulise hi mhaka leyi yaku:

25 “A masiku mata”, ku wula Jehovha, “laha ndzi to lamula vontlhe lava va mahileko wukwera* kuveni hi lisine va ha hi makhuna:+ 26 Ku nga Gibhite,+ na Judha,+ na Edhomi,+ ni vaAmoni,+ na Mowabhi,+ ni vontlhe lava va hanyako lomu ciwuleni,+ va tsemileko misisi lomu mareveni; hakuva a matiko wontlhe a ma mahangi wukwera,* ni yindlu yontlhe ya Izrayeli a yi mahangi wukwera mbilwini ya yona.”+

10 Zwanani a mhaka leyi Jehovha a wulako hi n’wina va yindlu ya Izrayeli. 2 Jehovha i ngalo:

 3 Hakuva a mahanyela ya vanhu mo kanganyisa ntsena.

 6 O Jehovha, a nga kona a fanako na wena.+

Wena u wa hombe, ni vito ga wena ga hombe niku gi na ni ntamu.

 8 Vontlhe a va pimisi niku zvipumbu.+

A gondziselelo ya sinya yo kanganyisa ntsena.+

A tinguwo tabye ta lihindza la azuli ni woya go pswhuka.

Zvontlhe zvi mahilwe hi vatiri va tlharihileko.

10 Kanilezvi Jehovha i Nungungulu wa lisine.

I Nungungulu a hanyako+ ni Hosi ya pindzukelwa.+

11* Mu ta va byela, muku:

14 Vontlhe a va pimisi ne a va tivi.

15 Zvo kanganyisa ntsena, mitiro ya cihlekiso ntsena.+

Laha gi to chikela a siku ga kulamulwa ka zvona, zvi ta lova.

A vito gakwe hi Jehovha wa mabutho.+

18 Hakuva Jehovha i ngalo:

19 Yowe! Ndzi tshovekile!+

A cilondza ca mina a ci chumeki.

Ndzi te ngalo: “Hakunene legi hi gona a wubabyi ga mina, ndzi fanele ku gi timisela.

20 A tenda ga mina gi hahlulelwe, ni tingoti tontlhe ta tenda ga mina ti phewulelwe.+

A vana va mina va ndzi tsikile, a va ha hi kona.+

A ku salangi munhu wa ku gwimba a tenda ga mina ni ku tlakusa a tinguwo ta gona.

22 Hi nga zwani! Ka chikela mahungu!

23 O Jehovha, ndza zvi tiva khwatsi lezvaku a ndlela ya munhu a yi le ntan’wini wakwe.

A zvi le ntan’wini wa munhu a ku rangela a mazambo yakwe.+

11 Leyi i mhaka ya Jehovha yi ngata ka Jeremiya, yi taku: 2 “N’wina vanhu, zwanani a timhaka ta civhumelwano leci!

“Wula* a timhaka leti ka vanhu va ka Judha ni ka vahanyi va Jerusalema, 3 uku: ‘Jehovha, a Nungungulu wa Izrayeli, i ngalo: “I rukatelwe a munhu loyi a nga ingisiko a timhaka ta civhumelwano leci,+ 4 ndzi leleteleko a vakokwani va n’wina a siku legi ndzi nga va humesa a tikweni ga Gibhite,+ lomu ka ndzhimbo* wa ku nyekisa tisimbi,+ ndziku: ‘Ingisani a gezu ga mina, mu maha zvontlhe lezvi ndzi mu leletelako, makunu mu tava vanhu va mina, mina ndziva Nungungulu wa n’wina,+ 5 kasi ndzi tatisa a cihlambanyo leci ndzi hlambanyileko ka vakokwani va n’wina ca ku va nyika a tiko gi khulungako a masi ni wulombe,+ kota lezvi zvi mahekako nyamutlha.’”’”

Makunu ndzi no hlamula, ndziku: “Amen,* O Jehovha.”

6 Jehovha i te ngalo ka mina: “Huwelela timhaka leti tontlhe madhoropeni ya Judha ni maruweni ya Jerusalema, uku: ‘Zwanani a timhaka ta civhumelwano leci, mu ti maha. 7 Hakuva ndzi va layile nguvhu a vakokwani va n’wina a siku legi ndzi nga va humesa tikweni ga Gibhite kala nyamutlha, ndzi phindaphinda ku va laya,* ndziku: “Ingisani a gezu ga mina.”+ 8 Kanilezvi a va ingisangi kutani ku demba ndleve yabye; a mun’we ni mun’wani wabye i no ti nonohisa a landzela a mbilu yakwe ya kubiha.+ Hikwalaho, ndzi no neha hehla kabye a timhaka tontlhe ta civhumelwano leci, leci ndzi va layileko ku ci maha, vona va ala ku ci hlayisa.’”

9 Jehovha i no ndzi byela, aku: “A vanhu va Judha ni vahanyi va Jerusalema va lukile cikungo. 10 Va tlhelele ka zvigoho zva vakokwani vabye, lezvi va zvi mahileko kusukela kusanguleni, lava va nga ala ku ingisa timhaka ta mina.+ Vonawu va landzele a vanungungulu van’wani va va tirela;+ a yindlu ya Izrayeli ni yindlu ya Judha ti tshovile a civhumelwano ca mina leci ndzi ci mahileko ni vakokwani vabye.+ 11 Hikwalaho, Jehovha i ngalo: ‘Ndza va nehela a khombo+ legi va to tsandzeka ku huluka ka gona. A cikhati leci va to rila ka mina va kombela ku vhuniwa, ndzi nga ta va ingisela.+ 12 A madhoropa ya Judha ni vahanyi va Jerusalema va taya ka vanungungulu lava va va mahelako miphahlo* va ya va rilela va kombela ku vhuniwa,+ kanilezvi a vanungungulu lavo va nga ta va ponisa laha va to welwa hi khombo gabye. 13 Hakuva a vanungungulu va wena Judha va tele a ku khwatsi madhoropa ya wena, ni maalati lawa u ma maheleko a cilo ca tingana* ma tele a ku fana ni maruwa ya Jerusalema, ma nga maalati ya ku mu mahela miphahlo Bhaali.+

14 Kanilezvi wena* u nga va khongeleli a vanhu lava. U nga va rileli, ne u nga khongeli hi kota yabye+ hakuva ndzi nga ta ingisela a cikhati leci va to khongela ka mina hi kota ya khombo gabye.

Xana a cikhati leci a khombo gi tota ka wena va ta zvi kota a ku gi vhalela hi kota ya nyama yo basa?*

U ta giyagiya cikhatini leco ke?

17 “Jehovha wa mabutho, Loyi a nga ku byala,+ i wulile lezvaku u ta welwa hi khombo hi kota ya kubiha loku ku mahilweko hi yindlu ya Izrayeli ni yindlu ya Judha, lava va ndzi zangarisileko hi ku maha miphahlo ka Bhaali.”+

19 Ndzi wa fana ni yivhana yo rula yi gulelwako kudaweni.

Ndzi wa nga zvi tivi lezvaku va ndzi lukela cikungo,+ vaku:

21 Hikwalaho, Jehovha i wula lezvi ka vanhu va le Anatote,+ lava va hlotako a wutomi* ga wena va tlhela vaku: “U nga phrofeti hi vito ga Jehovha+ hakuva hi nga ku daya”. 22 Hikwalaho, Jehovha wa mabutho i ngalo: “Ndzi ta va lamula. A majaha ma tafa hi cipadha,+ a vafana vabye ni vanhanyana vabye vonawu va tafa hi ndlala.+ 23 Ku nga ta sala ne mun’we wabye, hakuva ndzi ta neha khombo hehla ka vanhu va le Anatote+ ka lembe legi va to lamuliwa hi gona.”

 2 U va byalile va zima timitsu.

Va kulile va pswala mihandzu.

Wena u minon’wini yabye, kanilezvi u kule ni maalakanyo yabye ma etileko.*+

Hakuva va te ngalo: “A nga zvi woni lezvi zvi to hi humelela.”

Va ku kuwele.

 7 “Ndzi tsikile a yindlu ya mina;+ ndzi tsikile a tshomba ya mina.+

Ndzi nyikele a murandziwa wa mina* canjeni ga valala vakwe.+

 8 A tshomba ya mina yi fana ni nghala lomu khwatini.

Yi ndzi bhongele.

Hikwalaho, ndzi no yi nyenya.

Va hundzulile a tshomba ya mina yo saseka yiva ciwula.

11 Yi mahile ciwula.

I hava a nga ni kurula.

13 Va byalile trigo kanilezvi va tshovele mimizwa.+

Va ti karatile mahala.

14 Jehovha i byela vontlhe vaakelani va mina vo biha, lava va khumbako a tshomba leyi ndzi nyikileko a vanhu va mina, a vaIzrayeli,+ aku: “Ndzi ta va tsuwula tikweni gabye;+ ndzi ta tsuwula a yindlu ya Judha cikari kabye. 15 Kanilezvi loku ndzi va tsuwulile, ndzi ta tlhela ndzi va zwela wusiwana, ndzi wuyisa a mun’we ni mun’wani tshombeni yakwe ni tikweni gakwe.

16 “Loku hakunene va gondza a tindlela ta vanhu va mina, va hlambanya hi vito ga mina, vaku: ‘A ku khwatsi hi lezvi Jehovha a hanyako!’, a ku fana ni lezvi va gondzisileko a vanhu va mina a ku hlambanya hi Bhaali, va ta hanya cikari ka vanhu va mina. 17 Kanilezvi loku va nga ingisi, ndzi ta tlhela ndzi tsuwula a tiko lego, ina, ndzi ta gi tsuwula ndzi gi lovisa”, ku wula Jehovha.+

13 Jehovha i te ngalo ka mina: “Famba u ya xava a libhandi la wukene* u li boha ciwunwini ca wena, kanilezvi u nga li peti matini.” 2 Hikwalaho, ndzi no xava libhandi kota lezvi Jehovha a nga ndzi byelile, ndzi li boha ciwunwini ca mina. 3 A mhaka ya Jehovha yi nota ka mina hi khati ga wumbiri, yi taku: 4 “Teka a libhandi leli u nga xava, leli u bohileko, u suka uya Eufrate u ya li fihla lomu mhakweni ya ribye.” 5 Hikwalaho, ndzi no famba ndzi ya li fihla le Eufrate, kota lezvi Jehovha a nga ndzi leletele.

6 Kanilezvi andzhako ka masiku yo tala, Jehovha i no ndzi byela, aku: “Suka uya Eufrate u ya teka a libhandi leli ndzi nga ku leletela ku ya li fihla seyo.” 7 Hikwalaho, ndzi noya Eufrate ndzi ya vhevhula a libhandi ndzi li teka laha ndzi nga li fihlile kona, kanilezvi ndzi no wona lezvaku a libhandi li wa hlakele; li wa nga ha sizi nchumu.

8 A mhaka ya Jehovha yi nota ka mina, yi taku: 9 “Jehovha i ngalo: ‘Hi zvalezvi ndzi to ma lovisisa zvona a matshandza ya Judha ni matshandza ya hombe ya Jerusalema.+ 10 A vanhu lava vo biha, va nga ingisiko a magezu ya mina,+ lava va ti nonohisako va landzela a timbilu tabye,+ lava va landzelako a vanungungulu van’wani, va va tirela ni ku va khizamela, va ta fana ni libhandi leli li nga ha siziko nchumu.’ 11 ‘Hakuva a ku khwatsi hi lezvi a libhandi li namarelako ciwunwini ca munhu, ndzi mahile a yindlu yontlhe ya Izrayeli ni yindlu yontlhe ya Judha ti namarela ka mina’, ku wula Jehovha, ‘kasi vava vanhu va mina,+ ni wudhumo,+ ni wudzundzo,+ ni nchumu wo saseka. Kanilezvi a va ingisangi.’

12 “Va byele a mhaka leyi kambe, uku: ‘Jehovha, a Nungungulu wa Izrayeli, i ngalo: “A tifuko tontlhe ta hombe ti wa tatiwe hi vhinyo.”’ Vona va ta ku hlamula, vaku: ‘Kasi ho kala hi nga zvi tivi ku a tifuko tontlhe ta hombe ti fanele ku tatiwa hi vhinyo ke?’ 13 Makunu u taku kabye: ‘Jehovha i ngalo: “Ndzi ta popisa a vahanyi vontlhe va tiko legi,+ ni tihosi ti tshamako citshan’wini ca wuhosi ca Dhavhidha, ni vapristi, ni vaphrofeti, ni vontlhe vahanyi va Jerusalema. 14 Ndzi ta va maha va gumulana, a vapapayi ni vana”, ku wula Jehovha.+ “Ndzi nga ta va zwela wusiwana hambu ku va tsetsa kutani ku va mahela wuxinji; ci hava ci to ndzi vhalela ku va lovisa.”’+

15 Zwanani, mu demba ndleve.

Mu ngavi ni matshandza, hakuva Jehovha i wulile.

19 A madhoropa ya le dzongeni* ma vhalilwe,* a nga kona wa ku ma vhulula.

Vontlhe va ka Judha va tekilwe vaya wukhumbini, ina, va tekilwe vontlhe vaya wukhumbini.+

20 Tlakusa a matihlo ya wena u wona vanhu va tako hi le n’walungu.*+

Wu kwihi a ntlhambi wa wena lowu u nyikilweko, a tiyivhu ta wena to saseka ke?+

U nga ta lun’wa a ku khwatsi wasati a pswalako ke?+

22 Loku u wula mbilwini ya wena, uku: ‘Hikuyini ndzi nga welwa hi zvilo lezvi?’+

Zvi tive lezvaku u tlhatlhelwe saya hi kota ya cigoho ca wena ca hombe;+

Ni zvirendze zva wena zvi bayisilwe.

23 A muKuxe* a nga cica a hlonge yakwe ke, ni yingwe yi nga cica a mavalavala ya yona ke?+

24 Hikwalaho, ndzi ta mu hangalasa a ku khwatsi i byanyi go woma gi kukuletwako hi moya wa lomu ciwuleni.+

U ta tshama u nga hlazvekangi kala rini?”+

14 Leyi i mhaka ya Jehovha yi tileko ka Jeremiya xungetano hi zvihala,+ yi taku:

 2 Judha wa rila,+ ni tinyangwa takwe ti hahlulelwe.

 3 A tihosi tabye ti ruma a malandza ya tona* ma ya lava mati.

Maya tihloweni,* kanilezvi a ma kumi mati.

Ma wuya ni zvibya zva maphanga.

 6 A timbongola ta khwati ti yima lomu zvitsungeni zva ligwangwa.

U nga hi tsiki.

10 Jehovha i wula lezvi xungetano hi vanhu lava: “Va randza ku pepetseka,+ a va khomi a mikondzo yabye.+ Hikwalaho, Jehovha a nga tsakiswi hi vona.+ Makunu i ta alakanya a cigoho cabye, a va lamula hi kota ya zviwonho zvabye.”+

11 Jehovha i te ngalo ka mina: “U nga va khongeleleli zvilo zva zvinene a vanhu lava.+ 12 Loku va pfhunga,* a ndzi ingiseli a kukhongotela kabye,+ ni loku va maha a minyikelo ya kuhiswa ya mirumba ni minyikelo ya tindzhoho a yi ndzi tsakisi,+ hakuva ndzi ta va lovisa hi cipadha, ni ndlala, ni ntungu.*+

13 Mina ndzi te ngalo: “O Jehovha, Hosi ya Hombe! A vaphrofeti ve ngalo kabye: ‘Mu nga ta wona cipadha, hambu ni ndlala yi nga ta mu tela, kanilezvi ndzi ta mu nyika kurula ka lisine wutshan’wini legi.’”+

14 Makunu Jehovha i te ngalo ka mina: “A vaphrofeti va phrofeta mawunwa hi vito ga mina.+ A ndzi va rumangi, ne a ndzi va leletelangi, ne hambu ku wulawula navo.+ Lezvi va mu phrofetelako muwoniso wa mawunwa ni kuvhumba ku nga vhuniko nchumu ni mawunwa ya timbilu tabye.+ 15 Hikwalaho, xungetano hi vaphrofeti lava va phrofetako hi vito ga mina hambu lezvi ndzi nga kala ku va ruma, ni lava va nge ku nga tava ni cipadha hambu kuva ni ndlala tikweni legi, Jehovha i ngalo: ‘A vaphrofeti lavo va ta dawa hi cipadha ni ndlala.+ 16 A vanhu lava va va phrofetelako va ta hoxiwa lomu maruweni ya Jerusalema hi kota ya ndlala ni cipadha. Ku nga tava ni wa ku va lahla+ — vona, ni vasati vabye, ni vafana vabye ni vanhanyana vabye — hakuva ndzi ta va chululela a khombo legi gi va ringanako.’+

Hakuva a muphrofeti ni mupristi va pepetseka lomu tikweni va nga gi tiviko.’”+

19 Xana Judha u no mu tsikela magumo, kutani ku nyenya Ziyoni ke?+

Hikuyini u hi bileko laha ka kuza zvi nga ha koteki ku hi chumiwa?+

Alakanya a civhumelwano leci u mahileko na hina, u nga ci tshovi.+

A hi wena wece u mahako lezvo, wena Jehovha, Nungungulu wa hina ke?+

15 Jehovha i te ngalo ka mina: “Hambu loku Mosi na Samuweli va wota va ta yima mahlweni ka mina,+ ndzi wa nga ta va zwela wusiwana a* vanhu lava. Va hlongole mahlweni ka mina. Va tsike va famba. 2 Loku vaku: ‘Hi taya kwihi?’ Va byele, uku: ‘Jehovha i ngalo:

“Loyi zvi lavako ku a dawa hi ntungu wu dayako, i ta dawa hi ntungu wu dayako!

Loyi zvi lavako ku a dawa hi cipadha, i ta dawa hi cipadha!+

Loyi zvi lavako ku a dawa hi ndlala, i ta dawa hi ndlala!

Ni loyi zvi lavako ku aya wukhumbini, i taya wukhumbini!”’+

3 “‘Ndzi ta va rumelela a mune wa makhombo’,*+ ku wula Jehovha, ‘a cipadha kasi ku va daya, ni timbyana kasi ku va rorovisela, ni zvinyanyani zva tilo ni zvihari zva laha misaveni kasi ku va khadamula ni ku va lovisa.+ 4 Ndzi ta va maha vava nchumu wo tshisa ka yontlhe mifumo ya misava+ hi kota ya lezvi Manase, a n’wana wa Hezekiya, a hosi ya Judha, a nga maha Jerusalema.+

 6 ‘U ndzi tsikile’, ku wula Jehovha.+

‘U tshama hi ku ndzi fularela.*+

Hikwalaho, ndzi ta nawuluta a canja ga mina hehla ka wena ndzi ku lovisa.+

Ndzi karele hi ku ku zwela wusiwana.*

 7 Ndzi ta va hehera lomu tinyangweni ta tiko.

Ndzi ta va dayela vana vabye.+

 8 A tinoni tabye* ti ta tala nguvhu mahlweni ka mina a ku hundza ni misava ya mabimbi.

Ndzi ta va nehela mulovisi ni mumu, a tela vamamani ni majaha.

Hi citshuketi, ndzi ta va nehela gujeguje ni kuchava.

Ndzi photele ka lava va ndzi xanisako.+

U nga ndzi tsiki ndzi lova* hi lezvi u nonokako ku zangara.

Zvi tive lezvaku ndzi rukiwa hi kota ya wena.+

17 A ndzi tshami ni lava va randzako ku hlakana ndzi tsaka navo.+

18 Hikuyini a kubayisa ka mina ku nga hundziko, ni cilondza ca mina ci nga chumekiko ke?

A ci vhumeli ku hola.

19 Hikwalaho, Jehovha i ngalo:

20 “Ndza ku maha a muro wa kobre wu tiyisilweko khwatsi ka vanhu lava.+

16 A mhaka ya Jehovha yi nota kambe ka mina, yi taku: 2 “U nga teki sati, ne u nga pswali a vafana ni vanhanyana wutshan’wini legi. 3 Hakuva xungetano hi vafana ni vanhanyana lava va pswaliwako lomu, ni vamamani lava va va pswalako, ni vapapayi lava va va pswalako tikweni legi, Jehovha i ngalo: 4 ‘Va ta dawa hi mababyi ma dayako,+ kanilezvi i hava a to va rila hambu ku va lahla. Va ta maha citromu laha misaveni.+ Va ta lova hi cipadha ni ndlala,+ niku a zvirumbi zvabye zvi ta giwa hi zvinyanyani zva matilo ni zvihari zva laha misaveni.’

 6 A vahombe ni vatsongwani va tafa tikweni legi.

9 “Hakuva Jehovha wa mabutho, a Nungungulu wa Izrayeli, i ngalo: ‘Wutshan’wini legi, ndzi ta fuvisa a guwa ga litsako ni kunengela, a gezu ga noivho ni gezu ga noivha, masikwini ya wena ni kuwoneni ka wena.’+

10 “A cikhati leci u to byela vanhu a timhaka tontlhe leti, va ta ku wutisa vaku: ‘Hikuyini Jehovha a lavako ku hi nehela a khombo legi gontlhe ga hombe? Cini hi mu goheleko niku cini hi mu wonheleko Jehovha, Nungungulu wa hina ke?’+ 11 U ta va hlamula, uku: ‘“Hi lezvi a vakokwani va n’wina va ndzi tsikileko”,+ ku wula Jehovha, “va landzela van’wani vanungungulu, va va tirela ni ku va khizamela.+ Kanilezvi mina va ndzi tsikile, ni nayo wa mina a va wu hlayisangi.+ 12 N’wina mu maha zvakubiha a ku hundza a vakokwani va n’wina.+ A mun’we ni mun’wani wa n’wina i landzela a kunonoha ka mbilu yakwe yo biha, a tsika ku ndzi ingisa.+ 13 Hikwalaho, ndzi ta mu hlongola tikweni legi, ndzi mu yisa ka tiko legi n’wina ni vakokwani va n’wina mu kalako mu nga gi tivi.+ Seyo mu ta ya tirela van’wani vanungungulu, mumu ni wusiku,+ hakuva ndzi nga ta mu mahela wuxinji.”’

14 “‘Hambulezvo, a masiku mata’, ku wula Jehovha, ‘laha va to kala va nga ha wuli ku: “A ku khwatsi hi lezvi Jehovha a hanyako, loyi a humesileko a vanhu va ka Izrayeli tikweni ga Gibhite!”,+ 15 kanilezvi va to: “A ku khwatsi hi lezvi Jehovha a hanyako, loyi a humesileko a vanhu va ka Izrayeli tikweni ga n’walungu* ni matikweni wontlhe lawa a nga va hangalasile ka wona!” Ndzi ta va wuyisa tikweni gabye legi ndzi nyikileko a vakokwani vabye.’+

17 Hakuva a matihlo ya mina ma wona zvontlhe va mahako.*

17 “A ciwonho ca Judha ci tsalilwe hi lapizeri wa simbi.

 4 U ta nyikela ha wece a tshomba leyi ndzi ku nyikileko.+

Yi ta vhura kala kupindzuka.”

 5 Jehovha i ngalo:

 6 I ta fana ni sinya yi nga ku dongi yoce lomu ciwuleni.

 9 A mbilu ya kanganyisa a ku hundza zvilo zvontlhe niku ya kayakaya.*+

Yi nga tiviwa himani ke?

14 O Jehovha, ndzi hanyise, ndzi ta hanya.

15 Ku na ni lava va ndzi byelako ku:

“Yi kwihi a mhaka ya Jehovha?+

Yi wa tatiseke!”

17 U nga ndzi chavisi.

Wena u wuchavelo ga mina sikwini ga khombo.

19 Jehovha i te ngalo ka mina: “Famba u ya yima laha nyangweni ya vanhu, leyi a tihosi ta Judha ti nghenako ni ku huma hi yona, ni lomu tinyangweni tontlhe ta Jerusalema.+ 20 Va byele, uku: ‘Zwanani a mhaka ya Jehovha, n’wina tihosi ta Judha, na n’wina vanhu va Judha, na n’wina n’wentlhe vahanyi va Jerusalema, n’wina mu nghenako hi tinyangwa leti. 21 Jehovha i ngalo: “Ti woneleni, mu nga rwali mindzhwalo hi siku ga sabhadho kutani ku yi nghenisa hi tinyangwa ta Jerusalema.+ 22 Mu nga humesi mindzhwalo lomu mitini ya n’wina hi siku ga sabhadho; mu nga tiri nchumu.+ Basisani a siku ga sabhadho khwatsi hi lezvi ndzi leleteleko a vakokwani va n’wina.+ 23 Kanilezvi a va ingisangi ne ku demba ndleve yabye; va no ti nonohisa tinhamu va nga ingisi, va nga vhumeli ku layiwa.”’+

24 “‘“Hambulezvo, loku hakunene mu ndzi ingisa”, ku wula Jehovha, “mu nga nghenisi a mindzhwalo hi tinyangwa ta dhoropa legi hi siku ga sabhadho, mu basisa a sabhadho hi ku nga mahi ne ni ntiro wun’we ka gona,+ 25 a tihosi ni tihosana leti ti tshamako citshan’wini ca wuhosi ca Dhavhidha+ tonawu ti ta nghena hi tinyangwa ta dhoropa legi na ti khilele a tikareta ni mahaxi, tona, ni tihosana tabye, ni vanhu va ka Judha ni vahanyi va Jerusalema;+ a dhoropa legi gi tava ni vanhu kala kupindzuka. 26 A vanhu va tata hi madhoropeni ya Judha ni matshan’wini ma randzeleko Jerusalema, ni tikweni ga Bhenjamini,+ ni tikweni ga mindzhelelo,+ ni tikweni ga zvitsunga, ni le Negebhe,* va neha minyikelo ya kuhiswa ya mirumba,+ ni miphahlo,+ ni minyikelo ya tindzhoho,+ ni libani, ni miphahlo ya kubonga, ndlwini ya Jehovha.+

27 “‘“Kanilezvi loku mu nga ndzi ingisi, mu nga basisi a siku ga sabhadho, mu rwala mindzhwalo mu yi nghenisa hi tinyangwa ta Jerusalema hi siku ga sabhadho, ndzi ta lumekela a tinyangwa ta gona tiswa hi ndzilo; a ndzilo wu ta hisa a tikhokhola* ta Jerusalema+ ti tiyisilweko khwatsi, niku wu nga ta timiwa.”’”+

18 Leyi i mhaka ya Jehovha yi ngata ka Jeremiya, yi taku: 2 “Suka, u relela ndlwini ya muwumbi,+ ndzi ta ya ku byela timhaka ta mina seyo.”

3 Hikwalaho, ndzi no relela ndlwini ya muwumbi, ndzi ya mu kuma na a tira laha ka rodha ga muwumbi. 4 Kanilezvi a cibya leci a muwumbi a nga kari a maha hi wumba ci no wonheka mandleni yakwe. Hikwalaho, a muwumbi i no wumba cin’wani cibya hi wumba galego kota lezvi a nga zvi lavisa zvona.

5 Makunu a mhaka ya Jehovha yi nota ka mina, yi taku: 6 “‘Wena yindlu ya ka Izrayeli, ndzi nga zvi tsandzeka a ku ku maha zvo fana ni lezvi a muwumbi loyi a nga maha?’, ku wula Jehovha. ‘A ku khwatsi i wumba mandleni ya muwumbi, u tshamisile lezvo wena yindlu ya ka Izrayeli mandleni ya mina.+ 7 Ni ka cihi cikhati ndzi wulawulako hi ku tsuwula ni ku khungumula, ni ku lovisa tiko kutani mufumo,+ 8 a tiko lego gi tsika a kubiha loku ndzi wulawulileko hi kona, minawu ndzi ta cica a maalakanyo ya mina* xungetano hi khombo legi ndzi nga lava ku gi nehela.+ 9 Kanilezvi ni ka cihi cikhati ndzi wulawulako hi ku aka ni ku byala tiko kutani mufumo, 10 gona gi maha lezvi zvi bihileko mahlweni ka mina, gi nga ingisi a gezu ga mina, mina ndzi ta cica maalakanyo ya mina* xungetano hi wunene legi ndzi nga lava ku gi mahela.’

11 “Byela a vanhu va ka Judha ni vahanyi va Jerusalema, uku: ‘Jehovha i ngalo: “Ndza mu longiselela* a khombo, ndzi mu xuxela cikungo. Hundzulukani tindleleni ta n’wina ta kubiha, mu cica a tindlela ta n’wina ni mitiro ya n’wina.”’”+

12 Kanilezvi va te ngalo: “Wo ti xanisa mahala!+ Hakuva hina hi ta landzela a maalakanyo ya hina; a mun’we ni mun’wani wa hina i ta ti nonohisa a landzela a mbilu yakwe ya kubiha.”+

13 Hikwalaho, Jehovha i ngalo:

“Wutisani ha n’wece cikari ka matiko.

Himani a tshukileko azwa zvilo zvo kota lezvi?

A nhwana* wa Izrayeli i mahile nchumu wo tshisa nguvhu.+

14 Xana a gapongo ya Lebhanoni yi ta n’walala lomu mindzhelelweni ya zvitsunga zva maribye ke?

Kutani a mati yo titimela lawa ma khulungako na mata hi kule ma tapswha ke?

15 Kanilezvi a vanhu va mina va ndzi rivele.+

Ni wihi a hundzako hi kona i ta hlamala a ninginisa hloko.+

17 A ku khwatsi i moya wa cikobani,* ndzi ta va hangalasa mahlweni ka nala.

Sikwini legi va to welwa hi khombo, ndzi ta va komba a hlanha wa mina na ku nga hi nghohe ya mina.”+

18 Vona vaku: “Tanani, a hi mu xuxeleni cikungo Jeremiya,+ hakuva a nayo* wu nga ta fuva ka vapristi va hina, ni wusungukati ka titlhari ta hina, hambu a mhaka ka vaphrofeti va hina. Tanani hi ta mu vhukela* hi nga dembi ndleve ka lezvi a wulako.”

20 A zvazvinene zvi fanele ku tlheliselwa hi zvakubiha ke?

Hakuva va gi kelele nkele a wutomi* ga mina.+

A vasati vabye ngha va felwa hi vana ni vanuna.+

19 Jehovha i te ngalo: “Famba u ya xava a mbita ya wumba ka muwumbi.+ Teka a madhota yo kari cikari ka vanhu ni madhota yo kari cikari ka vapristi, 2 u huma uya Nkoveni wa N’wana wa Hinome,+ kusuhani ni Nyangwa ya Zvirengele, u ya huwelela seyo a magezu lawa ndzi to ku byela. 3 U taku: ‘Zwanani a mhaka ya Jehovha, n’wina tihosi ta Judha na n’wina vahanyi va Jerusalema. Jehovha wa mabutho, a Nungungulu wa Izrayeli, i ngalo:

“‘“Ndzi lava ku neha khombo wutshan’wini legi. A tindleve ta vontlhe lava va to gizwa ti ta tingiwa. 4 Hakuva va ndzi fularele,+ va hundzula a wutshamu legi ndzi nga ha gi tivi.+ Va phahlela lomu a vanungungulu van’wani, lava vona, ni vakokwani vabye, ni tihosi ta Judha va nga va tiviko. Va tatile a wutshamu legi hi nkhata wa vanhu vo kala nandzu.+ 5 Va akile a matshamu ma tlakukileko ya Bhaali kasi va hisela kona a vana vabye ndzilweni, va maha hi vona a miphahlo ya kuhiswa ya murumba ka Bhaali,+ a zvilo zvaku a ndzi va layangi, a ndzi wulawulangi hi zvona, ne a zvi tshukangi zvi ndzi tela mbilwini ya mina.”’*+

6 “‘“Hikwalaho, a masiku mata”, ku wula Jehovha, “laha a wutshamu legi gi to kala gi nga ha vitaniwi ku Tofete kutani Nkova wa N’wana wa Hinome, kanilezvi gi to vitaniwa ku Nkova wa Kuhihirita.+ 7 Ndzi ta thinda a makungo ya Judha ni ya Jerusalema wutshan’wini legi. Ndzi ta va wisa hi cipadha ca valala vabye ni canja ga lava va hlotako a wutomi* gabye. Ndzi ta nyikela a zvirumbi zvabye zvi giwa hi zvinyanyani zva matilo ni zvihari zva laha misaveni.+ 8 Ndzi ta hundzula a dhoropa legi giva nchumu wo tshisa ni nchumu wo belwa noti. Ni wihi a to hundza hi kona i ta hlamala aba noti hi kota ya wontlhe a makhombo ya gona.+ 9 Ndzi ta va gisa nyama ya vafana vabye ni ya vanhanyana vabye. A mun’we ni mun’wani i taga a nyama ya mun’wani hi kota ya kurandzelwa ni kuchava loku va to kuzwa hi lezvi va randzelweko hi valala vabye ni lava va hlotako a wutomi* gabye.”’+

10 “Makunu u ta faya a mbita mahlweni ka vavanuna lava u fambako navo, 11 u va byela, uku: ‘Jehovha wa mabutho i ngalo: “Ndzi ta va fayisa lezvo a vanhu lava ni dhoropa legi, a ku fana ni munhu a fayako a cibya ca wumba ci nga ha tlhanganiswi kambe; va ta lahla zvirumbi le Tofete kala ku nga havi ni wutshamu ga ku zvi lahla.”’+

12 “‘Hi zvalezvi ndzi to gi maha a wutshamu legi’, ku wula Jehovha, ‘ni vahanyi va kona, kasi a dhoropa legi gi fana ni Tofete. 13 A tiyindlu ta Jerusalema ni tiyindlu ta tihosi ta Judha ti ta nyenyeza a ku khwatsi wutshamu legi ga Tofete,+ ina, tontlhe a tiyindlu leti va mahileko miphahlo le hehla ka tona va phahlela a butho gontlhe ga matilo+ ni lomu va nga chululela kona a minyikelo ya zvakunwa ka van’wani vanungungulu.’”+

14 Laha Jeremiya a nga wuya hi Tofete, lomu Jehovha a nga mu rumile kuya phrofeta kona, i no ta yima laha tsendzeleni* wa yindlu ya Jehovha, a byela a vanhu vontlhe, aku: 15 “Jehovha wa mabutho, a Nungungulu wa Izrayeli, i ngalo: ‘Ndza neha a khombo gontlhe legi ndzi gi wulileko hehla ka dhoropa legi ni zvidhoropana zva kona, hakuva va ti nonohisile tinhamu tabye va ala ku ingisa a timhaka ta mina.’”+

20 Paxuri, a n’wana wa Imera, a mupristi, loyi kambe a nga hi hosana lomu ndlwini ya Jehovha, i wa ingisela laha Jeremiya a nga kari a phrofeta a zvilo lezvi. 2 Paxuri i noba muphrofeti Jeremiya, a mu fasa laha ka makhotso+ ma nga hi laha Nyangweni ya le Hehla ya Bhenjamini, lomu ndlwini ya Jehovha. 3 Kanilezvi hi mandziko wa kona, a cikhati leci Paxuri a nga tlhatlha Jeremiya laha makhotsweni, Jeremiya i te ngalo kakwe:

“Jehovha i cicile a vito ga wena ga ku Paxuri a ku chula ku Kuchava Matlhelweni Wontlhe.+ 4 Hakuva Jehovha i ngalo: ‘Ndzi ta ku maha uva nchumu wo chavisa ka wena n’winyi ni ka vanghana va wena vontlhe; vona va ta wisiwa hi cipadha ca valala vabye na u zvi wona hi matihlo.+ Ndzi ta nyikela a vanhu vontlhe va Judha canjeni ga hosi ya Bhabhuloni; i ta va teka vaya wukhumbini Bhabhuloni, a ya va daya hi cipadha.+ 5 Ndzi ta nyikela a wukosi gontlhe ga dhoropa legi, ni zvontlhe zvi nga ka gona, ni zvilo zvontlhe zva lisima zvi nga ka gona, ni titshomba tontlhe ta tihosi ta ka Judha, canjeni ga valala vabye.+ Va ta va phanga, va va khoma, va va yisa Bhabhuloni.+ 6 Kanilezvi wena Paxuri ni vontlhe va hanyako mutini wa wena mu taya wukhumbini. U taya Bhabhuloni niku u ta ya fela seyo, u lahliwa seyo zvin’we ni vanghana va wena vontlhe hi kota ya lezvi u va phrofeteleko mawunwa.’”+

 7 O Jehovha, u ndzi kalavele, ina, ndzi kalavelwe.

Uve ni ntamu ku ndzi hundza niku u ndzi hlulile.+

Hakuva ndza rukiwa ni ku chepetiwa hi kota ya mhaka ya Jehovha gontlhe siku.+

“Mu vhukeleni; a hi mu vhukeleni!”

Vontlhe lava va ndzi navelelako kurula va rindzela ku ndziwa,+ vaku:

11 Kanilezvi Jehovha i wa hi na mina a ku khwatsi musochwa wo chavisa.+

Hikwalaho, lava va ndzi xanisako va tawa, va nga ta hlula.+

Va ta wisiwa tingana ta hombe, va nga ta humelela.

A tingana tabye ta pindzukelwa ti nga ta rivaliwa.+

13 Yimbelelani ka Jehovha! Dhumisani Jehovha!

Hakuva i tlhatlhisile cisiwana* canjeni ga vamahi va kubiha.

14 Gi wa rukatelwe a siku legi ndzi nga pswaliwa hi gona!

A siku legi mamani a nga ndzi pswala hi gona gi nga katekiswi!+

15 I wa rukatelwe a munhu loyi a nga neha mahungu ya manene ka papayi, a taku:

“U pswalelwe n’wana wa mufana!”

A mu maha a tsaka nguvhu.

16 A munhu loye i wa fane ni madhoropa lawa Jehovha a ma hahlulileko a nga ma tsetsi.

Ni mixo i wazwe tinyandha, ni hlikanhi azwa a guwa ga yimpi.

21 Jeremiya i no amukela a mhaka ya Jehovha a cikhati leci hosi Zedhekiya+ a nga mu rumelela Paxuri,+ a n’wana wa Malkija, na Zefaniya,+ a n’wana wa Maaseya, a mupristi, kasi va ya mu kombela, vaku: 2 “Hi nga hi wutisela ka Jehovha hakuva Nebhukadnezare,* a hosi ya Bhabhuloni, ilwa na hina.+ Kuzvilava Jehovha i ta hi mahela cihlamaliso kasi a suka ka hina.”+

3 Jeremiya i te ngalo kabye: “Byelani Zedhekiya, muku: 4 ‘Jehovha, a Nungungulu wa Izrayeli, i ngalo: “Ndza hundzulusa a matlhari ya yimpi lawa ma nga mandleni ya n’wina ma mu jikela, lawa mu lwako hi wona ni hosi ya Bhabhuloni+ ni vaKaldheya lava va mu randzeleko lehandle ka muro. Ndzi ta va hlengeleta laha cikari ka dhoropa legi. 5 Mina wutsumbu ndzi talwa na n’wina+ hi canja gi nawulutilweko, ni woko ga ntamu, ni zanga, ni khulo, ni civiti ca hombe.+ 6 Ndzi taba vahanyi va dhoropa legi, a vanhu ni zvihari. Va ta dawa hi ntungu* wa hombe.”’+

7 “‘“Andzhako ka lezvo”, ku wula Jehovha, “ndzi ta nyikela Zedhekiya, a hosi ya Judha, ni malandza yakwe ni vanhu va dhoropa legi — lava va to pona a ntungu, ni cipadha ni ndlala — canjeni ga Nebhukadnezare,* a hosi ya Bhabhuloni, ni canjeni ga valala vabye, ni canjeni ga lava va hlotako a wutomi* gabye.+ I ta va daya hi cipadha. A nga ta va tsetsa kutani ku va zwela wusiwana, ne hambu ku va mahela wuxinji.”’+

8 “Byela vanhu lava, uku: ‘Jehovha i ngalo: “Ndza veka mahlweni ka n’wina a ndlela ya wutomi ni ndlela ya kufa. 9 Lava va to tshama dhoropeni legi va ta dawa hi cipadha, ni ndlala ni ntungu. Kanilezvi ni wihi loyi a to huma a ya ti nyikela ka vaKaldheya lava va mu randzeleko i ta simama a hanya; i ta ponisa a wutomi* gakwe kota muphango.”’*+

10 “‘“Hakuva ndzi hundzulukele a dhoropa legi kasi ndzi gi nehela khombo, na ku nga hi zvilo zva zvinene”,+ ku wula Jehovha. “Ndzi ta gi nyikela canjeni ga hosi ya Bhabhuloni+ a gi hisa hi ndzilo.”+

11 “‘N’wina va yindlu ya hosi ya ka Judha, zwanani a mhaka ya Jehovha. 12 N’wina yindlu ya Dhavhidha, Jehovha i ngalo:

‘Hakuva mu ngalo: “Himani a to relela a ta hi vhukela?

Himani a to dhumela a tiyindlu ta hina?”

22 Jehovha i ngalo: “Relela uya ndlwini* ya hosi ya ka Judha, u ya wula mhaka leyi, 2 uku: ‘Zwana a mhaka ya Jehovha, wena hosi ya ka Judha, u tshamako citshan’wini ca wuhosi ca Dhavhidha, wena, ni malandza ya wena, ni vanhu va wena, lava va nghenako hi tinyangwa leti. 3 Jehovha i ngalo: “Yimelani a nongameto ni kululama. Tlhatlhisani lava va yivelwako canjeni ga vakanganyisi. Mu nga xanisi a muluveli ne mu nga mu maheli kubiha a n’wanana a nga hava papayi* ni noni.*+ Mu nga halati nkhata wo kala nandzu wutshan’wini legi.+ 4 Hakuva loku mu hlayisa khwatsi a timhaka leti, a tihosi leti ti tshamako citshan’wini ca wuhosi ca Dhavhidha+ ti ta nghena hi tinyangwa ta yindlu leyi na ti khilele a tikareta ni mahaxi, tona, ni malandza ya tona, ni vanhu va tona.”’+

5 “‘Kanilezvi loku mu nga ingisi a timhaka leti, ndza hlambanya hi mina wutsumbu’, ku wula Jehovha, ‘a yindlu leyi yi ta hahlulwa yiva rumbi.’+

8 A matiko yo tala ma ta hundza hi dhoropeni legi ma wutisana, maku: “Hikuyini Jehovha a nga gi maha lezvi a dhoropa legi ga hombe?”+ 9 Va ta hlamula, vaku: “Hi kota ya lezvi va tsikileko a civhumelwano ca Jehovha, a Nungungulu wabye, va ya khizamela van’wani vanungungulu, va va tirela.”’+

11 “Xungetano hi Xaluma,*+ a n’wana wa Josiya, a hosi ya Judha, loyi a fumako cikhundleni ca papayi wakwe Josiya,+ loyi a sukileko wutshan’wini legi, Jehovha i ngalo: ‘A nga ta ha wuya kambe. 12 Hakuva i ta fela wukhumbini lomu va mu yisileko kona; a nga ta ha gi wona kambe a tiko legi.’+

15 Xana u ta simama ku fuma hi lezvi u tirisako nguvhu a misedhare a ku pala van’wani ke?

‘A hi zvalezvo zvi wulako zvona a ku ndzi tiva ke?’, ku wula Jehovha.

“Vasan’wina, a mano wa mina! Vasan’wina, a manani wa mina!”

Va nga ta mu rila, vaku:

“Yowe, a hosi! Mayo a wudzundzo gakwe gi fambileko!”

21 Ndzi wulawulile na wena laha u nga hi kuruleni.

Kanilezvi u te ngalo: ‘Ndzi nga ta ingisa.’+

U ta wisiwa tingana u tsongahatiwa hi kota ya gontlhe khombo legi gi to ku wela.

24 “‘A ku khwatsi hi lezvi ndzi hanyako’, ku wula Jehovha, ‘hambu loku Koniya,*+ a n’wana wa Jehoyakimu,+ a hosi ya Judha, i wa hi phera ya karimbo canjeni ga mina ga cinene, ndzi wa ta mu susa! 25 Ndzi ta ku nyikela canjeni ga lava va hlotako a wutomi* ga wena, canjeni ga lava u va chavako, canjeni ga Nebhukadnezare,* a hosi ya Bhabhuloni, ni canjeni ga vaKaldheya.+ 26 Wena ni mamani wa wena loyi a nga ku pswala, ndzi ta mu hoxa ka gin’wani tiko legi mu nga kala ku pswaliwa ka gona, niku mu ta ya fela seyo. 27 Va nga ta ha wuya kambe tikweni legi va gi xuvako.+

29 O wena misava,* wena misava, wena misava, zwana a mhaka ya Jehovha.

30 Jehovha i ngalo:

23 “Khombo ka varisi lava va dayako ni ku hangalasa a tiyivhu ta wuriselo ga mina!”, ku wula Jehovha.+

2 Hikwalaho, Jehovha, a Nungungulu wa Izrayeli, i byela a varisi lava va risako a vanhu va mina, aku: “Mu hangalasile a tiyivhu ta mina mu ti hlongola; a mu chelangi kota hi tona.”+

“Hikwalaho, ndzi ta mu tsayisa hi kota ya mitiro ya n’wina ya kubiha”, ku wula Jehovha.

3 “Andzhako ka lezvo, ndzi ta hlengeleta a tiyivhu ta mina leti ti to sala, ti huma matikweni wontlhe lawa ndzi ti hangalasileko ka wona.+ Ndzi ta ti wuyisa wuriselweni ga tona+ ti ta pswalelana ti andza.+ 4 Ndzi ta ti yimisela a varisi lava hakunene va to ti risa.+ Ti nga ta ha chava kambe hambu ku tsemeka hlanha, ne ku nga ta vhumaleka ni yin’we”, ku wula Jehovha.

5 “A masiku mata”, ku wula Jehovha, “laha ndzi to vhuxela Dhavhidha a hluke* go lulama.+ A hosi yi ta fuma+ hi wutlhari yi yimela a nongameto ni kululama lomu tikweni.+ 6 Masikwini yakwe, Judha i ta ponisiwa,+ na Izrayeli i ta hanya kuruleni.+ I ta vitaniwa hi vito legi gaku: Jehovha Kululama ka Hina.”+

7 “Hambulezvo, a masiku mata”, ku wula Jehovha, “laha va to kala va nga ha wuli ku: ‘A ku khwatsi hi lezvi Jehovha a hanyako, loyi a humesileko a vanhu va ka Izrayeli tikweni ga Gibhite!’,+ 8 kanilezvi va to: ‘A ku khwatsi hi lezvi Jehovha a hanyako, loyi a humesileko a pswalo wa yindlu ya Izrayeli a wu wuyisa hi tikweni ga n’walungu* ni matikweni wontlhe lawa ndzi nga va hangalasile ka wona.’ Va ta tshama tikweni ga vona venyi.”+

9 Ka vaphrofeti ndzi ngalo:

A mbilu ya mina yi pandzekile ndzeni ka mina.

Wontlhe a marambu ya mina ma gudlagudla.

A hanyela gabye gi bihile, va fuma hi tihanyi.

11 “A muphrofeti ni mupristi a va basangi.*+

Hambu lomu ndlwini ya mina ndzi kumile a kubiha kabye”,+ ku wula Jehovha.

13 “Ka vaphrofeti va Samariya+ ndzi wonile nchumu wo nyenyeza.

14 Ka vaphrofeti va Jerusalema ndzi wonile a zvilo zvo tshisa.

15 Hikwalaho, Jehovha wa mabutho i ngalo ka vaphrofeti:

Hakuva a wudhuki gi sangulele ka vaphrofeti va Jerusalema gi hangalaka tikweni gontlhe.”

16 Jehovha wa mabutho i ngalo:

“Mu nga ingiseli a magezu ya vaphrofeti lava va mu phrofetelako.+

Vo mu kanganyisa.*

Himani a dembileko ndleve ka mhaka yakwe kasi a yi ingisa ke?

Masikwini yo gumesa mu ta yi zwisisa khwatsi a mhaka leyi.

21 A ndzi rumangi vaphrofeti kanilezvi va fambile hi kutsutsuma.

A ndzi wulawulangi navo, hambulezvo va phrofetile.+

23 “Kasi ndzova Nungungulu a nga laha kusuhani basi”, ku wula Jehovha, “a ndzi Nungungulu a nga le kule kambe ke?”

24 “I kona munhu wa ku a nga fihlala ka wutshamu ga ku ndzi nga zvi koti ku mu wona ke?”,+ ku wula Jehovha.

“Kasi mina a ndzi tati a matilo ni misava?”,+ ku wula Jehovha.

25 “Ndzi zwile a vaphrofeti lava va phrofetako mawunwa hi vito ga mina, vaku: ‘Ndzi lorile! Ndzi lorile!’+ 26 A mhaka leyi ya ku phrofeta mawunwa yi ta simama timbilwini ta vaphrofeti kala rini? Vona va phrofeta mawunwa ya timbilu tabye.+ 27 Va lava ku maha a vanhu va mina va rivakelwa a vito ga mina hi kota ya miloro leyi va hlawutelanako, a ku khwatsi hi vapapayi vabye va nga rivala a vito ga mina hi kota ya Bhaali.+ 28 A muphrofeti loyi a nga lora i wa hlawutele lezvi a nga lora, kanilezvi loyi a nga ni mhaka ya mina i wa wulawule a mhaka ya mina hi kutsumbeka.”

“Ku yelana muni ku nga kona ka lihlanga ni mbewu?”, ku wula Jehovha.

29 “A mhaka ya mina a yi fani ni ndzilo ke”,+ ku wula Jehovha, “a yi fani ni hamela leyi yi pandzako ribye?”+

30 “Hikwalaho, ndza vhukela a vaphrofeti”, ku wula Jehovha, “lava va yivelanako a timhaka ta mina.”+

31 “Ndza vhukela a vaphrofeti”, ku wula Jehovha, “lava va wulako hi tirimi tabye vaku: ‘Yena i wula lezvi!’”+

32 “Ndza vhukela vaphrofeti lava va lorako mawunwa”, ku wula Jehovha, “lava va hlawutelako ni ku hambukisa a vanhu va mina hi mawunwa yabye ni kutikulisa kabye”.+

“Kanilezvi mina a ndzi va rumangi ne ku va leletela nchumu. Hikwalaho, va nga ta va vhuna hi nchumu a vanhu lava”,+ ku wula Jehovha.

33 “Loku a vanhu lava, kutani muphrofeti, kutani mupristi, va ku wutisa, vaku: ‘Cini a ndzhwalo* wa Jehovha?’ U ta va hlamula, uku: ‘“N’wina hi n’wina mu nga ndzhwalo wa kona! Ndzi ta mu hoxa”,+ ku wula Jehovha.’ 34 A muphrofeti ni mupristi kutani a munhu loyi a to wula ku: ‘Lowu i ndzhwalo* wa Jehovha!’, ndzi ta tsayisa a munhu loye ni ngango wakwe. 35 A mun’we ni mun’wani wa n’wina i wutisa a munghana wakwe ni makabye wakwe, aku: ‘Jehovha i hlamulile yini? Kona zvini lezvi Jehovha a nga wula?’ 36 Kanilezvi mu nga ha kumbuki kambe a ndzhwalo* wa Jehovha hakuva a ndzhwalo* timhaka ta mun’we ni mun’wani wa n’wina. Mu cicile a timhaka ta Nungungulu a hanyako, Jehovha wa mabutho, a Nungungulu wa hina.

37 “U ta byela a muphrofeti, uku: ‘Jehovha i ku hlamulile yini? Kona zvini lezvi Jehovha a nga wula? 38 Loku mu simama muku: “A ndzhwalo* wa Jehovha!”, Jehovha i ngalo: “Kota lezvi mu nge ngalo: ‘A mhaka leyi i ndzhwalo* wa Jehovha’, kuveni ndzi mu byelile, ndziku: ‘Mu nga wuli, muku: “A ndzhwalo* wa Jehovha!”’ 39 Ndzi ta mu tlakula ndzi mu hoxa kule na mina, n’wina ni dhoropa legi ndzi nyikileko n’wina ni vakokwani va n’wina. 40 Ndzi ta mu nehela a tingana ta pindzukelwa ni kutsongahatiwa ka pindzukelwa, loku ku to kala ku nga tshuki ku rivaliwa.”’”+

24 Jehovha i no ndzi komba a zvindzala* zvimbiri zvi nga hi ni makuwu zvi nga vekilwe mahlweni ka tempeli ya Jehovha, andzhako ka loku Nebhukadnezare,* a hosi ya Bhabhuloni, a tekile Jekoniya,*+ a n’wana wa Jehoyakimu,+ a hosi ya Judha, a mu yisa wukhumbini zvin’we ni tihosana ta ka Judha, ni vameseri zvin’we ni vabethi va tisimbi;* i no va teka Jerusalema a va yisa Bhabhuloni.+ 2 A cindzala* cin’we ci wa hi ni makuwu ya manene nguvhu, yo fana ni makuwu yo sangula, kanilezvi a cindzala leci cin’wani ci wa hi ni makuwu yo nyenyeza nguvhu, ya ku ma wa nga ringani ni ku giwa.

3 Jehovha i no ndzi wutisa, aku: “Jeremiya, zvini u zvi wonako?” Ndzi hlamula ndziku: “Ndzi wona a makuwu; lawa ya manene, ma nene nguvhu, kanilezvi lawa yo nyenyeza, ma nyenyezile nguvhu; ma nyenyezile nguvhu laha ka ku a ma ringani ni ku giwa.”+

4 Hi kulandzela, a mhaka ya Jehovha yi nota ka mina, yi taku: 5 “Jehovha, a Nungungulu wa Izrayeli, i ngalo: ‘A ku khwatsi makuwu lawa ya manene, ndzi ta va wonisa zvalezvo a vaJudha lava va nga wukhumbini, lava ndzi va hlongolileko wutshan’wini legi vaya tikweni ga vaKaldheya. 6 Ndzi ta veka tihlo ga mina kabye kasi ku va mahela zvazvinene, ndzi va wuyisa tikweni legi.+ Ndzi ta va aka, ndzi nga ta va khungumula; ndzi ta va byala, ndzi nga ta va tsuwula.+ 7 Ndzi ta va nyika a mbilu ya ku ndzi tiva a ku hi mina Jehovha.+ Va tava vanhu va mina, minawu ndziva Nungungulu wabye+ hakuva va ta wuya ka mina hi timbilu tabye tontlhe.+

8 “‘Kanilezvi, xungetano hi makuwu lawa yo nyenyeza, ya ku nyenyeza nguvhu laha ka ku a ma ringani ni ku giwa,+ Jehovha i ngalo: “Ndzi ta mu wonisa lezvo Zedhekiya,+ a hosi ya ka Judha, ni tihosana takwe, ni misalela ya Jerusalema leyi yi seleko tikweni legi ni lava va tshamako tikweni ga Gibhite.+ 9 Ndzi ta va maha vava nchumu wo tshisa ni khombo ka yontlhe mifumo ya misava;+ va ta rukiwa, va maha vingu, ni cihlekiso, ni ciruko+ ka wontlhe matshamu lawa ndzi to va hangalasa ka wona.+ 10 Ndzi ta va rumelela cipadha,+ ni ndlala ni ntungu*+ kala va lova va ku bhi tikweni legi ndzi nyikileko vona ni vakokwani vabye.”’”

25 Hi lembe ga wumune ga Jehoyakimu,+ a n’wana wa Josiya, a hosi ya Judha, gi nga hi lembe go sangula ga Nebhukadnezare,* a hosi ya Bhabhuloni, Jeremiya i no amukela a mhaka xungetano hi vontlhe a vanhu va ka Judha. 2 Muphrofeti Jeremiya i no byela vanhu vontlhe va ka Judha ni vahanyi vontlhe va Jerusalema, aku:

3 “Kusukela hi lembe ga wu 13 ga Josiya,+ a n’wana wa Amoni, a hosi ya Judha, kala nyamutlha, ndzeni ka malembe lawa ya 23, a mhaka ya Jehovha yata ka mina, ndzi mu byela hi kuphindaphinda,* kanilezvi a mu ingisi.+ 4 Jehovha i mu rumelele a malandza yakwe wontlhe, va nga vaphrofeti, a ma rumela hi kuphindaphinda,* kanilezvi a mu ma ingisangi ne a mu dembangi a tindleve ta n’wina kasi muzwa.+ 5 Ma waku: ‘Hundzulukani, a mun’we ni mun’wani wa n’wina i wa tsike a tindlela takwe ta kubiha ni mitiro yakwe ya kubiha+ kasi mu simama ku hanya cikhati co leha tikweni legi Jehovha a mu nyikileko a kaleloko, n’wina ni vakokwani va n’wina. 6 Mu nga landzeli a van’wani vanungungulu, mu va tirela mu tlhela mu va khizamela, mu ndzi zangarisa hi ntiro wa mandla ya n’wina, ndzi nga mu nehela khombo.’

7 “‘Kanilezvi a mu ndzi ingisangi’, ku wula Jehovha. ‘Mu no ndzi zangarisa hi ntiro wa mandla ya n’wina, mu ti nehela khombo hi n’wece.’+

8 “Hikwalaho, Jehovha wa mabutho i ngalo: ‘“Kota lezvi mu nga kala ku ingisa a timhaka ta mina, 9 ndza vitanisa a mingango yontlhe ya le n’walungu”,*+ ku wula Jehovha, “ndza vitanisa Nebhukadnezare,* a hosi ya Bhabhuloni, a nandza ga mina;+ ndzi ta va neha va talwa ni tiko legi,+ ni vahanyi va gona, ni matiko wontlhe ma gi randzeleko.+ Ndzi ta va nyikela kulovisweni, ndzi va maha nchumu wo tshisa, ni wa kubelwa noti, ni rumbi ga pindzukelwa. 10 Ndzi ta fuvisa a guwa ga litsako, ni guwa ga kunengela,+ ni gezu ga noivho, ni gezu ga noivha,+ ni guwa ga cigayo ni kuwonekela ka kandiya. 11 Gontlhe a tiko legi gi tava marumbi ni nchumu wo tshisa niku a matiko lawa ma ta tirela a hosi ya Bhabhuloni a 70 wa malembe.”’+

12 “‘Kanilezvi loku a 70 wa malembe ma mbhelile,+ ndzi ta lamula* a hosi ya Bhabhuloni ni tiko lego hi kota ya cigoho cabye’,+ ku wula Jehovha, ‘ndzi ta hahlula a tiko ga vaKaldheya ndzi gi maha ciwula kala kupindzuka.+ 13 Ndzi ta neha hehla ka tiko lego a timhaka ta mina tontlhe leti ndzi ti wulileko hi gona, zvontlhe lezvi zvi tsalilweko lomu bhukwini, lezvi Jeremiya a phrofeteleko a matiko wontlhe lawa. 14 Hakuva a matiko yo tala ni tihosi ta hombe+ ti ta va maha tikhumbi;+ ndzi ta va chachazela hi kuya hi zvimaho zvabye ni ntiro wa mandla yabye.’”+

15 Hakuva Jehovha, a Nungungulu wa Izrayeli, i te ngalo ka mina: “Teka a kopo ya vhinyo ya zanga, leyi yi nga canjeni ga mina, u nwisa a matiko wontlhe lawa ndzi ku rumelako ka wona. 16 Ma tanwa, ma dhedherekela, ma mahisa ku khwatsi vanhu vo hlanya hi kota ya cipadha leci ndzi ci rumelako cikari ka wona.”+

17 Hikwalaho, ndzi no teka a kopo canjeni ga Jehovha, ndzi nwisa matiko wontlhe lawa Jehovha a ndzi rumeleko ka wona.+ 18 Ndzi no sangulela Jerusalema ni madhoropeni ya Judha,+ ni ka tihosi takwe ni tihosana takwe kasi vava rumbi ni nchumu wo tshisa, wa ku belwa noti, ni ciruko,+ kota lezvi zvi wonekako nyamutlha; 19 ku landzela Faro, a hosi ya Gibhite, ni malandza yakwe, ni tihosana takwe, ni vontlhe a vanhu vakwe,+ 20 ni tixaka tabye tontlhe to hambanahambana, ni tihosi tontlhe ta tiko ga Uza, ni tihosi tontlhe ta tiko ga vaFilistiya,+ ni Axkeloni,+ ni Gaza, ni Ekroni, ni lava va seleko va Axdhodhe, 21 na Edhomi,+ na Mowabhi,+ ni vaAmoni,+ 22 ni tihosi tontlhe ta Tire, ni tihosi tontlhe ta Sidhoni,+ ni tihosi ta le zvihlaleni* zva bimbi, 23 ni Dhedhani,+ ni Tema, ni Bhuzi, ni vontlhe lava va tsemileko misisi lomu mareveni,+ 24 ni tihosi tontlhe ta vaArabhia,+ ni tihosi tontlhe ta tixaka to hambanahambana leti ti tshamako lomu ciwuleni, 25 ni tihosi tontlhe ta Zimri, ni tihosi tontlhe ta Elami,+ ni tihosi tontlhe ta vaMedhi,+ 26 ni tihosi tontlhe ta le n’walungu — a ta laha kusuhani ni ta le kule, — hi yin’we ni yin’we, ni mifumo yontlhe leyi yin’wani yi nga laha misaveni; niku a hosi ya Xexake*+ yi tanwa andzhako kabye.

27 “Va byele ku: ‘Jehovha wa mabutho, a Nungungulu wa Izrayeli, i ngalo: “Nwanani, mu popiwa, mu hlata, muwa mu nga ha vhuki kambe+ hi kota ya cipadha leci ndzi ci rumelako ka n’wina.”’ 28 Loku va ala ku teka kopo canjeni ga wena vanwa, va byele ku: ‘Jehovha wa mabutho, i ngalo: “Nwanani! 29 Loku a khombo legi ndzi to gi neha gi sangula hi dhoropa legi gi nga ni vito ga mina,+ xana n’wina mu ta pona ku tsayisiwa ke?”’+

“‘Mu nga ta pona ku tsayisiwa hakuva ndza vitanisa cipadha ci tela vahanyi vontlhe va misava’, ku wula Jehovha wa mabutho.

I ta tlakusa gezu a bhongela a wutshamu gakwe,

I ta lamula a vanhu vontlhe* ha yece.+

Niku i ta nyikela vakubiha ka cipadha’, ku wula Jehovha.

32 Jehovha wa mabutho i ngalo:

33 “‘Ka siku lego, lava va delweko hi Jehovha va ta mbambamela kusukela ka mbhiri yin’we ya misava kala ka yin’wani mbhiri ya misava. Va nga ta riliwa, hambu ku hlengeletiwa, ne ku lahliwa. Va ta ku khwatsi citromu laha misaveni.’

34 N’wina varisi, banani tinyandha, mu rila!

26 Kusanguleni ka kufuma ka Jehoyakimu,+ a n’wana wa Josiya, a hosi ya Judha, ku nota a mhaka leyi hi ka Jehovha, yi taku: 2 “Jehovha i ngalo: ‘Yima laha tsendzeleni* wa yindlu ya Jehovha, u wulawula ni vanhu vontlhe va madhoropa ya ka Judha lava va tako va ta khozela* ndlwini ya Jehovha. Va byele zvontlhe lezvi ndzi ku leletelako; u nga siyi nchumu. 3 Kuzvilava va ta ingisa, a mun’we ni mun’wani a hundzuluka ndleleni yakwe ya kubiha, na mina ndzi cica a maalakanyo* xungetano hi khombo legi ndzi lavako ku va tisela hi kota ya mitiro yabye ya kubiha.+ 4 Va byele ku: “Jehovha i ngalo: ‘Loku mu nga ndzi ingisi, mu landzela a nayo* lowu ndzi mu nyikileko, 5 hi ku ingisa a timhaka ta malandza ya mina, a vaphrofeti, lava ndzi va rumelako ka n’wina hi kuphindaphinda* kanilezvi mu nga va ingisi,+ 6 a yindlu leyi ndzi ta yi maha yi fana ni Xilo.+ Ndzi ta maha a dhoropa legi giva ciruko ka matiko wontlhe ya misava.’”’”+

7 A vapristi, ni vaphrofeti, ni vanhu vontlhe va nozwa Jeremiya na a wulawula a timhaka leti ndlwini ya Jehovha.+ 8 Hikwalaho, a cikhati leci Jeremiya a nga mbheta a ku wula timhaka tontlhe leti Jehovha a nga mu leletele ku byela vanhu vontlhe, a vapristi, ni vaphrofeti, ni vanhu vontlhe va no mu khoma, vaku: “U tafa. 9 Hikuyini u phrofetileko hi vito ga Jehovha, uku: ‘A yindlu leyi yi ta fana ni Xilo, niku a dhoropa legi gi ta hahluliwa gi nga ha tshami munhu’?” A vanhu vontlhe va no tlhangana va randzela Jeremiya ndlwini ya Jehovha.

10 Laha a tihosana ta ka Judha ti ngazwa a timhaka leti, ti no kandziha hi ndlwini* ya hosi tiya ndlwini ya Jehovha ti ya tshama laha mahlweni ka nyangwa yiswa ya Jehovha.+ 11 A vapristi ni vaphrofeti va no byela a tihosana ni vanhu vontlhe, vaku: “A munhu loyi i fanele kufa+ hakuva i phrofetile khombo hehla ka dhoropa legi, kota lezvi mu zvi zwileko hi tindleve ta n’wina.”+

12 Jeremiya i no byela a tihosana tontlhe ni vanhu vontlhe, aku: “Hi Jehovha a ndzi rumileko a ku phrofetela yindlu leyi ni dhoropa legi a timhaka tontlhe leti mu ti zwileko.+ 13 Makunu lulamisani a tindlela ta n’wina ni mitiro ya n’wina, mu ingisa a gezu ga Jehovha, a Nungungulu wa n’wina, niku Jehovha i ta cica a maalakanyo yakwe* xungetano hi khombo legi a wulileko lezvaku i ta mu tisela.+ 14 Kanilezvi mina ndzi mandleni ya n’wina. Ndzi maheni ni cihi mu ci wonako na ci hi cinene kutani na ci lulamile mahlweni ka n’wina. 15 Kanilezvi tivani lezvaku loku mu ndzi daya mu ta ti nehela a nkhata wo kala nandzu hehla ka n’wina, ni hehla ka dhoropa legi, ni hehla ka vahanyi va gona hakuva hakunene hi Jehovha loyi a ndzi rumileko a ku ta mu byela tontlhe a timhaka leti mu ti zwileko.”

16 Makunu a tihosana ni vanhu vontlhe va no byela a vapristi ni vaphrofeti, vaku: “A munhu loyi a nga faneli kufa hakuva i wulawulile na hina hi vito ga Jehovha, a Nungungulu wa hina.”

17 Ahandle ka lezvo, a madhota yo kari ya tiko ma no suka ma byela a bandla gontlhe ga vanhu, maku: 18 “Mika+ wa le Morexete i wa phrofeta masikwini ya Hezekiya,+ a hosi ya Judha, a byela a vanhu vontlhe va ka Judha, aku: ‘Jehovha wa mabutho i ngalo:

19 “Xana Hezekiya, a hosi ya Judha, ni tiko gontlhe ga ka Judha gi mu dele ke? A nga chavangi Jehovha, a khongotela Jehovha lezvaku a mu mahela tipswalo, laha ka ku Jehovha a cica a maalakanyo yakwe* xungetano hi khombo legi a nga wulile lezvaku i ta va nehela ke?+ Hikwalaho, hi lava ku ti nehela a khombo ga hombe ha hoce.*

20 “Ku wa hi ni mun’wani munhu, loyi a nga phrofeta hi vito ga Jehovha, wa ku hi Urija, a n’wana wa Xemaya, wa le Kiriyat-Jeyarime,+ loyi a nga phrofetela a dhoropa legi ni tiko legi hi timhaka to fana ni leti ta Jeremiya. 21 Hosi Jehoyakimu,+ ni tontlhe tinhenha takwe, ni tihosana tontlhe va nozwa a timhaka takwe, a hosi yi lava ku mu daya.+ Laha Urija a nga zvizwa, i no chava a tsutsuma aya Gibhite. 22 Makunu hosi Jehoyakimu i no rumela Elnatani,+ a n’wana wa Akbhori, ni van’wani vavanuna vaya Gibhite. 23 Va no wuya na Urija hi le Gibhite, vata naye ka hosi Jehoyakimu a ta mu daya hi tlhari+ a gumesa a hoxa cirumbi cakwe lomu cilahleni ca vanhu laha va yileko.”

24 Kanilezvi Ahikamu,+ a n’wana wa Xafani,+ i no seketela Jeremiya. Hikwalaho, a nga nyikelwangi mandleni ya vanhu kasi va mu daya.+

27 Kusanguleni ka kufuma ka Jehoyakimu, a n’wana wa Josiya, a hosi ya Judha, ku nota a mhaka leyi ya Jehovha ka Jeremiya, yi taku: 2 “Jehovha i no ndzi byela, aku: ‘Ti mahele a mabhandi ni mikanga u zvi vekela nhan’wini ya wena. 3 Andzhako ka lezvo, zvi rumele ka hosi ya Edhomi,+ ni hosi ya Mowabhi,+ ni hosi ya vaAmoni,+ ni hosi ya Tire,+ ni hosi ya Sidhoni+ hi canja ga zvirun’wa lezvi zvi tileko Jerusalema ka Zedhekiya, a hosi ya Judha. 4 Va leletele lezvi kasi va ya byela a tihosi tabye:

“‘“Jehovha wa mabutho, a Nungungulu wa Izrayeli, i ngalo: Mu ta ya byela a tihosi ta n’wina, muku: 5 ‘Hi mina ndzi nga maha misava, ni vanhu, ni zvihari lezvi zvi nga laha misaveni hi ntamu wa mina wa hombe ni woko ga mina gi nawulutilweko. Ndzi zvi nyika ni wihi ndzi mu lavako.*+ 6 Makunu ndzi nyikele wontlhe a matiko lawa canjeni ga nandza ga mina Nebhukadnezare,+ a hosi ya Bhabhuloni; hambu a zvihari zva khwati ndzi zvi nyikele kakwe kasi zvi mu tirela. 7 A matiko wontlhe ma ta tirela yena, ni vana vakwe ni vazukulu vakwe kala ku chikela a khati ga yenawu,+ laha a matiko yo tala ni tihosi ta hombe ti to mu maha a khumbi yabye.’+

8 “‘“‘Ni gihi tiko kutani mufumo wu to ala ku tirela Nebhukadnezare, a hosi ya Bhabhuloni, ni ku ala a ku vekela a nhamu ya gona lahasi ka kanga wa hosi ya Bhabhuloni, ndzi ta gi tsayisa hi cipadha,+ ni ndlala, ni ntungu’,* ku wula Jehovha, ‘kala ndzi va lovisa hi canja gakwe.’

9 “‘“‘Hikwalaho, mu nga ingiseli a vaphrofeti va n’wina, ni vavhumbi va n’wina, ni valori va n’wina, ni vasalamusi va n’wina, ni valoyi va n’wina, lava va mu byelako ku: “Mu nga ta tirela a hosi ya Bhabhuloni.” 10 Hakuva va mu phrofetela mawunwa kasi mu tekiwa mu yisiwa kule ni tiko ga n’wina; ndzi ta mu hangalasa mu tlhela mu lova.

11 “‘“‘Kanilezvi a tiko legi gi to vhumela ku rwala a kanga wa hosi ya Bhabhuloni gi yi tirela, ndzi ta gi tsika gi simama* tikweni ga gona’, ku wula Jehovha, ‘gi gi rima gi tlhela gi tshama lomo.’”’”

12 Zedhekiya,+ a hosi ya Judha, yenawu ndzi mu byelile zvalezvo, ndziku: “Nghenisani a tinhamu ta n’wina lomu ka kanga wa hosi ya Bhabhuloni mu yi tirela, ni vanhu va yona, mu ta hanya.+ 13 Hikuyini wena, ni vanhu va wena mu to dawa hi cipadha,+ ni ndlala,+ ni ntungu,+ khwatsi hi lezvi Jehovha a wulileko lezvaku zvi ta maheka ka tiko legi gi to kala gi nga tireli a hosi ya Bhabhuloni? 14 Mu nga ingiseli a magezu ya vaphrofeti lava va mu byelako ku: ‘Mu nga ta tirela a hosi ya Bhabhuloni’,+ hakuva va mu phrofetela mawunwa.+

15 “‘Hakuva a ndzi va rumangi’, ku wula Jehovha, ‘kanilezvi va phrofeta mawunwa hi vito ga mina, kasi ndzi mu hangalasa mu lova, n’wina ni vaphrofeti lava va mu phrofetelako.’”+

16 Ndzi byelile a vapristi ni vanhu lava vontlhe, ndziku: “Jehovha i ngalo: ‘Mu nga ingiseli a timhaka ta vaphrofeti va n’wina lava va mu phrofetelako, vaku: “A zvibya zva yindlu ya Jehovha zvi ta wuyisiwa lokuloku hi Bhabhuloni!”+ Hakuva lezvi va mu phrofetelako mawunwa.+ 17 Mu nga va ingiseli. Tirelani a hosi ya Bhabhuloni, mu ta hanya.+ Hikuyini a dhoropa legi gi to sala gi hi rumbi? 18 Kanilezvi loku vona va hi vaphrofeti ni loku a mhaka ya Jehovha yi hi kabye, va wa khongotele Jehovha wa mabutho kasi a zvibya lezvi zva ha seleko lomu ndlwini ya Jehovha, ni lomu ndlwini* ya hosi ya Judha, ni lomu Jerusalema zvi nga tekiwi zviya Bhabhuloni.’

19 “Hakuva Jehovha wa mabutho i wula lezvi xungetano hi mapilari,+ ni Bimbi,*+ ni tikareta,+ ni zvibya zvin’wani zvi seleko dhoropeni legi, 20 lezvi Nebhukadnezare, a hosi ya Bhabhuloni, a nga kala ku zvi teka a cikhati leci a nga khoma Jekoniya, a n’wana wa Jehoyakimu, a hosi ya Judha, le Jerusalema a mu yisa wukhumbini le Bhabhuloni, zvin’we ni varangeli vontlhe va Judha ni Jerusalema,+ 21 ina, Jehovha wa mabutho, a Nungungulu wa Izrayeli, i wula lezvi xungetano hi zvibya lezvi zvi seleko lomu ndlwini ya Jehovha, ni lomu ndlwini* ya hosi ya Judha, ni le Jerusalema, aku: 22 ‘“Zvi ta yisiwa Bhabhuloni+ zvi ya tshama seyo, kala siku legi ndzi to zvi alakanya hi gona”, ku wula Jehovha. “Makunu ndzi ta zvi wuyisa ndzi zvi tlhelisa wutshan’wini legi.”’”+

28 Hi lembe galego, kusanguleni ka kufuma ka Zedhekiya,+ a hosi ya Judha, hi lembe ga wumune, hi hweti ya wutlhanu, muphrofeti Hananiya, a n’wana wa Azuri, wa le Gibheyoni,+ i no ndzi byela lomu ndlwini ya Jehovha, mahlweni ka vapristi ni vanhu vontlhe, aku: 2 “Jehovha wa mabutho, a Nungungulu wa Izrayeli, i ngalo: ‘Ndzi ta tshova a kanga wa hosi ya Bhabhuloni.+ 3 Ndzeni ka malembe mambiri, ndzi ta wuyisa a zvibya zvontlhe zva yindlu ya Jehovha ka wutshamu legi, lezvi Nebhukadnezare, a hosi ya Bhabhuloni, a zvi tekileko ka wutshamu legi a zvi yisa Bhabhuloni.’”+ 4 “‘Ndzi ta tlhela ndzi wuyisa Jekoniya,+ a n’wana wa Jehoyakimu,+ a hosi ya Judha, wutshan’wini legi, ni vontlhe a vanhu va ka Judha lava va yileko wukhumbini le Bhabhuloni’,+ ku wula Jehovha, ‘hakuva ndzi ta tshova a kanga wa hosi ya Bhabhuloni.’”

5 Muphrofeti Jeremiya i no wulawula na muphrofeti Hananiya mahlweni ka vapristi ni ka vontlhe vanhu lava va nga yimile lomu ndlwini ya Jehovha. 6 Muphrofeti Jeremiya i te ngalo: “Amen!* Jehovha i wa mahe zvalezvo. Jehovha i wa tatise a magezu ya wena lawa u ma phrofetileko, a wuyisa wutshan’wini legi, hi le Bhabhuloni, a zvibya zva yindlu ya Jehovha ni vanhu vontlhe va nga wukhumbini! 7 Kanilezvi, zwana a mhaka leyi ndzi wulako tindleveni ta wena ni tindleveni ta vanhu vontlhe. 8 A vaphrofeti lava va vileko kona kaleloko, lava va rangeleko mina na wena, va wa phrofetela matiko yo tala ni mifumo ya hombe lezvaku ku tata yimpi, ni khombo, ni ntungu.* 9 Loku a muphrofeti a phrofeta kurula, a mhaka ya muphrofeti loye yi tatiseka, makunu zvi ta tiveka lezvaku hi Jehovha loyi hakunene a rumeleko muphrofeti loye.”

10 Zvalezvo muphrofeti Hananiya i no teka a kanga lowu wu nga hi nhan’wini ya muphrofeti Jeremiya a wu tshova.+ 11 Hananiya i no wula lezvi mahlweni ka vanhu: “Jehovha i ngalo: ‘Ndzeni ka malembe mambiri, ndzi ta wu tshovisa lezvi a kanga wa Nebhukadnezare, a hosi ya Bhabhuloni, lowu wu nga nhan’wini ya matiko wontlhe.’”+ Muphrofeti Jeremiya i no khoma ndlela a ti fambela.

12 Andzhako ka loku muphrofeti Hananiya a tshovile kanga lowu wu nga hi nhan’wini ya muphrofeti Jeremiya, a mhaka ya Jehovha yi nota ka Jeremiya, yi taku: 13 “Famba u ya byela Hananiya, uku: ‘Jehovha i ngalo: “Wena u tshovile a kanga wa sinya,+ kanilezvi u ta wu vhaleta hi kanga wa simbi.” 14 Hakuva Jehovha wa mabutho, a Nungungulu wa Izrayeli, i ngalo: “Ndzi ta veka a kanga wa simbi nhan’wini ya wontlhe matiko lawa, kasi ma tirela Nebhukadnezare, a hosi ya Bhabhuloni, ina, ma ta mu tirela.+ Hambu a zvihari zva khwati ndzi ta zvi nyikela kakwe.”’”+

15 Muphrofeti Jeremiya i no byela muphrofeti Hananiya,+ aku: “Hi ngazwa lezvi, wena Hananiya! Jehovha a nga ku rumangi, kanilezvi wena u mahile a vanhu lava va tsumba mawunwa.+ 16 Hikwalaho, Jehovha i ngalo: ‘Ndza ku susa laha misaveni. U tafa lembe galegi hakuva u kucetele vanhu lezvaku va vhukela Jehovha.’”+

17 Hikwalaho, hi lembe galego, hi hweti ya wu 7, muphrofeti Hananiya i nofa.

29 Leti timhaka ta papilo legi muphrofeti Jeremiya a nga rumela hi le Jerusalema giya ka madhota lawa ma nga sele cikari ka vanhu lava va nga yisilwe wukhumbini, ni ka vapristi, ni ka vaphrofeti, ni ka vanhu vontlhe lava Nebhukadnezare a nga va khomile Jerusalema a va yisa Bhabhuloni, 2 andzhako ka loku hosi Jekoniya,+ na mamani muzindza,*+ ni vafumeli, ni tihosana ta Judha, ni vameseri, ni vabethi va tisimbi* va humele Jerusalema.+ 3 I no rumela papilo hi canja ga Elasa, a n’wana wa Xafani,+ na Gemariya, a n’wana wa Hilkiya, lava Zedhekiya,+ a hosi ya Judha, a nga va rumela ka Nebhukadnezare, a hosi ya Bhabhuloni. Gona gi waku:

4 “Jehovha wa mabutho, a Nungungulu wa Izrayeli, i byela vontlhe va nga wukhumbini, lava ndzi va mahileko va khomiwa Jerusalema vaya Bhabhuloni, aku: 5 ‘Akani tiyindlu mu tshama ka tona. Byalani masimu muga mihandzu ya kona. 6 Tekani vasati mu pswala vafana ni vanhanyana; va tekeleni vasati a vafana va n’wina, mu nyikela a vanhanyana va n’wina va chadha, kasi vonawu va pswala vafana ni vanhanyana. Andzani seyo, mu nga hunguleki. 7 Gi xuveleni kurula a dhoropa legi ndzi mu yisileko ka gona mu ya maha tikhumbi ta gona; gi khongeleleni ka Jehovha, hakuva loku giva ni kurula n’winawu mu tava ni kurula.+ 8 Hakuva Jehovha wa mabutho, a Nungungulu wa Izrayeli, i ngalo: “Mu nga tsiki a vaphrofeti va n’wina, ni vavhumbi va n’wina, lava va nga cikari ka n’wina va mu kanganyisa,+ ne mu nga ingiseli a miloro leyi va lorako. 9 Hakuva ‘va mu phrofetela mawunwa hi vito ga mina. A ndzi va rumangi’,+ ku wula Jehovha.”’”

10 “Hakuva Jehovha i ngalo: ‘Loku ku hundzile 70 wa malembe le Bhabhuloni, ndzi ta mu alakanya,+ ndzi tatisa a citsumbiso ca mina, ndzi mu wuyisa wutshan’wini legi.’+

11 “‘Hakuva ndza zvi tiva khwatsi lezvi ndzi zvi alakanyako hi n’wina’, ku wula Jehovha: ‘Maalakanyo ya kurula na ku nga hi ya khombo,+ kasi mu rindzela zvazvinene, muva ni kutsumba.+ 12 Mu ta ndzi vitana, muta ka mina mu ta khongela, na mina ndzi ta mu ingisela.’+

13 “‘Mu ta ndzi lava mu ndzi kuma,+ hakuva mu ta ndzi hlota hi mbilu ya n’wina yontlhe.+ 14 Ndzi ta mu tsika mu ndzi kuma’,+ ku wula Jehovha. ‘Ndzi ta tlhanganisa a vanhu va wena va nga hi tikhumbi, ndzi va hlengeleta hi ka matiko wontlhe ni matshamu lawa ndzi va hangalasileko ka wona’,+ ku wula Jehovha. ‘Ndzi ta mu wuyisa ka wutshamu legi ndzi mu humesileko ka gona muya wukhumbini.’+

15 “Kanilezvi mu ngalo: ‘Jehovha i hi vhuxele vaphrofeti Bhabhuloni.’

16 “Hakuva Jehovha i byela a hosi leyi yi tshamileko citshan’wini ca wuhosi ca Dhavhidha+ ni vanhu vontlhe lava va tshamako dhoropeni legi, a vamakabye va n’wina lava va nga kala ku famba na n’wina wukhumbini, aku: 17 ‘Jehovha wa mabutho i ngalo: “Ndzi ta va rumelela cipadha, ni ndlala, ni ntungu,*+ niku ndzi ta va maha va fana ni makuwu yo bola,* yo nyenyeza nguvhu ya ku ne a ma ringani ku giwa.”’+

18 “‘Ndzi ta va hlongolisela hi cipadha,+ ni ndlala, ni ntungu, ndzi va maha vava nchumu wo tshisa ka yontlhe mifumo ya misava,+ ni ciruko, ni nchumu wo hlamalisa, ni nchumu wo belwa noti,+ ni wa ku rukiwa cikari ka matiko wontlhe lawa ndzi to va hangalasa ka wona,+ 19 hakuva a va ingisangi a timhaka ta mina leti ndzi va rumeleko hi malandza ya mina, a vaphrofeti’, ku wula Jehovha, ‘lawa ndzi ma rumeleko hi kuphindaphinda.’*+

“‘Kanilezvi a mu ingisangi’,+ ku wula Jehovha.

20 “Hikwalaho, zwanani a mhaka ya Jehovha, n’wina n’wentlhe mu nga wukhumbini, n’wina lava ndzi mu hlongolileko le Jerusalema muya Bhabhuloni. 21 Jehovha wa mabutho, a Nungungulu wa Izrayeli, i wula lezvi xungetano hi Ahabhi, a n’wana wa Kolaya, na Zedhekiya, a n’wana wa Maaseya, lava va mu phrofetelako mawunwa hi vito ga mina,+ aku: ‘Ndzi ta va nyikela canjeni ga Nebhukadnezare,* a hosi ya Bhabhuloni. Yena i ta va daya mahlweni ka n’wina. 22 Lezvi zvi to va humelela ku tava gezu ga ciruko gi to wuliwa hi vaJudha vontlhe lava va nga wukhumbini le Bhabhuloni, vaku: “Jehovha i wa ku mahe zvo fana ni lezvi zvi nga mahekela Zedhekiya na Ahabhi, lava a hosi ya Bhabhuloni yi nga va woca lomu ndzilweni!” 23 Hakuva va mahile zvilo zva tingana lomu Izrayeli,+ va mahile wubhayi ni vasati va vaakelani vabye, va wulawula timhaka ta mawunwa hi vito ga mina taku a ndzi va rumangi.+

“‘“Mina ndza zvi tiva, ndzi kustumunyu”,+ ku wula Jehovha.’”

24 “Byela Xemaya,+ wa le Nehelame, uku: 25 ‘Jehovha wa mabutho, a Nungungulu wa Izrayeli, i ngalo: “Kota lezvi u nga rumela mapapilo hi vito ga wena ka vanhu vontlhe va le Jerusalema, ni ka mupristi Zefaniya,+ a n’wana wa Maaseya, ni ka vapristi vontlhe, uku: 26 ‘Jehovha i ku mahile mupristi wutshan’wini ga mupristi Jehoyadha kasi uva muwoneleli wa yindlu ya Jehovha, u wonelela ni yihi hlanyi yi to mahisa ku khwatsi muphrofeti, u yi fasa hi makhotso ni cigodho;*+ 27 makunu hikuyini u nga kala ku kawuka Jeremiya, wa le Anatote,+ loyi a phrofetako cikari ka n’wina?+ 28 Hakuva i zile a hi rumelela mahungu leno Bhabhuloni, aku: “Mu ta tshama cikhati co leha seyo! Akani tiyindlu mu tshama ka tona. Byalani masimu muga mihandzu ya kona,+ . . .”’”’”

29 Laha mupristi Zefaniya+ a nga lera a papilo legi na zvi zwiwa hi muphrofeti Jeremiya, 30 a mhaka ya Jehovha yi nota ka Jeremiya, yi taku: 31 “Rumela mahungu ka tikhumbi tontlhe, uku: ‘Xungetano hi Xemaya, wa le Nehelame, Jehovha i ngalo: “Kota lezvi Xemaya a mu phrofeteleko kuveni a ndzi mu rumangi, a zama ku mu maha mu tsumba mawunwa,+ 32 hikwalaho, Jehovha i ngalo: ‘Ndzi ta tsayisa Xemaya, wa le Nehelame, ni pswalo wakwe. I hava ni mun’we wa lixaka lakwe a to pona cikari ka vanhu lava, a nga ta wona zvilo zva zvinene lezvi ndzi to mahela vanhu va mina’, ku wula Jehovha, ‘hakuva i kucetele vanhu lezvaku va vhukela Jehovha.’”’”

30 A mhaka ya Jehovha yi nota ka Jeremiya, yi taku: 2 “Jehovha, a Nungungulu wa Izrayeli, i ngalo: ‘Tsala a timhaka tontlhe leti ndzi ku byelako lomu bhukwini. 3 Hakuva “a masiku mata”, ku wula Jehovha, “laha ndzi to hlengeleta a vanhu va mina va khomilweko, Izrayeli na Judha”,+ ku wula Jehovha, “ndzi va wuyisa tikweni legi ndzi nyikileko a vakokwani vabye, niku gi ta tlhela giva gabye kambe.”’”+

4 Leti timhaka leti Jehovha a byelileko Izrayeli na Judha.

 5 Jehovha i ngalo:

 6 Wutisani ku a wanuna a nga phuluka ke.

Hikuyini a tinghohe tontlhe ti kwaleleko ke?

 7 Yowe! A siku lego ga tshisa!*+

Kanilezvi i ta ponisiwa ka gona.”

8 “Ka siku lego”, ku wula Jehovha wa mabutho, “ndzi ta tshova a kanga lowu wu nga nhan’wini ya wena ndzi tlhela ndzi phewula a mabhandi ya wena hi laha cikari; a vamatiko va nga ta ha mu* maha khumbi yabye. 9 Va ta tirela Jehovha, a Nungungulu wabye, na Dhavhidha, a hosi yabye, loyi ndzi to va yimisela yena.”+

11 “Hakuva ndzi na wena”, ku wula Jehovha, “kasi ku ku ponisa.

12 Hakuva Jehovha i ngalo:

“Laha u tshovekileko a ku chumeki.+

A cilondza ca wena a ci na muri.

A ku na muri wa ku tira wena.

14 Zvontlhe a zvigango zva wena zvi ku rivele.+

A zva ha fambi zvi ku lavetela.

15 Hikuyini u rilako hi lezvi u nga tshoveka?

A kubayisa ka wena a ku na muri!

‘Hi yena Ziyoni, loyi a nga laviwiko hi munhu.’”+

18 Jehovha i ngalo:

19 Hi ka vona ku ta huma a kubonga ni guwa ga kutsaka.+

Ndzi ta tsayisa vontlhe lava va mu xanisako.+

Ndzi ta mu neha kusuhani, a tshinela ka mina.”

“Hakuva loku ndzi nga mahi lezvo, himani waku a nga xinyata a ndzi tshinelela?”, ku wula Jeho-vha.

22 “Mu tava vanhu va mina,+ mina ndziva Nungungulu wa n’wina.”+

Masikwini yo gumesa mu ta yi zwisisa a mhaka leyi.+

31 “Ka cikhati leco”, ku wula Jehovha, “ndzi tava Nungungulu wa mingango yontlhe ya Izrayeli, niku vona va tava vanhu va mina.”+

 2 Jehovha i ngalo:

 3 Jehovha i wonekile ka mina hi le kule, aku:

“Ndzi ku randzile hi lirandzo la pindzukelwa.

Hikwalaho, ndzi ku kokile uta ka mina hi lirandzo li nga mbheliko.*+

 4 Ndzi ta ku aketa, u vhuxisiwa.+

 6 Hakuva a siku gata laha a varindzeli le zvitsungeni zva Efrayime va to kanyuluka, vaku:

‘Sukani, a hi kandziheni hiya Ziyoni, ka Jehovha, a Nungungulu wa hina.’”+

 7 Hakuva Jehovha i ngalo:

“Kanyulukani, mu tsakela Jakobe.

Kulungelani hi kutsaka hakuva mu hehla ka matiko.+

 8 Ndzi ta va wuyisa hi tikweni ga le n’walungu.*+

Ndzi ta va hlengeleta hi le magemeta-musi ya misava.+

Va ta wuya na va hi bandla ga hombe.+

 9 Va tata na va rila.+

Ndzi ta va rangela laha va to kombela lezvaku ndzi va mahela tipswalo.

Hakuva ndzi Papayi wa Izrayeli, niku Efrayime matewula ya mina.”+

“Loyi a hangalasileko Izrayeli i ta mu hlengeleta.

I ta mu wonelela a ku khwatsi hi lezvi a murisi a wonelelako a ntlhambi wakwe.+

Ndzi ta hundzula a cirilo cabye civa kutsaka.+

Ndzi ta va chavelela, ndzi vhaleta a kurila kabye hi litsako.+

15 “Jehovha i ngalo:

‘Ku zwala gezu le Rama,+ a hlomulo ni kurila ka hombe;

Hi Rakeli a rilelako a vafana* vakwe.+

16 Jehovha i ngalo:

‘Va ta wuya hi tikweni ga nala.’+

17 ‘Ka wena, ku na ni kutsumba xungetano hi cikhati ci tako’,+ ku wula Jehovha.

‘A vana va wena va ta wuya tikweni gabye.’”+

20 “Kasi Efrayime a hi n’wana wa mina wa lisima, loyi ndzi mu randzako ke?+

Hakuva laha ndzi mu kawukako nguvhu, ndza mu alakanya nguvhu kambe.

Hikwalaho, a marumbu ya mina ma rurumela hi kota yakwe.+

Hakunene ndzi ta mu zwela wusiwana”, ku wula Jehovha.+

Chela kota ka ruwa, a ndlela leyi u faneleko ku famba hi yona.+

Wuya, wena nhwana* wa Izrayeli, wuya madhoropeni ya wena.

22 Kala rini na wa ha pepetseka wena nhanyana u nga tsumbekiko?

Hakuva Jehovha i vangile nchumu wuswa laha misaveni:

A wasati i ta hlota wanuna.”

23 Jehovha wa mabutho, a Nungungulu wa Izrayeli, i ngalo: “Va ta phinda a timhaka leti tikweni ga Judha ni madhoropeni yakwe, a cikhati leci ndzi to wuyisa a tikhumbi tabye, vaku: ‘Jehovha i wa ku katekise wena wutshamu gi lulamileko,+ wena citsunga co basa.’+ 24 Judha ni wontlhe a madhoropa yakwe va ta hanya zvin’we lomo, a varimi ni varisi va mitlhambi.+ 25 Hakuva ndzi ta tangalisa loyi a kareleko, ndzi xurisa loyi* a mbhelileko ntamu.”+

26 Zvalezvo ndzi no khindlimuka, ndzi ku hafu matihlo; ndzi wa etlele a wurongo go nandziha.

27 “A masiku mata”, ku wula Jehovha, “laha ndzi to byala a yindlu ya ka Izrayeli ni yindlu ya ka Judha hi mbewu* ya vanhu ni mbewu ya zvihari.”+

28 “A ku khwatsi hi lezvi ndzi nga va cuwukela kasi ku va tsuwula, ni ku va khungumula, ni ku va hahlula, ni ku va lovisa, ni ku va mahela kubiha,+ hizvalezvo ndzi ta va cuwukela kambe kasi ku va aka ni ku va byala”,+ ku wula Jehovha. 29 “Masikwini lawo va nga ta ha wula ku: ‘A vapapayi va gile a mauvha yo dzunga, kanilezvi ku dzedzemele* a matino ya vana.’+ 30 Kanilezvi a mun’we ni mun’wani i tafa hi cigoho cakwe. Loyi a toga a mauvha yo dzunga hi yena a matino yakwe ma to dzedzemela.”*

31 “A masiku mata”, ku wula Jehovha, “laha ndzi to maha civhumelwano ciswa ni yindlu ya ka Izrayeli ni yindlu ya ka Judha.+ 32 Ci nga ta fana ni civhumelwano leci ndzi mahileko ni vakokwani vabye ka siku legi ndzi nga va khoma hi canja gabye kasi ndzi va humesa tikweni ga Gibhite,+ ‘a civhumelwano ca mina leci va ci tshovileko,+ hambu lezvi ndzi nga hi n’winyi wabye wa lisine’,* ku wula Jehovha.”

33 Hakuva leci civhumelwano leci ndzi to maha ni yindlu ya ka Izrayeli andzhako ka masiku lawo”, ku wula Jehovha. “Ndzi ta veka a nayo wa mina ndzeni kabye,+ ndzi wu tsala timbilwini tabye.+ Ndzi tava Nungungulu wabye niku vona va tava vanhu va mina.”+

34 “Va nga ta ha gondzisana, a mun’we a gondzisa a muakelani wakwe, ni mun’wani a gondzisa a makabye wakwe, aku: ‘Tiva Jehovha!’,+ hakuva vontlhe va ta ndzi tiva, kusukela ka loyi wa mutsongwani kala ka loyi wa hombe”,+ ku wula Jehovha. “Hakuva ndzi ta tsetselela a cigoho cabye; ndzi nga ta ha ci alakanya kambe a ciwonho cabye.”+

37 Jehovha i ngalo: “‘Loku a matilo le hehla ma wo pimiwa ni loku a zviseketelo zva misava lahasi zvi wo hloliwa hi kona ka ku ndzi wa ta fularela a pswalo wontlhe wa Izrayeli hi kota ya zvontlhe wu mahileko’, ku wula Jehovha.”+

38 “A masiku mata”, ku wula Jehovha, “laha Jehovha a to akelwa dhoropa+ kusukela le Likhokholeni* la Hananeli+ kala Nyangweni ya laha Khoneni.+ 39 A lingoti la kupima hi lona+ li ta gwimbiwa kala li chikela ka citsungana ca Garebhe, li jika li kongoma Gowa. 40 A nkova wontlhe wa zvirumbi, ni wa khuma,* ni masimu wontlhe zvi famba kala le Nkoveni wa Kidroni,+ kala khoneni ga Nyangwa ya Mahaxi,+ hi le mutsuwuka-gambo, zvi tava zvilo zvi basileko ka Jehovha.+ A dhoropa gi nga ta ha tshuka gi tsuwuliwa kambe kutani ku hahluliwa.”

32 Leyi i mhaka ya Jehovha yi tileko ka Jeremiya hi lembe ga wu 10 ga Zedhekiya, a hosi ya Judha, gi nga hi lembe ga wu 18 ga Nebhukadnezare.*+ 2 Ka cikhati leco, a mabutho ya hosi ya Bhabhuloni ma wa randzele Jerusalema, niku muphrofeti Jeremiya i wa vhalelwe Tsendzeleni* wa Vagadhi,+ ndlwini* ya hosi ya ka Judha. 3 Hakuva Zedhekiya, a hosi ya ka Judha, i wa mu vhalele,+ aku: “U phrofetela yini, uku: ‘Jehovha i ngalo: “Ndzi ta nyikela dhoropa legi canjeni ga hosi ya Bhabhuloni kasi a gi hlula a gi teka,+ 4 ni lezvaku Zedhekiya, a hosi ya Judha, a nga ta pona canjeni ga vaKaldheya, hakuva hakunene i ta nyikelwa canjeni ga hosi ya Bhabhuloni, niku i ta wulawula nayo nghohe ni nghohe, va wonana mahlo ni mahlo”’?+ 5 ‘I ta teka Zedhekiya a mu yisa Bhabhuloni a ya tshama seyo kala ndzi mu alakanya’, ku wula Jehovha. ‘Hambu loku mu simama kulwa ni vaKaldheya mu nga ta hlula.’”+

6 Jeremiya i te: “A mhaka ya Jehovha yi nota ka mina, yi taku: 7 ‘Hanameli, a n’wana wa Xaluma, a tio* wa wena, i tata ka wena, a taku: “Xava a simu ga mina gi nga le Anatote,+ hakuva hi wena wo ranga u nga ni fanelo yo gi tlhatlhisa.”’”+

8 Hanameli, a n’wana wa tio wa mina, i nota ka mina laha Tsendzeleni wa Vagadhi, kota lezvi Jehovha a nga wulile, a ta ndzi byela, aku: “Xava a simu ga mina gi nga le Anatote, le tikweni ga Bhenjamini, hakuva hi wena u nga ni fanelo ya ku gi teka giva tshomba ya wena ni ku gi tlhatlhisa. Ti xavele gona.” Kwalaho, ndzi no zvi tiva lezvaku yi wa hi mhaka ya Jehovha.

9 Hikwalaho, ndzi no xava simu le Anatote, canjeni ga Hanameli, a n’wana wa tio wa mina. Ndzi no mu pezela mali yakwe:+ 7 wa maxekeli* ni 10 wa zvingerengere zva prata. 10 Ndzi no tsala dheklarasawu,+ ndzi vekela cifungo, ndzi vitanisa vakustumunyu+ ndzi tlhela ndzi peza mali cikalweni. 11 Ndzi no teka a dheklarasawu ga kuxaviwa ka simu, legi gi nga hi ni cifungo, hi ku landza a cileletelo ni lezvi zvi laviwako hi nayo, ni legi go kala cifungo. 12 Ndzi no nyikela a dheklarasawu ga kuxaviwa ka simu ka Bharuke,+ a n’wana wa Neriya,+ a n’wana wa Maseya, mahlweni ka Hanameli, a n’wana wa tio wa mina, ni mahlweni ka vakustumunyu lava va nga sinara a dheklarasawu ga kuxaviwa ka simu, ni mahlweni ka vaJudha vontlhe lava va nga tshamile Tsendzeleni wa Vagadhi.+

13 Ndzi no ruma Bharuke mahlweni kabye, ndziku: 14 “Jehovha wa mabutho, a Nungungulu wa Izrayeli, i ngalo: ‘Teka a madheklarasawu lawa ya kuxaviwa ka simu, legi ga cifungo ni legi gin’wani go kala cifungo, u ma chela lomu ka cibya ca wumba kasi ma tshama cikhati co leha.’ 15 Hakuva Jehovha wa mabutho, a Nungungulu wa Izrayeli, i ngalo: ‘A tiyindlu, ni masimu, ni zvivhina* zvi ta tlhela zvi xaviwa tikweni legi.’”+

16 Andzhako ka loku ndzi nyikele a dheklarasawu ga kuxaviwa ka simu ka Bharuke, a n’wana wa Neriya, ndzi no khongela ka Jehovha, ndziku: 17 “O Jehovha, Hosi ya Hombe! Wena u mahile matilo ni misava hi ntamu wa wena wa hombe+ ni woko ga wena gi nawulutilweko. Ci hava ci ku tsandzako, 18 wena loyi u kombisako a lirandzo li nga mbheliko ka makume ya mazana, kanilezvi u tlhelisela a cigoho ca vapapayi ka* vana vabye andzhako kabye,+ wena Nungungulu wa lisine, wa hombe ni wa ntamu, wena loyi a vito ga wena u nga Jehovha wa mabutho. 19 A makungo ya wena ya hombe,* ni mitiro ya wena ya hombe.+ A matihlo ya wena ma cuwuka a tindlela tontlhe ta vanhu+ kasi u tlhelisela a mun’we ni mun’wani hi kuya hi tindlela takwe ni lezvi a mahako.+ 20 U mahile zvikombiso ni zvihlamaliso tikweni ga Gibhite, lezvi zvi tiviwako kala nyamutlha, u ti mahela vito hehla ka Izrayeli ni cikari ka vanhu,+ kota lezvi zvi wonekako nyamutlha. 21 U humesile a vanhu va wena, a va ka Izrayeli, tikweni ga Gibhite hi zviwoniso, ni zvihlamaliso, ni canja ga ntamu, ni woko gi nawulutilweko, ni mitiro yi chavisako.+

22 “Andzhako ka cikhati, u no va nyika a tiko legi u hlambanyileko ku nyika vakokwani vabye,+ a tiko gi khulungako a masi ni wulombe.+ 23 Va no nghena va gi teka giva tshomba yabye, kanilezvi a va ingisangi a gezu ga wena kutani ku famba nayweni wa wena. A va mahangi ne cin’we ca lezvi u nga va leletele ku maha, hikwalaho, u no neha hehla kabye a khombo legi gontlhe.+ 24 A vanhu va tile ni marampa kasi va ta dhumela a dhoropa va gi teka,+ niku hi kota ya cipadha,+ ni ndlala, ni ntungu,*+ hakunene a dhoropa gi ta wela mandleni ya vaKaldheya lava va lwako nago. Zvontlhe lezvi u zvi wulileko zvi mahekile, kota lezvi u zvi wonako. 25 Kanilezvi wena Jehovha, Hosi ya Hombe, u ndzi byelile ku: ‘Xava simu hi mali, u vitanisa a vakustumunyu’, kuveni a dhoropa gi ta nyikelwa canjeni ga vaKaldheya.”

26 Zvalezvo a mhaka ya Jehovha yi nota ka Jeremiya, yi taku: 27 “Hi mina Jehovha, a Nungungulu wa vanhu vontlhe.* Ci kona ci nga ndzi tsandzako ke? 28 Hikwalaho, Jehovha i ngalo: ‘Ndzi ta nyikela a dhoropa legi ka vaKaldheya ni canjeni ga Nebhukadnezare,* a hosi ya Bhabhuloni; i ta gi teka.+ 29 A vaKaldheya lava va lwako ni dhoropa legi va ta nghena va gi lumekela. Va ta gi hisa+ zvin’we ni tiyindlu leti a vanhu va mahileko miphahlo ka Bhaali hehla ka malangwa* ya tona, va chulula minyikelo ya zvakunwa ka van’wani vanungungulu kasi va ndzi zangarisa.’+

30 “‘Hakuva a vanhu va ka Izrayeli ni va ka Judha va maha basi lezvi zvi bihileko mahlweni ka mina kusukela wusweni gabye.+ A vanhu va ka Izrayeli va tshama hi ku ndzi zangarisa hi ntiro wa mandla yabye’, ku wula Jehovha. 31 ‘Hakuva kusukela a siku legi a dhoropa legi gi nga akiwa kala nyamutlha go ndzi vhuxela a zanga ni khulo basi,+ hikwalaho, gi fanele ku susiwa mahlweni ka mina+ 32 hi kota ya kubiha kontlhe loku a vanhu va ka Izrayeli ni va ka Judha va ku mahileko kasi ku ndzi zangarisa, vona, ni tihosi tabye,+ ni tihosana tabye,+ ni vapristi vabye, ni vaphrofeti vabye,+ ni vanhu va ka Judha, ni vahanyi va Jerusalema. 33 Va tshama hi ku ndzi fularela va nga ndzi kombi a tinghohe tabye.+ Hambu lezvi ndzi nga zama ku va gondzisa hi kuphindaphinda,* a nga kona a nga ingisa a vhumela ku layiwa.+ 34 Va vekile zvifananiso zvabye zvo nyenyeza lomu ndlwini leyi yi nga ni vito ga mina kasi va yi nyenyezisa.+ 35 Ahandle ka lezvo, va akile a matshamu ma tlakukileko ya Bhaali, Nkoveni wa N’wana wa Hinome,*+ kasi va hundzisa a vafana vabye ni vanhanyana vabye hi lomu ndzilweni ka Moloki,+ a zvilo zva ku a ndzi va layangi+ ku maha ne a zvi tshukangi zvi ndzi tela mbilwini ya mina* a ku va byela ku va maha nchumu wo nyenyeza wo kota lowo, va wonhisa Judha.’

36 “Hikwalaho, xungetano hi dhoropa legi mu nge gi ta nyikelwa canjeni ga hosi ya Bhabhuloni hi cipadha, ni ndlala, ni ntungu, Jehovha, a Nungungulu wa Izrayeli, i ngalo: 37 ‘Ndzi ta va hlengeleta hi ka matiko wontlhe lawa ndzi va hangalasileko vaya ka wona hi kota ya zanga ya mina ni khulo ga mina ni civiti ca hombe.+ Ndzi ta va wuyisa wutshan’wini legi niku va ta hanya kuruleni.+ 38 Va tava vanhu va mina, mina ndziva Nungungulu wabye.+ 39 Ndzi ta va nyika a mbilu yin’we+ ni ndlela yin’we kasi contlhe cikhati va ndzi chava, zvi fela ku va fambela khwatsi, vona ni vana vabye andzhako kabye.+ 40 Ndzi ta maha navo a civhumelwano ca pindzukelwa+ ca lezvaku ndzi nga ta tsika ku va mahela zvazvinene,+ niku ndzi ta chela timbilwini tabye a ku ndzi chava kasi va nga ndzi fulareli.+ 41 Ndzi ta tsaka hi ku va mahela zvazvinene,+ ndzi va byala va tiya tikweni legi+ hi mbilu ya mina yontlhe ni muhefemulo* wa mina wontlhe.’”

42 “Hakuva Jehovha i ngalo: ‘A ku khwatsi hi lezvi ndzi nehileko hehla ka vanhu lava a khombo gontlhe legi ga hombe, ndzi ta neha kambe hehla kabye a wunene gontlhe* legi ndzi va tsumbisako.+ 43 Ku ta tlhela ku xaviwa masimu tikweni legi+ hambu lezvi mu nge: “Ciwula, a ku tshami munhu ne hambu zvihari, niku gi nyikelwe canjeni ga vaKaldheya.”’

44 “‘Ku ta xaviwa masimu hi mali, ku tsaliwa madheklarasawu ma fungiwa. Ku ta vitaniwa vakustumunyu hi tikweni ga Bhenjamini,+ ni ka matshamu ma randzeleko Jerusalema, ni madhoropeni ya Judha,+ ni madhoropeni ya tiko ga zvitsunga, ni madhoropeni ya le ndzhelelweni,+ ni madhoropeni ya le dzongeni,* hakuva ndzi ta wuyisa a tikhumbi tabye’,+ ku wula Jehovha.”

33 A mhaka ya Jehovha yi nota ka Jeremiya hi khati ga wumbiri, na a ha vhalelwe laha Tsendzeleni* wa Vagadhi,+ yi taku: 2 “Jehovha, a Mumahi wa misava, Jehovha loyi a yi wumbileko, a yi yimisa a yi tiyisa, loyi a vito gakwe a nga Jehovha, i ngalo: 3 ‘Ndzi vitane, ndzi ta ku hlamula, ndzi tekela ku ku byela a zvilo zva hombe u nga zvi zwisisiko, lezvi u nga zvi tiviko.’”+

4 “Hakuva lezvi hi lezvi Jehovha, a Nungungulu wa Izrayeli, a wulako xungetano hi tiyindlu ta dhoropa legi ni tiyindlu ta tihosi ta Judha, leti ti khungumuliwako kasi ti vhikela dhoropa ka marampa ya ku dhumela hi wona ni ka cipadha,+ 5 ni xungetano hi lava va tako va talwa ni vaKaldheya, va tata a matshamu lawa hi zvirumbi zva lava ndzi va dayako zangeni ya mina ni khulweni ga mina, lava a kubiha kabye ku ndzi mahileko ndzi gi fihlela a nghohe ya mina a dhoropa legi, aku: 6 ‘Ndzi ta mu vhuxa, ndzi mu nyika lihanyo li nene;+ ndzi ta va hanyisa ndzi va nyika kurula ka hombe ni lisine.+ 7 Ndzi ta wuyisa a tikhumbi ta ka Judha ni tikhumbi ta ka Izrayeli.+ Ndzi ta va tiyisa a ku fana ni lezvi ndzi mahileko kusanguleni.+ 8 Ndzi ta va basisa ka nandzu wontlhe wa zviwonho zvabye lezvi va ndzi maheleko;+ ndzi ta va tsetselela a nandzu wontlhe wa zviwonho zvabye ni zvihambunyeto lezvi va ndzi maheleko.+ 9 A vito ga dhoropa legi gi tava litsako la mina, ni wudzundzo ga mina ni kusaseka ka mina mahlweni ka matiko wontlhe ya misava, lawa ma tozwa hi wunene gontlhe legi ndzi va mahelako.+ Ma ta chava, ma rurumela+ hi kota ya wunene gontlhe ni kurula loku ndzi to va nyika.’”+

10 “Jehovha i ngalo: ‘Ka wutshamu legi mu nge ciwula, ku nga hava munhu kutani cifuyo, lomu madhoropeni ya Judha ni lomu maruweni ya Jerusalema, lawa ma hahlulilweko, ku nga hava munhu kutani muhanyi hambu cifuyo, ku ta tlhela ku zwala 11 a guwa ga mikulungwani ni guwa ga kutsaka+ ni gezu ga noivho ni gezu ga noivha ni gezu ga lava va nge: “Bongani Jehovha wa mabutho, hakuva Jehovha mu nene;+ a lirandzo lakwe li nga mbheliko li simama kala kupindzuka!”’+

“‘Va tata ni minyikelo ya kubonga ndlwini ya Jehovha,+ hakuva ndzi ta wuyisa lava va khomilweko tikweni a ku khwatsi hi kusanguleni’, ku wula Jehovha.”

12 “Jehovha wa mabutho i ngalo: ‘Ka wutshamu legi gi mahileko ciwula, ku nga hava munhu kutani cifuyo, ni madhoropeni wontlhe ya gona ku ta tlhela kuva ni wuriselo kasi a varisi va risa kona a mitlhambi yabye.’+

13 “‘Lomu madhoropeni ya tiko ga zvitsunga, ni lomu madhoropeni ya le ndzhelelweni, ni lomu madhoropeni ya le dzongeni,* ni tikweni ga Bhenjamini, ni ka matshamu ma randzeleko Jerusalema,+ ni madhoropeni ya Judha,+ a mitlhambi yi ta tlhela yi hundza hi lomu mandleni ya lava va yi hlayako’, ku wula Jehovha.”

14 “‘A masiku mata’, ku wula Jehovha, ‘laha ndzi to tatisa a citsumbiso ci nene leci ndzi ci wulileko hi yindlu ya Izrayeli ni yindlu ya ka Judha.+ 15 Ka masiku lawo ni ka cikhati leco, ndzi ta vhuxela Dhavhidha a hluke*+ go lulama niku gi ta yimela a nongameto ni kululama lomu tikweni.+ 16 Masikwini lawo, Judha i ta ponisiwa,+ na Jerusalema i ta hanya kuruleni.+ I ta vitaniwa ku: ‘Jehovha Kululama ka Hina.’”+

17 “Hakuva Jehovha i ngalo: ‘Ku nga ta tshuka ku vhumaleka munhu wa lixaka la Dhavhidha wa ku tshama citshan’wini ca wuhosi ca yindlu ya Izrayeli,+ 18 ne hambu ka vapristi va ka Levhi ku nga ta tshuka ku vhumaleka munhu wa ku yima mahlweni ka mina a maha minyikelo ya kuhiswa ya mirumba, ni ku hisa minyikelo ya tindzhoho, ni ku maha miphahlo.’”

19 A mhaka ya Jehovha yi no tlhela yita ka Jeremiya, yi taku: 20 “Jehovha i ngalo: ‘Loku mu wo zvi kota ku tshova civhumelwano ca mina ca hlikanhi ni civhumelwano ca mina ca wusiku, kasi a hlikanhi ni wusiku zvi ngati hi cikhati ca zvona ci yimisilweko,+ 21 hi kona ku nga wa ta tshoveka a civhumelwano ca mina ni nandza ga mina Dhavhidha,+ kasi a ngavi ni n’wana a fumako citshan’wini cakwe ca wuhosi,+ zvin’we ni civhumelwano ca mina ni vapristi va ka Levhi, a malandza ya mina.+ 22 A ku khwatsi hi lezvi zvi nga kotekiko ku hlaya a butho ga matilo ni ku pima a misava ya bimbi, ndzi ta wu andzisisa zvezvo a pswalo* wa nandza ga mina Dhavhidha, ni vaLevhi, lava va ndzi tirelako.’”

23 A mhaka ya Jehovha yi no engeta yita ka Jeremiya, yi taku: 24 “A wu zvi zwangi lezvi a vanhu lava va wulako, vaku: ‘Jehovha i ta tsika a mingango leyi ya yimbiri a yi hlawulileko’ ke? Va chepeta vanhu va mina, a va ha va woni kota tiko.

25 “Jehovha i ngalo: ‘A ku khwatsi hi lezvi ndzi yimisileko a civhumelwano ca mina ca hlikanhi ni wusiku,+ ni milayo ya tilo ni misava,+ 26 ndzi nga ta tshuka ndzi tsika a pswalo* wa Jakobe ni wa nandza ga mina Dhavhidha, ndzi nga hlawuli cikari ka pswalo* wakwe a vafumeli va to fumela a pswalo* wa Abrahama, na Isaka, na Jakobe. Hakuva ndzi ta hlengeleta a tikhumbi tabye,+ ndzi ti zwela wusiwana.’”+

34 A mhaka ya Jehovha yi nota ka Jeremiya a cikhati leci Nebhukadnezare,* a hosi ya Bhabhuloni, ni gontlhe a butho gakwe, ni yontlhe a mifumo ya misava yi nga fumiwa hi yena, ni wontlhe matiko va ngalwa ni Jerusalema ni wontlhe madhoropa yakwe, yi taku:+

2 “Jehovha, a Nungungulu wa Izrayeli, i ngalo: ‘Famba u ya byela Zedhekiya,+ a hosi ya Judha, uku: “Jehovha i ngalo: ‘Ndzi ta nyikela a dhoropa legi canjeni ga hosi ya Bhabhuloni niku i ta gi hisa hi ndzilo.+ 3 Wena u nga ta pona canjeni gakwe, hakuva u ta khomiwa u nyikelwa kakwe.+ U ta wonana ni hosi ya Bhabhuloni tihlo ni tihlo; i ta wulawula na wena nghohe ni nghohe niku wena u taya Bhabhuloni.’+ 4 Hambulezvo, zwana a mhaka ya Jehovha, wena Zedhekiya, a hosi ya Judha: ‘Jehovha i wula lezvi hi wena: “U nga ta dawa hi cipadha. 5 U tafa kuruleni,+ va ku hisela libani a ku khwatsi hi lezvi va mahileko ka vapapayi va wena, a tihosi ta kale, leti ti vileko kona mahlweni ka wena. Va ta ku rila, vaku: ‘Yowe, hosi!’ Hakuva ‘hi mina ndzi wulileko a mhaka leyo’, ku wula Jehovha.”’”’”

6 Muphrofeti Jeremiya i no byela Zedhekiya, a hosi ya Judha, tontlhe a timhaka leti le Jerusalema, 7 a cikhati leci a mabutho ya hosi ya Bhabhuloni ma ngalwa ni Jerusalema ni wontlhe a madhoropa ya Judha lawa ma nga sele,+ ku nga Lakixe+ na Azeka,+ hakuva ku wa hi wona woce a madhoropa ma vhikelweko khwatsi ma nga ha sele cikari ka madhoropa ya ka Judha.

8 A mhaka ya Jehovha yi nota ka Jeremiya, andzhako ka loku hosi Zedhekiya a mahile civhumelwano ni vanhu vontlhe va nga hi Jerusalema ca ku huwelela kutlhatlheka,+ 9 lezvaku vontlhe va fanele ku tlhatlha a tikhumbi tabye ta vaHebheru, a ta cinuna ni ta cisati, kasi ku ngavi ni munhu a mu mahako khumbi a muJudha-kuloni. 10 Hikwalaho, tontlhe a tihosana ni vanhu vontlhe va no ingisa. Va no nghena ka civhumelwano ca lezvaku a vanhu vontlhe va fanele ku tlhatlha a tikhumbi tabye ta cinuna ni ta cisati, va nga ha va mahi tikhumbi kambe. Va no ingisa, va va tsika va famba. 11 Kanilezvi hi ndzhako ka cikhati, va no wuyisa a vavanuna ni vavasati lava va nga va tlhatlhile va ta va kurumeta kambe lezvaku va maha tikhumbi. 12 Hikwalaho, a mhaka ya Jehovha yi nota ka Jeremiya hi ka Jehovha, yi taku:

13 “Jehovha, a Nungungulu wa Izrayeli, i ngalo: ‘Ndzi mahile civhumelwano ni vakokwani va n’wina+ a siku legi ndzi nga va humesa tikweni ga Gibhite, ndlwini ya wukhumbi,+ ndziku: 14 “Kumbheleni ka 7 wa malembe, a mun’we ni mun’wani wa n’wina i ta tlhatlha makabye wakwe wa muHebheru, loyi a xaviselweko a mu tirela 6 wa malembe. Mu tlhatlhe a famba.”+ Kanilezvi a vakokwani va n’wina a va ingisangi ne hambu ku demba tindleve tabye ka mina. 15 Nyamutlha mu hundzulukile mu maha lezvi zvi nga zvinene mahlweni ka mina hi ku huwelela a kutlhatlheka ka vamakabye va n’wina niku mu mahile civhumelwano mahlweni ka mina ndlwini leyi yi vitaniwako hi vito ga mina. 16 Kanilezvi, andzhako ka lezvo, mu no tlhelela ndzhako mu nyenyezisa a vito ga mina+ hi ku wuyisa a vavanuna ni vavasati lava mu nga va tlhatlhile hi kuya hi kuxuva kabye,* mu va kurumeta lezvaku va tlhela va maha tikhumbi.’

17 “Hikwalaho, Jehovha i ngalo: ‘A mu ndzi ingisangi laha mu nga huwelela kutlhatlheka, a mun’we ni mun’wani ka makabye wakwe ni ka munhu-kuloni.+ Hikwalaho, ndza huwelela a kutlhatlheka ka n’wina’, ku wula Jehovha, ‘ka ku mu dawa hi cipadha, ni ntungu,* ni ndlala+ niku ndzi ta mu maha muva nchumu wo tshisa ka yontlhe mifumo ya misava.+ 18 Lezvi hi lezvi zvi to maheka ka lava va tshovileko a civhumelwano ca mina hi ku nga hlayisi a timhaka ta civhumelwano leci va ci mahileko mahlweni ka mina, a cikhati va nga pandza a role hi laha cikari, va hundza hi cikari ka zvipandze zva gona,+ 19 ku nga tihosana ta Judha, ni tihosana ta Jerusalema, ni vafumeli, ni vapristi, ni vontlhe a vanhu va tiko lava va hundzileko cikari ka zvipandze zva role: 20 Ndzi ta va nyikela ka valala vabye ni ka lava va hlotako a wutomi* gabye. A zvirumbi zvabye zvi tava zvakuga zva zvinyanyani zva matilo ni zva zvihari zva misava.+ 21 Ndzi ta nyikela Zedhekiya, a hosi ya Judha, ni tihosana takwe canjeni ga valala vabye, ni canjeni ga lava va hlotako a wutomi* gabye, ni canjeni ga mabutho ya hosi ya Bhabhuloni,+ lawa ma hlehlako ma suka ka n’wina.’+

22 “‘Ndzi ta va nyika cileletelo’, ku wula Jehovha, ‘niku ndzi ta va wuyisa dhoropeni legi va talwa nago, va gi hlula, va gi hisa hi ndzilo;+ a madhoropa ya Judha ndzi ta ma maha ciwula, ku nga ha tshami munhu.’”+

35 A mhaka ya Jehovha yi nota ka Jeremiya, masikwini ya Jehoyakimu,+ a n’wana wa Josiya, a hosi ya Judha, yi taku: 2 “Famba ndlwini ya va ka Rekabe+ u ya wulawula navo u va neha ndlwini ya Jehovha, ka yin’we ya tisala to gela kona, u va nyika vhinyo kasi vanwa.”

3 Hikwalaho, ndzi no teka Jaazaniya, a n’wana wa Jeremiya, a n’wana wa Habhaziniya, ni vamakabye vakwe, ni vontlhe a vana vakwe, ni yindlu yontlhe ya va ka Rekabe 4 ndzi va nghenisa ndlwini ya Jehovha, lomu saleni yo gela kona ya vana va Hanani, a n’wana wa Igdhaliya, a munhu wa Nungungulu wa lisine, leyi yi nga gamekene ni sala yo gela kona ya tihosana yi nga hi hehla ka sala yo gela kona ya Maaseya, a n’wana wa Xaluma, a murindzeli wa nyangwa. 5 Ndzi no veka tikopo ni magombe ma teleko hi vhinyo mahlweni ka vavanuna va yindlu ya ka Rekabe, ndziku kabye: “Nwanani vhinyo.”

6 Kanilezvi va te: “Hi nga tanwa vhinyo, hakuva Jehonadhabha,*+ a n’wana wa Rekabe, a kokwani wa hina, i hi layile ku: ‘Mu nga tshuki munwa vhinyo, n’wina ni vana va n’wina. 7 Mu nga aki yindlu ne ku byala timbewu. Mu nga byali civhina* ne hambu kuva naco. Kanilezvi contlhe cikhati tshamani lomu matendeni, kasi mu hanya masiku yo leha ka tiko legi mu luvelako ka gona.’ 8 Hikwalaho, a hi tsiki ku ingisa a gezu ga Jehonadhabha, a n’wana wa kokwani wa hina Rekabe, ka zvontlhe lezvi a nga hi laya zvaku hi nga tshuki hinwa vhinyo, hina, ni vasati va hina, ni vafana va hina, ni vanhanyana va hina. 9 A hi aki tiyindlu kasi ku tshama kona ne a hi na zvivhina* kutani masimu hambu timbewu. 10 Hi simama ku hanya lomu matendeni hi ingisa zvontlhe lezvi Jehonadhabha,* a kokwani wa hina, a nga hi laya. 11 Kanilezvi a cikhati leci Nebhukadnezare,* a hosi ya Bhabhuloni, a ngata a ta dhumela tiko,+ hi te: ‘A hi sukeni hi nghena lomu Jerusalema kasi hi pona a butho ga vaKaldheya ni ga vaSiriya.’ Makunu zvezvi hi hanya lomu Jerusalema.”

12 A mhaka ya Jehovha yi nota ka Jeremiya, yi taku: 13 “Jehovha wa mabutho, a Nungungulu wa Izrayeli, i ngalo: ‘Famba u ya byela a vanhu va ka Judha ni vahanyi va Jerusalema, uku: “A mu layiwangi hi kuphindaphinda kasi mu ingisa a magezu ya mina ke?”,+ ku wula Jehovha. 14 “Jehonadhabha, a n’wana wa Rekabe, i layile a pswalo wakwe lezvaku wu nganwi vhinyo, niku kala nyamutlha va ha hlayisa a magezu yakwe ya kunganwi vhinyo hakuva va ingisa a cileletelo ca kokwani wabye,+ kanilezvi mina ndzi wulawulile na n’wina hi kuphindaphinda* hambulezvo a mu ndzi ingisi.+ 15 Ndzi no simama ku mu rumelela a malandza ya mina wontlhe, a vaphrofeti, ndzi va rumela hi kuphindaphinda,*+ ndziku: ‘Hundzulukani, a mun’we ni mun’wani tindleleni takwe ta kubiha+ mu maha lezvi zvi lulamileko! Mu nga landzeli a vanungungulu van’wani mu va tirela. Loku mu maha lezvo mu ta simama mu hanya tikweni legi ndzi nyikileko n’wina ni vakokwani va n’wina.’+ Kanilezvi n’wina a mu dembangi a tindleve ta n’wina kutani ku ndzi ingisa. 16 A pswalo wa Jehonadhabha, a n’wana wa Rekabe, wa hlayisa a cileletelo leci a kokwani wabye a va nyikileko,+ kanilezvi a vanhu lava a va ndzi ingisi.”’”

17 “Hikwalaho, Jehovha, a Nungungulu wa mabutho, a Nungungulu wa Izrayeli, i ngalo: ‘Ndzi ta neha hehla ka Judha ni hehla ka vontlhe vahanyi va Jerusalema a khombo gontlhe legi ndzi va tlharihisileko hi gona,+ hakuva ndzi wulawulile navo kanilezvi a va ndzi ingisangi; ndzi no simama ku va vitana kanilezvi a va ndzi hlamulangi.’”+

18 Jeremiya i no byela a yindlu ya va ka Rekabe, aku: “Jehovha wa mabutho, a Nungungulu wa Izrayeli, i ngalo: ‘Kota lezvi mu ingisileko a cileletelo ca kokwani wa n’wina Jehonadhabha, mu simama ku hlayisa zvontlhe lezvi a mu layileko, mu zvi mahisa zvalezvi a mu layisileko zvona, 19 Jehovha wa mabutho, a Nungungulu wa Izrayeli, i ngalo: “Ku nga ta tshuka ku vhumaleka a munhu wa pswalo wa Jehonadhabha,* a n’wana wa Rekabe, wa ku yima mahlweni ka mina a ndzi tirela.”’”

36 Hi lembe ga wumune ga Jehoyakimu,+ a n’wana wa Josiya, a hosi ya Judha, a mhaka ya Jehovha yi nota ka Jeremiya, yi taku: 2 “Teka bhuku go songiwa u tsala timhaka tontlhe leti ndzi ku byelileko xungetano hi Izrayeli, na Judha,+ ni wontlhe matiko,+ kusukela siku go sangula legi ndzi wulawulileko na wena masikwini ya Josiya kala nyamutlha.+ 3 Kuzvilava a cikhati leci lava va yindlu ya ka Judha va tozwa a khombo gontlhe legi ndzi lavako ku va nehela va ta hundzuluka tindleleni tabye ta kubiha kasi ndzi va tsetselela a cigoho cabye ni ciwonho cabye.”+

4 Jeremiya i no vitana Bharuke,+ a n’wana wa Neriya, a ta mu dhitara a timhaka tontlhe leti Jehovha a nga mu byelile. Bharuke i no ti tsala lomu bhukwini go songiwa.+ 5 Jeremiya i no byela Bharuke, aku: “Ndza betelwa ku nghena ndlwini ya Jehovha. 6 Hikwalaho, hi wena u to nghena u lera hi gezu ga hombe a timhaka ta Jehovha leti ti nga lomu bhukwini, leti ndzi nga ku dhitara u tsala. Ti lere ti zwiwa hi vanhu ndlwini ya Jehovha hi siku ga kupfhunga.* U ta ti lera ti zwiwa hi vanhu vontlhe va ka Judha va tako hi madhoropeni yabye. 7 Kuzvilava Jehovha i tazwa a cikombelo cabye ca ku lava ku mahelwa wuxinji, a mun’we ni mun’wani a hundzuluka tindleleni takwe ta kubiha, hakuva a zanga ya Jehovha ni khulo legi a gi wulileko xungetano hi vanhu lava ga hombe.”

8 Hikwalaho, Bharuke, a n’wana wa Neriya, i no maha zvontlhe lezvi muphrofeti Jeremiya a nga mu ruma. I no lera hi gezu ga hombe a bhuku ga timhaka ta Jehovha lomu ndlwini ya Jehovha.+

9 Makunu hi lembe ga wutlhanu ga Jehoyakimu,+ a n’wana wa Josiya, a hosi ya Judha, hi hweti ya wu 9, vontlhe a vanhu va Jerusalema ni vontlhe a vanhu va nga tile Jerusalema hi madhoropeni ya Judha va no huwelela kupfhunga* mahlweni ka Jehovha.+ 10 Bharuke i no lera hi gezu ga hombe a timhaka ta Jeremiya bhukwini go songiwa. I no lera lomu ndlwini ya Jehovha, saleni* ya Gemariya,+ a n’wana wa Xafani,+ a mukopiyi,* tsendzeleni* wa le hehla, kusuhani ni nyangwa yiswa ya yindlu ya Jehovha,+ mahlweni ka vanhu vontlhe.

11 Laha Mikaya, a n’wana wa Gemariya, a n’wana wa Xafani, a ngazwa a timhaka tontlhe ta Jehovha leti ti nga hi lomu bhukwini go songiwa, 12 i no relela ndlwini* ya hosi, saleni ya matsalani. Tontlhe a tihosana* ti wa tshamile lomo: Elixama,+ a matsalani, na Dhelaya, a n’wana wa Xemaya, na Elnatani,+ a n’wana wa Akbhori,+ na Gemariya, a n’wana wa Xafani, na Zedhekiya, a n’wana wa Hananiya, ni tontlhe a tihosana leti tin’wani. 13 Mikaya i no va byela a timhaka tontlhe leti a ti zwileko a cikhati leci Bharuke a nga lera bhuku tindleveni ta vanhu.

14 A tihosana tontlhe ti no rumela Jehudhi, a n’wana wa Netaniya, a n’wana wa Xelemiya, a n’wana wa Kuxi, ka Bharuke, a yaku: “Ngone ni bhuku legi u lerileko gi zwiwa hi vanhu.” Bharuke, a n’wana wa Neriya, i no teka bhuku a famba nago kabye. 15 Va no mu byela lezvi: “Tshama u hi lerela hi gezu ga hombe.” Hikwalaho, Bharuke i no va lerela.

16 Zvalezvi va ngazwa a timhaka tontlhe, va no cuwukana na va chava, va byela Bharuke, vaku: “Hi fanele ku byela hosi a timhaka tontlhe leti.” 17 Va no wutisa Bharuke, vaku: “Hi nga hi byela, u ti tsalisile kuyini a timhaka tontlhe leti? Hi yena a nga ku dhitara ke?” 18 Bharuke i no va hlamula, aku: “Hi yena a nga ndzi dhitara a timhaka tontlhe leti, mina ndzi ti tsala hi tinta lomu bhukwini legi.” 19 A tihosana ti no byela Bharuke, tiku: “Famba u ya fihlala, wena na Jeremiya, mu nga byeli munhu laha mu tova kona.”+

20 Andzhako ka lezvo, va noya ka hosi le tsendzeleni, va ya veka bhuku lomu saleni ya Elixama, a matsalani, va byela hosi zvontlhe lezvi va nga zvi zwile.

21 Hikwalaho, a hosi yi no ruma Jehudhi+ a ya teka bhuku saleni ya Elixama, a matsalani, a wuya nago. Jehudhi i no sangula ku gi lera na zvi zwiwa hi hosi ni tontlhe a tihosana leti ti nga yimile tlhelweni ga hosi. 22 A hosi yi wa tshamile lomu ndlwini ya nguva ya cirami, hi hweti ya wu 9,* na ku hi ni ndzilo wu nga vhura laha khumbarini mahlweni ka yona. 23 Loku Jehudhi a mbheta ku lera a tindzima tinharu kutani mune, a hosi yi wo tsema cipandze leco hi mukwana wa matsalani yi ci hoxela ndzilweni lowu wu nga vhura laha khumbarini kala a bhuku gontlhe gi mbhela laha ndzilweni. 24 A hosi ni wontlhe a malandza ya yona, lawa ma ngazwa a timhaka leti tontlhe, a va chavangi ne a va handzulangi a tinguwo tabye. 25 Hambu lezvi Elnatani,+ na Dhelaya,+ na Gemariya+ va nga khongotela hosi lezvaku yi nga hisi bhuku, a hosi a yi va ingisangi. 26 Ahandle ka lezvo, a hosi yi no ruma Jerameeli, a n’wana wa hosi; na Seraya, a n’wana wa Azriyeli; na Xelemiya, a n’wana wa Abdheyeli kasi va ya khoma Bharuke, a matsalani, na muphrofeti Jeremiya. Kanilezvi Jehovha i no va fihla.+

27 A mhaka ya Jehovha yi nota kambe ka+ Jeremiya andzhako ka loku a hosi yi hisile a bhuku legi gi nga hi ni timhaka leti Jeremiya a nga dhitarile Bharuke a ti tsala, yi taku: 28 “Teka gin’wani bhuku u tsala a timhaka tontlhe leti ti nga hi lomu bhukwini go sangula, legi Jehoyakimu, a hosi ya Judha, a nga gi hisa.+ 29 U ta byela Jehoyakimu, a hosi ya Judha, uku: ‘Jehovha i ngalo: “Wena u hisile a bhuku, uku: ‘Hikuyini u tsalileko ku: “A hosi ya Bhabhuloni yi tata yi ta lovisa tiko legi yi gi swiyela ku nga sali munhu ne ni cihari” ke?’+ 30 Hikwalaho, Jehovha i wula lezvi hi Jehoyakimu, a hosi ya Judha: ‘A nga tava ni munhu wa ku tshama citshan’wini ca wuhosi ca Dhavhidha.+ A cirumbi cakwe ci ta tsikiwa lahandle ciswa hi mumu ni hlikanhi ci tlhela ci biwa hi civera ni wusiku.+ 31 Ndzi ta mu tsayisa, yena, ni pswalo* wakwe, ni malandza yakwe hi kota ya cigoho cabye. Ndzi ta neha hehla kabye, ni ka vahanyi va Jerusalema, ni ka vanhu va ka Judha gontlhe a khombo legi ndzi gi wulileko hi vona+ kanilezvi va nga ingisi.’”’”+

32 Jeremiya i no teka gin’wani bhuku a nyika Bharuke, a n’wana wa Neriya, a matsalani.+ Bharuke i no tsala a timhaka tontlhe leti a nga dhitariwa hi Jeremiya leti ti nga hi lomu bhukwini legi Jehoyakimu, a hosi ya Judha, a gi hisileko ndzilweni.+ Ku no tlhela ku engetelwa a timhaka tin’wani to tala to fana ni leto.

37 Hosi Zedhekiya,+ a n’wana wa Josiya, i no sangula ku fuma wutshan’wini ga Koniya,*+ a n’wana wa Jehoyakimu, hakuva Nebhukadnezare,* a hosi ya Bhabhuloni, i wa mu mahile hosi tikweni ga Judha.+ 2 Kanilezvi yena ni malandza yakwe ni vanhu va tiko a va ingisangi a timhaka ta Jehovha leti a nga ti wula hi nomu wa muphrofeti Jeremiya.

3 Hosi Zedhekiya i no rumela Jehukali,+ a n’wana wa Xelemiya, na Zefaniya,+ a n’wana wa mupristi Maaseya, ka muphrofeti Jeremiya, va yaku: “Hi kombela ku u hi khongelela ka Jehovha, a Nungungulu wa hina.” 4 Jeremiya i wa famba na a tlhatlhekile cikari ka vanhu hakuva va wa nga se mu vhalela lomu paxweni.+ 5 Makunu a butho ga Faro gi no huma Gibhite,+ niku a vaKaldheya lava va nga randzela a Jerusalema va no zvizwa. Hikwalaho, va no hlehla va suka Jerusalema.+ 6 A mhaka ya Jehovha yi nota ka muphrofeti Jeremiya, yi taku: 7 “Jehovha, a Nungungulu wa Izrayeli, i ngalo: ‘Byelani a hosi ya Judha, leyi yi mu rumileko a ku ta ndzi wutisa, muku: “A butho ga Faro legi gi tako ku ta mu vhuna gi ta tlhela Gibhite, tikweni ga gona.+ 8 A vaKaldheya va ta wuya va talwa ni dhoropa legi, va gi teka, va gi hisa hi ndzilo.”+ 9 Jehovha i ngalo: “Mu nga ti kalaveli,* muku: ‘A vaKaldheya va ta suka ka hina’, hakuva va nga ta suka. 10 Hambu loku mu wo hihirita a butho gontlhe ga vaKaldheya lava va lwako na n’wina ku sala lava vo bayisiwa basi, valavo va wa ta huma lomu matendeni yabye va hisa a dhoropa legi hi ndzilo.”’”+

11 A cikhati leci a butho ga vaKaldheya gi nga tsika kulwa ni Jerusalema hi kota ya butho ga Faro,+ 12 Jeremiya i no huma lomu Jerusalema aya tikweni ga Bhenjamini+ kasi a ya amukela a ciavelo cakwe cikari ka vanhu vakwe. 13 Kanilezvi a cikhati leci a nga chikela laha Nyangweni ya Bhenjamini, a hosana ya vagadhi, leyi a vito ga yona ku nga hi Irija, a n’wana wa Xelemiya, a n’wana wa Hananiya, yi no khoma muphrofeti Jeremiya, yiku: “Wena uya u ya ti nyikela ka vaKaldheya!” 14 Kanilezvi Jeremiya i te: “Lezvo mawunwa! A ndziyi ndzi ya ti nyikela ka vaKaldheya.” Kanilezvi a yi mu ingisangi. Hikwalaho, Irija i no khoma Jeremiya a mu yisa ka tihosana. 15 A tihosana ti no zangarela Jeremiya,+ ti muba ti mu vhalela*+ lomu ndlwini ya Jehonatani, a matsalani, hakuva va wa yi mahile paxo. 16 Jeremiya i no hoxiwa lomu paxweni,* ka nkele wa lomu hasi, a tshama lomo a masiku yo tala.

17 Hosi Zedhekiya i no mu vitanisa. A hosi yi no mu wutisa cihundleni lomu ndlwini* ya yona,+ yiku: “U na ni mhaka yi tako hi ka Jehovha ke?” Jeremiya aku: “Ndzi nayo!” A engeta aku: “Wena u ta nyikelwa canjeni ga hosi ya Bhabhuloni!”+

18 Jeremiya i no tlhela a byela hosi Zedhekiya, aku: “Cini ndzi nga ku wonhela, wena ni malandza ya wena, ni vanhu lava a kuza mu ndzi vhalela paxweni ke? 19 Makunu va kwihi a vaphrofeti va n’wina, lava va nga mu phrofetela, vaku: ‘A hosi ya Bhabhuloni yi nga tata yi ta mu dhumela ne ku dhumela tiko legi’ ke?+ 20 Makunu hosi yanga, zwana a kukombela ka mina, u ndzi mahela wuxinji. U nga ndzi tlhelisi ndlwini ya Jehonatani,+ a matsalani, ndzi nga fela seyo.”+ 21 Hikwalaho, hosi Zedhekiya i no laya lezvaku Jeremiya a vhalelwa Tsendzeleni* wa Vagadhi.+ Siku ni siku i wa nyikiwa a pawa ya redhonda ya le ruweni ga vamahi va tipawa+ kala a tipawa tontlhe lomu dhoropeni ti mbhela.+ Jeremiya i no simama Tsendzeleni wa Vagadhi.

38 Makunu Xefatiya, a n’wana wa Matani, na Gedhaliya, a n’wana wa Paxuri, na Jukali,+ a n’wana wa Xelemiya, na Paxuri,+ a n’wana wa Malkija, va nozwa a timhaka leti Jeremiya a nga kari a byela a vanhu vontlhe, aku: 2 “Jehovha i ngalo: ‘Loyi a to tshama lomu dhoropeni legi i ta dawa hi cipadha, ni ndlala, ni ntungu.*+ Kanilezvi loyi a to ti nyikela* ka vaKaldheya i ta simama a hanya niku i ta ponisa wutomi* gakwe kota muphango,* a hanya.+ 3 Jehovha i ngalo: ‘A dhoropa legi gi ta nyikelwa ka butho ga hosi ya Bhabhuloni, yi gi teka.’”+

4 A tihosana ti te ngalo ka hosi: “A wanuna loyi i wa dawe,+ hakuva wa ma mbheta ntamu a* masochwa lawa ma seleko lomu dhoropeni legi ni vanhu vontlhe hi ku va byela a magezu lawa. A wanuna loyi a nga va xuveli kurula a vanhu lava kanilezvi i va xuvela khombo.” 5 Hosi Zedhekiya i no va hlamula, aku: “I mandleni ya n’wina, hakuva a hosi a yi nge mu beteli nchumu.”

6 Hikwalaho, va no khoma Jeremiya va mu hoxela lomu thangini ga Malkija, a n’wana wa hosi, legi gi nga hi Tsendzeleni* wa Vagadhi.+ Va no mu releta hi tingoti. Lomu thangini ku wa nga hi na mati, ku wova ni madhaka basi, niku Jeremiya i no sangula ku nyupela lomu madhakeni.

7 Ebhed-Meleki,+ a muEtiopia, a thenwa* lomu ndlwini* ya hosi, i nozwa lezvaku va petile Jeremiya lomu thangini. A hosi yi wa tshamile laha Nyangweni ya Bhenjamini.+ 8 Hikwalaho, Ebhed-Meleki i no huma ndlwini* ya hosi, a ya wulawula ni hosi, aku: 9 “O hosi ya mina, lezvi a vavanuna lava va nga maha muphrofeti Jeremiya zvi bihile. Va mu hoxele lomu thangini niku i tafa lomo hi ndlala, hakuva a ka ha hi na zvakuga* lomu dhoropeni.”+

10 A hosi yi no ruma Ebhed-Meleki, a muEtiopia, yiku: “Teka a 30 wa vavanuna laha mu ya humesa muphrofeti Jeremiya lomu thangini na a nga sefa.” 11 Hikwalaho, Ebhed-Meleki i no teka vavanuna vaya ndlwini* ya hosi ka wutshamu gi nga lahasi ka sala ya titshomba+ va ya teka a zvitarapo ni tinguwo to hlakala va zvi releta ka Jeremiya hi tingoti lomu thangini. 12 Ebhed-Meleki, a muEtiopia, i te ngalo ka Jeremiya: “Vekela a zvitarapo ni tinguwo makhahaleni ya wena u gumesa u hakhara tingoti.” Jeremiya i no maha lezvo, 13 niku va no kokela Jeremiya hi tingoti va mu humesa lomu thangini. Jeremiya i no tshama Tsendzeleni wa Vagadhi.+

14 Hosi Zedhekiya i no vitanisa muphrofeti Jeremiya ata kakwe nyangweni ya wunharu yi nga ndlwini ya Jehovha, ni hosi yi no byela Jeremiya, yiku: “Ndzi na ni mhaka ndzi lavako ku ku wutisa. U nga ndzi fihleli nchumu.” 15 Jeremiya i no byela Zedhekiya, aku: “Loku ndzi ku byela, u ta ndzi daya. Loku ndzi ku nyika wusungukati, u nga ta ndzi ingisa.” 16 Hikwalaho, hosi Zedhekiya i no hlambanya ka Jeremiya cihundleni, aku: “A ku khwatsi hi lezvi Jehovha a hanyako, loyi a hi nyikileko wutomi,* ndzi nga ta ku daya ne ndzi nga ta ku nyikela ka vavanuna lava va hlotako a wutomi* ga wena.”

17 Jeremiya i no byela Zedhekiya, aku: “Jehovha, a Nungungulu wa mabutho, a Nungungulu wa Izrayeli, i ngalo: ‘Loku u ti nyikela* ka tihosana ta hosi ya Bhabhuloni u ta hanya,* ni dhoropa legi gi nga ta hisiwa hi ndzilo; wena ni yindlu ya wena mu ta hanya.+ 18 Kanilezvi loku u nga ti nyikeli* ka tihosana ta hosi ya Bhabhuloni, a dhoropa legi gi ta nyikelwa canjeni ga vaKaldheya va gi hisa hi ndzilo;+ u nga ta pona canjeni gabye.’”+

Va mbombomelisile a mikondzo ya wena lomu madhakeni.

Lezvi va hlehlile va tsutsuma.’

23 Vontlhe a vasati va wena ni vana va wena va ta nehiwa ka vaKaldheya, niku u nga ta pona canjeni gabye, kanilezvi u ta khomiwa hi hosi ya Bhabhuloni+ niku hi kota ya wena a dhoropa legi gi ta hisiwa hi ndzilo.”+

24 Zedhekiya i no byela Jeremiya, aku: “U nga byeli munhu a timhaka leti, u ngafa. 25 Loku a tihosana tizwa lezvaku ndzi wulawulile na wena, tita ka wena ti taku: ‘Hi byele lezvi u nga byela hosi. U nga hi fihleli nchumu, hi nga ta ku daya.+ Zvini lezvi a hosi yi nga ku byela?’ 26 Va hlamule ku: ‘A ndzo kombela hosi lezvaku yi nga ndzi tlhelisi ndlwini ya Jehonatani ndzi ya fela seyo.’”+

27 Andzhako ka cikhati, tontlhe a tihosana ti nota ka Jeremiya ti ta mu wutisa. Jeremiya i no va byela zvontlhe lezvi a hosi yi nga mu leletele ku wula. Hikwalaho, a va ha mu byelangi nchumu, hakuva i hava a nga ma zwile a mabhulo yabye. 28 Jeremiya i no simama laha Tsendzeleni wa Vagadhi kala siku legi Jerusalema a nga tekiwa;+ i wa ha hi laho a cikhati leci Jerusalema a nga tekiwa.+

39 Hi lembe ga wu 9 ga Zedhekiya, a hosi ya Judha, hi hweti ya wu 10, Nebhukadnezare,* a hosi ya Bhabhuloni, ni gontlhe a butho gakwe va nota Jerusalema va ta gi randzela.+

2 Hi lembe ga wu 11 ga Zedhekiya, hi hweti ya wumune, hi siku ga wu 9 ga hweti, va no bhoxa a muro wa dhoropa.+ 3 A tihosana tontlhe ta hosi ya Bhabhuloni, ku nga Nergal-Xarezeri, a Samgar, na Nebho-Sarsekimu, a Rab-Sarisi,* na Nergal-Xarezeri, a Rab-Mage,* ni tontlhe a tihosana leti tin’wani ta hosi ya Bhabhuloni ti no nghena ti tshama laha Nyangweni ya laha Cikari.+

4 A cikhati leci Zedhekiya, a hosi ya Judha, ni masochwa wontlhe va nga va wona, va no tsutsuma+ va huma lomu dhoropeni ni wusiku hi ndlela ya jardhim ya hosi, hi nyangwa yi nga cikari ka makhurisi mambiri, va simama hi ndlela ya Arabha.+ 5 Kanilezvi a butho ga vaKaldheya gi no va hlongolisela gi ya kuma Zedhekiya livaleni la Jeriko.+ Va no mu khoma va mu yisa ka Nebhukadnezare,* a hosi ya Bhabhuloni, le Ribla,+ tikweni ga Hamate,+ a ya mu nyika tsayiselelo wakwe seyo. 6 A hosi ya Bhabhuloni yi no laya lezvaku a vana va Zedhekiya va dawa na a zvi wona, le Ribla. A hosi yi no tlhela yi laya lezvaku ku dawa a vahombe vontlhe va ka Judha.+ 7 Andzhako ka lezvo, i no bhoxa a matihlo ya Zedhekiya, a mu boha hi machini ya kobre kasi a mu yisa Bhabhuloni.+

8 A vaKaldheya va no hisa a yindlu* ya hosi ni tiyindlu ta vanhu,+ va tlhela va khungumulela a mimuro ya Jerusalema.+ 9 Nebhuzaradhani,+ a hosana ya vagadhi, i no khoma a vanhu lava va nga sele lomu dhoropeni, zvin’we ni lava va nga ti nyikele kakwe, ni vontlhe va nga sele a va yisa wukhumbini Bhabhuloni.

10 Kanilezvi Nebhuzaradhani, a hosana ya vagadhi, i no siya vokari lomu tikweni ga Judha lava va nga hi zvisiwana nguvhu, lava va nga hi hava nchumu. Ka siku galego, i no va nyika a zvivhina* ni masimu kasi va rima.*+

11 Nebhukadnezare,* a hosi ya Bhabhuloni, i no leletela Nebhuzaradhani, a hosana ya vagadhi, xungetano hi Jeremiya, aku: 12 “Mu teke u mu hlayisa, u nga mu mahi zvakubiha, niku mu nyike ni cihi a to ku kombela.”+

13 Hikwalaho, Nebhuzaradhani, a hosana ya vagadhi, na Nebhuxazbhani, a Rab-Sarisi,* na Nergal-Xarezeri, a Rab-Mage,* ni vontlhe a vahombe va hosana ya Bhabhuloni va no rumisa 14 lezvaku Jeremiya a humesiwa Tsendzeleni* wa Vagadhi+ a nyikelwa ka Gedhaliya,+ a n’wana wa Ahikamu,+ a n’wana wa Xafani,+ kasi a mu yisa mutini wakwe. Hikwalaho, Jeremiya i no hanya cikari ka vanhu.

15 Laha Jeremiya a nga ha vhalelwe Tsendzeleni wa Vagadhi,+ a mhaka ya Jehovha yi nota kakwe, yi taku: 16 “Famba u ya byela Ebhed-Meleki,+ a muEtiopia, uku: ‘Jehovha wa mabutho, a Nungungulu wa Izrayeli, i ngalo: “Ndza tatisa a timhaka ta mina xungetano hi dhoropa legi kasi ku gi nehela khombo na ku nga hi zvazvinene; ka siku lego u ta zvi wona na zvi maheka.”’

17 “‘Kanilezvi ka siku lego ndzi ta ku tlhatlhisa’, ku wula Jehovha, ‘niku u nga ta nyikelwa mandleni ya vanhu lava u va chavako.’

18 “‘Hakuva ndzi ta ku vhululela a ndlela ya ku u pona, niku u nga ta dawa hi cipadha. U ta ponisa a wutomi* ga wena kota muphango,*+ hakuva u ndzi tsumbile’,+ ku wula Jehovha.”

40 A mhaka ya Jehovha yi nota ka Jeremiya andzhako ka loku Nebhuzaradhani,+ a hosi ya vagadhi, a mu tlhatlhile le Rama.+ I wa mu tekile aya seyo na a bohilwe mawoko hi machini, na a hi cikari ka vontlhe a vanhu va Jerusalema ni Judha, lava va nga khomilwe, va nga kari va yisiwa Bhabhuloni. 2 A hosi ya vagadhi yi no teka Jeremiya, yiku kakwe: “Jehovha, a Nungungulu wa wena, i phrofetile a khombo legi a phrofetela a wutshamu legi, 3 niku Jehovha i gi nehile kota lezvi a wulileko hakuva n’wina mu wonhele Jehovha niku a mu ingisangi a gezu gakwe. Hikwalaho, mu welwe hi khombo legi.+ 4 Nyamutlha ndza ku tlhatlha a machini lawa ma nga mawokweni ya wena. Loku u zvi lava ku famba na mina Bhabhuloni, a hi fambe, ndzi ta ku hlayisa. Kanilezvi, loku u nga zvi lavi ku famba na mina Bhabhuloni, sala. Wa zvi wona! A tiko gontlhe gi mahlweni ka wena. Yana ni kwihi u ku lavako.”+

5 Jeremiya na a nga se hundzuluka a suka, Nebhuzaradhani i te ngalo kakwe: “Tlhela ka Gedhaliya,+ a n’wana wa Ahikamu,+ a n’wana wa Xafani,+ loyi a hosi ya Bhabhuloni yi mu yimisileko ku fumela madhoropa ya Judha, u ya tshama naye zvin’we ni vanhu, kutani uya ni kwihi u ku lavako.”

A hosana ya vagadhi yi no mu nyika zvakuga ni cinyikiwo, yi mu tsika a famba. 6 Hikwalaho, Jeremiya i noya ka Gedhaliya, a n’wana wa Ahikamu, le Mizpa,+ a ya tshama naye, zvin’we ni vanhu lava va nga sele lomu tikweni.

7 Hi ndzhako ka cikhati, vontlhe a varangeli va butho, lava va nga hi le handle ka dhoropa ni vavanuna va vona, va nozwa lezvaku a hosi ya Bhabhuloni yi yimisile Gedhaliya, a n’wana wa Ahikamu, lezvaku a fumela tiko, yi tlhela yi mu yimisa hehla ka vavanuna ni vavasati ni vanana, va nga hi zvisiwana lomu tikweni, lava va nga kala ku yisiwa Bhabhuloni.+ 8 Hikwalaho, va noya ka Gedhaliya le Mizpa.+ Ku wa hi na Ixmayeli,+ a n’wana wa Netaniya, na Johanani+ na Jonatani, a vana va Kareya, na Seraya, a n’wana wa Tanhumete, ni vana va Efayi, a muNetofate, na Jezaniya,+ a n’wana wa muMaakate, zvin’we ni vavanuna vabye. 9 Gedhaliya, a n’wana wa Ahikamu, a n’wana wa Xafani, i no hlambanya ka vona ni ka vavanuna vabye, aku: “Mu nga chavi a ku tirela a vaKaldheya. Hanyani lomu tikweni mu tirela a hosi ya Bhabhuloni, zvi ta mu fambela khwatsi.+ 10 Mina ndzi ta tshama le Mizpa ndzi mu yimela ka vaKaldheya lava va tota ka hina. Kanilezvi n’wina hlengeletani vhinyo, ni mihandzu ya cimumu, ni mafura, mu zvi hlengeletela lomu ka zvibya zva n’wina, mu tlhela mu tshama lomu madhoropeni lawa mu ma tekileko.”+

11 Vontlhe a vaJudha lava va nga hi le Mowabhi ni le Amoni ni le Edhomi, zvin’we ni lava va nga hi matikweni wontlhe lawa man’wani, va nozwa lezvaku a hosi ya Bhabhuloni yi tsikile a misalela yi tshama le Judha, ni lezvaku yi va yimisele Gedhaliya, a n’wana wa Ahikamu, a n’wana wa Xafani, lezvaku a va fumela. 12 Hikwalaho, a vaJudha vontlhe va no sangula ku wuya hi ka matshamu wontlhe lawa va nga hangalakile vaya ka wona. Va no nghena lomu tikweni ga Judha, vaya ka Gedhaliya, le Mizpa. Va no hlengeleta a ntsengo wa hombe wa vhinyo ni mihandzu ya cimumu.

13 Johanani, a n’wana wa Kareya, ni vontlhe a varangeli va butho lava va nga hi masin’wini, va nota ka Gedhaliya, le Mizpa. 14 Va no mu byela ku: “A wu zvi tivi lezvaku Bhaalisi, a hosi ya vaAmoni,+ i rumile Ixmayeli, a n’wana wa Netaniya, lezvaku a ta ku daya ke?”+ Kanilezvi Gedhaliya, a n’wana wa Ahikamu, a nga kholwangi lezvi va nga wula.

15 Makunu Johanani, a n’wana wa Kareya, i no byela Gedhaliya cihundleni le Mizpa, aku: Ndzi lava ku ya daya Ixmayeli, a n’wana wa Netaniya; i hava a to zvi tiva. I wa ta ku dayela yini, ku hangalaka a vanhu vontlhe va Judha lava va hlengeletanako ka wena ku tlhela ku lova ni misalela ya Judha ke?” 16 Kanilezvi Gedhaliya,+ a n’wana wa Ahikamu, i no byela Johanani, a n’wana wa Kareya, aku: “U nga mahi lezvo, hakuva lezvi u zvi wulako hi Ixmayeli mawunwa.”

41 Hi hweti ya wu 7, Ixmayeli,+ a n’wana wa Netaniya, a n’wana wa Elixama, loyi a nga hi wa laha lixakeni la wuhosi,* na a hi mun’we wa tihosana ta hombe ta hosi, i noya ka Gedhaliya, a n’wana wa Ahikamu, le Mizpa,+ na a hi ni 10 wa vavanuna. A cikhati leci va ngaga zvin’we le Mizpa, 2 Ixmayeli, a n’wana wa Netaniya, ni 10 wa vavanuna lava a nga hi navo va no suka va daya Gedhaliya, a n’wana wa Ahikamu, a n’wana wa Xafani hi cipadha. Hizvalezvo, i no daya loyi a hosi ya Bhabhuloni yi nga mu yimisile a ku fumela tiko. 3 Ixmayeli i no tlhela a daya a vaJudha vontlhe lava va nga hi na Gedhaliya le Mizpa, a daya kambe ni masochwa ya vaKaldheya lawa ma nga hi laho.

4 Hi siku ga wumbiri Gedhaliya na a delwe, na zvi nga se tiviwa hi munhu, 5 ku nota a 80 wa vavanuna hi le Xekemi,+ ni le Xilo,+ ni le Samariya.+ Va wa tsemile malevhu, niku a tinguwo tabye ti wa handzukele, na va ti tsemelele.+ Va wa hi ni minyikelo ya tindzhoho ni libani+ mandleni yabye kasi va zvi neha ndlwini ya Jehovha. 6 Hikwalaho, Ixmayeli, a n’wana wa Netaniya, i no suka le Mizpa a va khinga na a rila. Laha a nga kumana navo, i te ngalo kabye: “Ngonani ka Gedhaliya, a n’wana wa Ahikamu.” 7 Kanilezvi a cikhati va nga nghena lomu dhoropeni, Ixmayeli, a n’wana wa Netaniya, ni vavanuna vakwe va no va daya va va hoxela lomu thangini.

8 Kanilezvi a 10 wa vona va te ngalo ka Ixmayeli: “U nga hi dayi, hakuva hi na ni trigo, ni sevhadha, ni mafura, ni wulombe hi nga fihla le handle ka dhoropa.” Hikwalaho, i no va tsika a nga va dayi a ku fana ni lezvi a nga dele a vamakabye vabye. 9 Ixmayeli i no hoxa a zvirumbi zvontlhe zva vavanuna lava a nga dele lomu thangini ga hombe, legi hosi Asa a nga gi mahile hi kota ya Bhaaxa, a hosi ya Izrayeli.+ Hi gona a thangi legi Ixmayeli, a n’wana wa Netaniya, a gi tatileko hi zvirumbi zva vavanuna lava va delweko.

10 Ixmayeli i no khoma a vanhu lava van’wani va nga hi Mizpa+ a ku patsa ni vanhanyana va hosi ni vontlhe a vanhu lava va nga sele Mizpa, lava Nebhuzaradhani, a hosana ya vagadhi, a nga va nyikele mandleni ya Gedhaliya,+ a n’wana wa Ahikamu. Ixmayeli, a n’wana wa Netaniya, i no va khoma a famba navo hi tlhelo ga tiko ga vaAmoni.+

11 Laha Johanani,+ a n’wana wa Kareya, ni vontlhe a varangeli va butho, va ngazwa a kubiha kontlhe loku Ixmayeli, a n’wana wa Netaniya, a nga ku mahile, 12 va no teka vavanuna vontlhe va famba kasi va yalwa na Ixmayeli, a n’wana wa Netaniya; va no mu kuma le matini ya hombe* le Gibheyoni.

13 Vontlhe a vanhu lava va nga hi na Ixmayeli va no tsaka nguvhu a cikhati leci va nga wona Johanani, a n’wana wa Kareya, ni vontlhe a varangeli va butho lava a nga hi navo. 14 Makunu vontlhe a vanhu lava Ixmayeli a nga va khomile le Mizpa+ va no hundzuluka va tlhela na Johanani, a n’wana wa Kareya. 15 Kanilezvi Ixmayeli, a n’wana wa Netaniya, ni 8 wa vavanuna lava a nga hi navo, va no huluka ka Johanani vaya ka vaAmoni.

16 Johanani, a n’wana wa Kareya, ni vontlhe a varangeli va butho lava va nga hi zvin’we naye va no teka a vanhu lava va nga sele va le Mizpa, lava va nga va tlhatlhisa ka Ixmayeli, a n’wana wa Netaniya, andzhako ka loku a dele Gedhaliya,+ a n’wana wa Ahikamu. Va no wuya ni vavanuna, ni masochwa, ni vavasati, ni vanana, ni tihosana hi Gibheyoni. 17 Hikwalaho, va no famba va ya tshama ka wutshamu go amukela vapfhumba le Kimhame, kusuhani ni Bhetlehema,+ na va hi ni makungo ya kuya Gibhite+ 18 hi kota ya vaKaldheya. Hakuva va wa va chava hi lezvi Ixmayeli, a n’wana wa Netaniya, a nga daya Gedhaliya, a n’wana wa Ahikamu, loyi a hosi ya Bhabhuloni yi nga mu yimisile kasi a fumela tiko.+

42 Vontlhe a varangeli va butho, na Johanani,+ a n’wana wa Kareya, na Jezaniya, a n’wana wa Hoxaya, ni vanhu vontlhe, kusukela ka loyi wa mutsongwani kala ka loyi wahombe, va no tshinela 2 ka muphrofeti Jeremiya, vaku: “Zwana cikombelo ca hina ca ku lava ku mahelwa wuxinji, u hi khongelela ka Jehovha, a Nungungulu wa wena, u khongelela misalela yontlhe, hakuva va tsongwani va seleko cikari ka votala+ kota lezvi u zvi wonako. 3 Jehovha, a Nungungulu wa wena, i wa hi byele a ndlela leyi hi faneleko ku famba hi yona ni lezvi hi faneleko ku maha.”

4 Muphrofeti Jeremiya i no va hlamula, aku: “Ndzi zvi zwile, ndzi ta mu khongelela ka Jehovha, a Nungungulu wa n’wina, kota lezvi mu nga kombela. Ni gihi gezu legi Jehovha a to mu hlamula, ndzi ta mu byela. Ndzi nga ta mu fihlela ne ni gezu gin’we.”

5 Va no hlamula Jeremiya, vaku: “Jehovha i wave kustumunyu wa lisine ni wo tsumbeka ka hina, loku hi nga mahi zvontlhe lezvi Jehovha, a Nungungulu wa wena, a to hi leletela hi ku tirisa wena. 6 Kani zvazvinene kani zvakubiha, hi ta ingisa a gezu ga Jehovha, a Nungungulu wa hina, loyi hi ku rumelako kakwe, kasi hi fela ku kateka hi ku ingisa a gezu ga Jehovha, a Nungungulu wa hina.”

7 Andzhako ka 10 wa masiku, a mhaka ya Jehovha yi nota ka Jeremiya. 8 Hikwalaho, i no vitana Johanani, a n’wana wa Kareya, ni vontlhe a varangeli va butho lava va nga hi zvin’we naye, ni vanhu vontlhe, kusukela ka loyi wa mutsongwani kala ka loyi wahombe,+ 9 a taku kabye: “Jehovha, a Nungungulu wa Izrayeli, loyi mu ndzi rumileko ka yena kasi ku ya wula cikombelo ca n’wina ca ku lava ku mahelwa wuxinji mahlweni kakwe, i ngalo: 10 ‘Loku mu tshama tikweni legi, ndzi ta mu aka ndzi nga mu hohloli, ndzi ta mu byala ndzi nga mu tsuwuli, hakuva ndzi ta mu zwela wusiwana hi kota ya khombo legi ndzi mu vangeleko.+ 11 Mu nga chavi hi kota ya hosi ya Bhabhuloni, leyi mu yi chavako.’+

“‘Mu nga yi chavi’, ku wula Jehovha, ‘hakuva ndzi na n’wina kasi ku mu tlhatlhisa ni ku mu ponisa canjeni ga yona. 12 Ndzi ta mu mahela wuxinji,+ niku yonawu yi ta mu mahela wuxinji, yi mu tlhelisa tikweni ga n’wina.

13 “‘Kanilezvi loku n’wina muku: “Hina hi nga ta tshama tikweni legi!”, mu nga ingisi a gezu ga Jehovha, a Nungungulu wa n’wina, 14 muku: “E! Hina hi taya tikweni ga Gibhite,+ lomu hi to kala hi nga woni a yimpi ne kuzwa kuvhuma ka linanga* kutani ku xaniseka hi ndlala; hi seyo hi to ya hanya kona”, 15 makunu zwanani a mhaka ya Jehovha, n’wina misalela ya Judha. Jehovha wa mabutho, a Nungungulu wa Izrayeli, i ngalo: “Loku mu maha cikanikani ca kuya Gibhite mu ya hanya kona,* 16 a cipadha caleci mu ci chavako ci ta mu kuma kwale tikweni ga Gibhite, ni ndlala yaleyi mu yi chavako yi ta mu landza kala Gibhite, niku mu ta fela kwaseyo.+ 17 Vontlhe a vanhu lava va to maha cikanikani vaya Gibhite va ya hanya seyo, va ta dawa hi cipadha, ni ndlala, ni ntungu.* I hava cikari kabye a to pona kutani ku huluka ka khombo legi ndzi to va nehela.”’

18 “Hakuva Jehovha wa mabutho, a Nungungulu wa Izrayeli, i ngalo: ‘A ku khwatsi hi lezvi a zanga ya mina ni khulo ga mina zvi nga chululiwa hehla ka vahanyi va Jerusalema,+ hizvalezvo, a khulo ga mina gi ta chululiwa hehla ka n’winawu loku muya Gibhite; mu tava ciruko, ni nchumu wo tshisa, mu chepetiwa, mu rukatelwa,+ niku mu nga ta ha tshuka mu gi wona kambe a wutshamu legi.’

19 “Jehovha i mu byelile n’wina misalela ya Judha. Mu ngayi Gibhite. Zvi tiveni khwatsi lezvaku ndzi mu tlharihisile nyamutlha 20 lezvaku a cigoho ca n’wina ci ta mu dayisa.* Hakuva mu ndzi rumile ka Jehovha, a Nungungulu wa n’wina, muku: ‘Hi khongelele ka Jehovha, a Nungungulu wa hina, u hi byela zvontlhe lezvi Jehovha, a Nungungulu wa hina, a to wula, hina hi ta zvi maha.+ 21 Ndzi mu byelile nyamutlha, kanilezvi mu nga ta ingisa a gezu ga Jehovha, a Nungungulu wa n’wina, kutani ku maha lezvi a nga ndzi ruma ku mu byela.+ 22 Hikwalaho, zvi tiveni khwatsi lezvaku mu ta dawa hi cipadha, ni ndlala, ni ntungu ka wutshamu legi mu xuvako ku ya hanya kona.”+

43 A cikhati leci Jeremiya a nga mbheta ku byela vanhu vontlhe tontlhe a timhaka leti ta Jehovha, a Nungungulu wabye, a magezu wontlhe lawa Jehovha, a Nungungulu wabye, a nga mu rumile ku va byela, 2 Azariya, a n’wana wa Hoxaya, na Johanani,+ a n’wana wa Kareya, ni vanhu vontlhe va matshandza, va no byela Jeremiya, vaku: “Lezvi u wulako mawunwa! Jehovha, a Nungungulu wa hina, a nga ku rumangi ku ta hi byela ku: ‘Mu ngayi Gibhite mu ya tshama kona.’ 3 Kanilezvi Bharuke,+ a n’wana wa Neriya, hi yena a ku kucetelako ku hi vhukela kasi hi nyikelwa canjeni ga vaKaldheya hi dawa kutani hi yisiwa wukhumbini Bhabhuloni.”+

4 Hikwalaho, Johanani, a n’wana wa Kareya, ni vontlhe a varangeli va butho, ni vontlhe vanhu va no tsika ku ingisa gezu ga Jehovha ga lezvaku va tshama tikweni ga Judha. 5 Kanilezvi Johanani, a n’wana wa Kareya, ni vontlhe a varangeli va butho va no teka yontlhe misalela ya Judha, leyi yi nga wuyile hi ka matiko wontlhe lawa yi nga hangalasilwe yiya ka wona kasi yi ta hanya tikweni ga Judha.+ 6 Va no teka vavanuna, ni vavasati, ni vanana, ni vanhanyana va hosi, ni vontlhe lava* Nebhuzaradhani,+ a hosana ya vagadhi, a nga va siyile na Gedhaliya,+ a n’wana wa Ahikamu,+ a n’wana wa Xafani,+ zvin’we na muphrofeti Jeremiya na Bharuke, a n’wana wa Neriya. 7 Va noya tikweni ga Gibhite hakuva a va ingisangi a gezu ga Jehovha; va no famba kala va ya chikela Tahpanesi.+

8 A mhaka ya Jehovha yi nota ka Jeremiya le Tahpanesi, yi taku: 9 “Teka maribye ya hombe u ma fihla lomu ka argamasa laha tsendzeleni* wa zvitini, nyangweni ya yindlu ya Faro, le Tahpanesi, mahlweni ka vanhu va ka Judha. 10 Va byele, uku: ‘Jehovha wa mabutho, a Nungungulu wa Izrayeli, i ngalo: “Ndzi ta rumela a nandza ga mina Nebhukadnezare,* a hosi ya Bhabhuloni;+ ndzi ta veka a citshamu cakwe ca wuhosi le hehla ka maribye lawa ndzi ma fihlileko niku i ta gwimba a tenda gakwe ga wuhosi hehla ka wona.+ 11 I tata a ta hlasela tiko ga Gibhite.+ Loyi zvi lavako ku a dawa hi ntungu wu dayako, i ta dawa hi ntungu wu dayako. Loyi zvi lavako ku aya wukhumbini, i taya wukhumbini. Loyi zvi lavako ku a dawa hi cipadha, i ta dawa hi cipadha.+ 12 Ndzi ta lumekela ndzilo lomu tindlwini* ta vanungungulu va Gibhite,+ niku yena i ta ti hisa a tlhela a va khoma vaya wukhumbini. I ta ti fenengeta hi tiko ga Gibhite, a ku khwatsi hi lezvi a murisi a ti fenengetako hi nguwo yakwe niku i ta huma lomo hi kurula.* 13 I ta khungumulela a mapilari ya Bhet-Xemexe* tikweni ga Gibhite a tlhela a hisa a tiyindlu* ta vanungungulu va Gibhite hi ndzilo.”’”

44 Leyi i mhaka yi tileko ka Jeremiya kasi a byela vaJudha vontlhe va nga hanya tikweni ga Gibhite,+ ni lava va nga hanya Migdhole,+ ni le Tahpanesi,+ ni le Nofe,*+ ni tikweni ga Patrosi,+ yi taku: 2 “Jehovha wa mabutho, a Nungungulu wa Izrayeli, i ngalo: ‘Mu gi wonile a khombo gontlhe legi ndzi gi nehileko hehla ka Jerusalema+ ni ka madhoropa wontlhe ya Judha, niku nyamutlha marumbi, a ka ha tshami munhu.+ 3 Lezvo zvi mahekile hi kota ya zvilo zva kubiha lezvi va zvi mahileko kasi va ndzi zangarisa, hi ku famba va maha miphahlo+ ni ku tirela van’wani vanungungulu va nga kala va nga va tivi, ne n’wina hambu vakokwani va n’wina.+ 4 Ndzi no simama ku mu rumelela wontlhe a malandza ya mina, a vaphrofeti, ndzi ma rumela hi kuphindaphinda,* ndziku: “Mu nga mahi a zvilo lezvi zvo nyenyeza, lezvi ndzi zvi vengako.”+ 5 Kanilezvi a va ingisangi kutani ku demba ndleve yabye kasi va hundzuluka kubiheni kabye va nga ha mahi miphahlo ka van’wani vanungungulu.+ 6 Hikwalaho, a khulo ga mina ni zanga ya mina zvi no chululiwa zvi vhura madhoropeni ya Judha ni maruweni ya Jerusalema, ma maha rumbi ni ciwula a ku khwatsi hi lezvi ma nga tshamisa zvona nyamutlha.’+

7 “Makunu Jehovha, a Nungungulu wa mabutho, a Nungungulu wa Izrayeli, i ngalo: ‘Hikuyini mu ti nehelako a khombo ga hombe ha n’wece,* laha ka ku a vavanuna vontlhe, ni vavasati, ni zvivanana, ni tinyamani* va lova cikari ka Judha, ku nga sali munhu ni mun’we ke? 8 Mu wa ta ndzi zangarisela yini hi mitiro ya mandla ya n’wina hi ku maha miphahlo ka van’wani vanungungulu tikweni ga Gibhite lomu mu tileko mu ta hanya kona ke? Mu ta lova muva ciruko mu tlhela mu chepetiwa cikari ka matiko wontlhe ya misava.+ 9 Kasi mu no yi rivala a mitiro ya kubiha ya vakokwani va n’wina, ni mitiro ya kubiha ya tihosi ta ka Judha,+ ni mitiro ya kubiha ya vasati vabye,+ zvin’we ni mitiro ya kubiha ya n’wina wutsumbu, ni mitiro ya kubiha ya vasati va n’wina+ leyi yi mahilweko tikweni ga ka Judha ni lomu maruweni ya Jerusalema ke? 10 Kala nyamutlha a va ti koramisangi* ne hambu ku chava+ kutani ku famba hi nayo wa mina ni zvileletelo zva mina lezvi ndzi zvi vekileko mahlweni ka n’wina ni ka vakokwani va n’wina.’+

11 “Hikwalaho, Jehovha wa mabutho, a Nungungulu wa Izrayeli, i ngalo: ‘Ndzi bohile ku mu nehela khombo kasi ku lovisa a tiko gontlhe ga Judha. 12 Mina ndzi ta khoma a misalela ya Judha, leyi yi nga maha a cikanikani yiya tikweni ga Gibhite yi ya hanya kona, niku yontlhe yi ta lova tikweni ga Gibhite.+ Va ta wisiwa hi cipadha, va lova hi ndlala; kusukela ka loyi wa mutsongwani kala ka loyi wahombe, va ta dawa hi cipadha ni ndlala. Va tava ciruko ni nchumu wo tshisa; va ta chepetiwa va rukatelwa.+ 13 Ndzi ta tsayisa lava va hanyako tikweni ga Gibhite a ku khwatsi hi lezvi ndzi nga tsayisa Jerusalema hi cipadha, ni ndlala, ni ntungu.*+ 14 A misalela ya Judha leyi yi nga famba yi ya hanya tikweni ga Gibhite yi nga ta huluka kutani ku pona kasi yi wuya tikweni ga Judha. Va ta navela ku wuya kasi va ta hanya kona kanilezvi va nga ta wuya. Va tsongwani basi va to pona.’”

15 A vavanuna vontlhe lava va nga zvi tiva lezvaku a vasati vabye va mahile miphahlo ka vanungungulu van’wani, ni vasati vontlhe lava va nga yimile laho va maha ntlawa wa hombe, ni vanhu vontlhe va nga hanya tikweni ga Gibhite+ ni Patrosi,+ va no hlamula Jeremiya, vaku: 16 “Hi nga ta ingisa a mhaka leyi u hi byelileko hi vito ga Jehovha. 17 Kanilezvi, hina hi ta maha zvontlhe lezvi hi wulileko hi minomu ya hina, hi maha miphahlo ka Muzindza wa Tilo* ni ku mu chululela a minyikelo ya zvakunwa+ a ku khwatsi hi lezvi hina, ni vakokwani va hina, ni tihosi ta hina, ni tihosana ta hina hi mahileko madhoropeni ya Judha ni lomu maruweni ya Jerusalema a cikhati leci hi nga haga hi xura zvi hi fambela khwatsi, hi nga woni khombo ni gin’we. 18 Kanilezvi cima hi nyima ku mu mahela miphahlo a Muzindza wa Tilo* ni ku mu chululela minyikelo ya zvakunwa, hi vhumala zvontlhe niku ha lova hi cipadha ni ndlala.”

19 A vavasati va no engeta, vaku: “Kona a cikhati leci hi nga mu mahela miphahlo a Muzindza wa Tilo* ni ku mu chululela a minyikelo ya zvakunwa a hi no vhumelelwa hi vanuna va hina a ku maha tibholu* ta miphahlo ta cifananiso cakwe ni ku mu chululela a minyikelo ya zvakunwa ke?”

20 Jeremiya i no byela vanhu vontlhe, a vavanuna ni vasati vabye, ni vanhu vontlhe lava va nga wulawula naye, aku: 21 “A miphahlo leyi n’wina, ni vakokwani va n’wina, ni tihosi ta n’wina, ni tihosana ta n’wina, ni vanhu va tiko mu yi mahileko madhoropeni ya Judha ni maruweni ya Jerusalema,+ Jehovha i yi alakanyile yi wuya mbilwini yakwe! 22 Jehovha a nga ha zvi kotangi ku timisela a mitiro ya n’wina ya kubiha ni zvilo zvo nyenyeza lezvi mu nga kari mu maha. Hikwalaho, a tiko ga n’wina gi nova ciwula, ni nchumu wo tshisa ni ciruko gi nga ha tshami munhu, kota lezvi mu zvi wonako nyamutlha.+ 23 Kota lezvi mu nga maha miphahlo leyi, ni lezvi mu wonheleko Jehovha hi ku nga ingisi a gezu ga Jehovha, mu nga landzi a nayo wakwe ni zvileletelo zvakwe ni zvikhumbuxeto zvakwe, mu welwe hi khombo legi kota lezvi mu zvi wonako nyamutlha.”+

24 Jeremiya i no engeta a byela vanhu vontlhe ni vavasati vontlhe, aku: “Zwanani a mhaka ya Jehovha, n’wentlhe n’wina vanhu va ka Judha mu nga tikweni ga Gibhite. 25 Jehovha wa mabutho, a Nungungulu wa Izrayeli, i ngalo: ‘Lezvi n’wina ni vasati va n’wina mu nga zvi wula hi minomu ya n’wina, mu zvi tatisile hi mandla ya n’wina, hakuva mu te ngalo: “Kunene hi ta tatisa a zvifungo zva hina zva ku mu mahela a miphahlo a Muzindza wa Tilo* ni ku mu chululela a minyikelo ya zvakunwa.”+ Hakunene n’wina vavasati mu ta tatisa a zvifungo zva n’wina mu maha lezvi mu nga tsumbisa.’

26 “Hikwalaho, zwanani mhaka ya Jehovha, n’wina n’wentlhe va ka Judha mu hanyako tikweni ga Gibhite: ‘“Ndza hlambanya hi vito ga mina ga hombe”, ku wula Jehovha, “lezvaku a ku na munhu wa ka Judha+ tikweni gontlhe ga Gibhite a ha to hlambanya hi vito ga mina, aku: ‘Ndza hlambanya hi Jehovha a hanyako, a Hosi ya Hombe!’+ 27 Makunu ndza va cuwukela kasi ku va nehela khombo, na ku nga hi zvilo zva zvinene.+ Vontlhe a vanhu va ka Judha va nga tikweni ga Gibhite va ta lova hi cipadha ni ndlala kala va mbhela va ku bhi.+ 28 Va tsongwani basi va to pona cipadha va huma tikweni ga Gibhite va tlhela tikweni ga Judha.+ Makunu a misalela yontlhe ya Judha leyi yi tileko ku ta hanya tikweni ga Gibhite yi ta zvi tiva lezvaku i gezu ga mani gi nga tatiseka: Hi legi ga mina kutani hi legi gabye ke!”’”

29 “‘A cikombiso ndzi mu nyikako hi leci’, ku wula Jehovha, ‘ca lezvaku ndzi ta mu tsayisa wutshan’wini legi kasi mu zvi tiva lezvaku a citsumbiso ca mina ca ku mu nehela khombo ci ta tatiseka. 30 Jehovha i ngalo: “Ndzi ta nyikela Faro Hofra, a hosi ya Gibhite, canjeni ga valala vakwe ni lava va hlotako a wutomi* gakwe, a ku fana ni lezvi ndzi nga nyikela Zedhekiya, a hosi ya Judha, canjeni ga Nebhukadnezare,* a hosi ya Bhabhuloni, loyi a nga hi nala wakwe, a nga hlota a wutomi* gakwe.”’”+

45 Leyi i mhaka leyi muphrofeti Jeremiya a nga byela Bharuke,+ a n’wana wa Neriya, a cikhati leci a nga kari a tsala lomu bhukwini a timhaka leti a nga dhitariwa hi Jeremiya,+ hi lembe ga wumune ga Jehoyakimu,+ a n’wana wa Josiya, a hosi ya ka Judha, aku:

2 “Jehovha, a Nungungulu wa Izrayeli, i wula lezvi hi wena Bharuke, aku: 3 ‘U te ngalo: “Yowe, Jehovha i ndzi engetele hlomulo kubayisekeni ka mina! Ndzi karele hi ku keta niku a ndzi kumi wutshamu go humula.”’

4 “Mu byele, uku: ‘Jehovha i ngalo: “Wa zvi wona! Ndzi ta khungumula leci ndzi ci akileko, ndzi tsuwula leci ndzi ci byalileko — tikweni gontlhe.+ 5 Kanilezvi wena wa ti lavela* zvilo zva hombe. Tsika ku zvi lavetela.”’

“‘Hakuva ndzi lava ku neha a khombo hehla ka nyama* yontlhe’,+ ku wula Jehovha, ‘ni kwihi u toya kona ndzi ta ku nyika a wutomi* ga wena kota muphango.’”*+

46 Leyi i mhaka ya Jehovha yi ngata ka muphrofeti Jeremiya kasi a phrofetela matiko:+ 2 Ka Gibhite,+ xungetano hi butho ga Faro Neko,+ a hosi ya Gibhite, loyi a nga hi mbhirini ya congo wa Eufrate, a nga hluliwa le Karxemixe hi Nebhukadnezare,* a hosi ya Bhabhuloni, hi lembe ga wumune ga Jehoyakimu,+ a n’wana wa Josiya, a hosi ya Judha:

 4 Longiselani a mahaxi mu khilela, n’wina vakhileli va mahaxi.

Yimani matshan’wini ya n’wina, na mu bohile makapasete ya n’wina.

Lotani a matlhari ya n’wina mu boha a zvikatawu zva n’wina zva simbi.

 5 ‘Hikuyini ndzi va wonako na va rurumela?

Va tlhelela ndzhako; a tinhenha tabye ti pfotlosilwe.

Va tsutsuma hi kuchava; a tinhenha tabye a ti cuwuki ndzhako.

Ku na ni kuchava matlhelweni wontlhe’, ku wula Jehovha.

 6 ‘Lava va mazambo a va zvi koti ku tsutsuma, ni tinhenha a ti zvi koti ku huluka.

Ndzi ta lovisa dhoropa ni vahanyi va gona.’

 9 Kandzihani, n’wina mahaxi!

Tsutsumisani ku khwatsi mo hlanya, n’wina tikareta!

10 “Legi i siku ga Hosi ya Hombe, Jehovha wa mabutho, a siku ga kuphota, kasi a ti photela ka valala vakwe. A cipadha ci ta khadamula ci xura ci tlhela ci kolwa hi nkhata wabye, hakuva a Hosi ya Hombe, Jehovha wa mabutho, i longisele a muphahlo* tikweni ga n’walungu, kusuhani ni congo wa Eufrate.+

13 Leyi i mhaka leyi Jehovha a nga byela muphrofeti Jeremiya xungetano hi kuta ka Nebhukadnezare,* a hosi ya Bhabhuloni, kasi a ta lovisa a tiko ga Gibhite:+

14 “Yi kaneleni lomu Gibhite, mu yi huwelela le Migdhole.+

Yi huweleleni le Nofe* ni le Tahpanesi.+

15 Hikuyini a vavanuna va n’wina va ntamu va kukuletilweko?

16 Va ti gumula vawa na va tele.

Va byelana ku:

23 Va ta xakatsa a khwati gakwe’, ku wula Jehovha, ‘hambu lezvi gi nge khwatsi a gi ngheneki.

Hakuva va tele nguvhu ku hundza humbi;* i tsandza-vahlayi.

24 A nhanyana wa Gibhite i ta wisiwa tingana.

I ta nyikelwa mandleni ya vanhu va le n’walungu.’+

25 “Jehovha wa mabutho, a Nungungulu wa Izrayeli, i ngalo: ‘Makunu ndzi ta hundzulukela Amoni+ wa le No,*+ na Faro, ni Gibhite, ni vanungungulu vakwe,+ ni tihosi takwe, ina, Faro ni vontlhe lava va mu tsumbako.’+

26 “‘Ndzi ta va nyikela ka lava va hlotako a wutomi* gabye, ka Nebhukadnezare,* a hosi ya Bhabhuloni,+ ni malandza yakwe. Kanilezvi andzhako ka lezvo, ku ta tlhela ku tshama vanhu a ku khwatsi hi kale’, ku wula Jehovha.+

28 Hikwalaho, u nga chavi, wena nandza ga mina Jakobe’, ku wula Jehovha, ‘hakuva ndzi na wena.

47 Leyi i mhaka ya Jehovha yi ngata ka muphrofeti Jeremiya xungetano hi vaFilistiya,+ Faro na a nga se hlasela Gaza. 2 Jehovha i ngalo:

“A mati mata hi le n’walungu.*

Ma ta maha a ndambi ya hombe,

Ma kukuleta a tiko ni zvontlhe zvi nga ka gona,

A dhoropa ni vahanyi va gona.

A vanhu va ta rila,

Vontlhe va hanyako lomu tikweni va taba tihuwa.

 5 Gaza i ta maha pandla.*

Axkeloni i miyetilwe.+

 6 O wena cipadha ca Jehovha!+

U ta nyima rini?

Tlhela cikhwameni ca wena.

Humula, u miyela.

48 Xungetano hi Mowabhi,+ Jehovha wa mabutho, a Nungungulu wa Izrayeli, i ngalo:

“Khombo ga Nebho,+ hakuva i lovisilwe!

Kiriyatayime+ i wisilwe tingana a khomiwa.

A wuchavelo go tiya* gi wisilwe tingana gi hangalaswa.+

 2 A va ha mu dzundzi Mowabhi.

Le Hexbhoni,+ va mu xuxele cikungo ca ku mu wisa:

‘Ngonani hi ta mu lovisa a nga havi tiko.’

 4 Mowabhi i hahlulilwe.

A vanana vakwe va rila.

 5 Va kandziha Luhite na va kari va rila.

Ni le ndzhelelweni wa Horonayime ku zwala a tinyandha ta hlomulo hi kota ya khombo.+

 6 Tsutsumani mu ponisa wutomi* ga n’wina!

Mahisani ku khwatsi mu junipero lomu ciwuleni.

10 I rukatelwe a munhu loyi a mahako a ntiro wa Jehovha na a nga khatali!

I rukatelwe a munhu loyi a nyenyeletako a cipadha cakwe a ku halata nkhata!

12 “‘Hikwalaho, a masiku mata’, ku wula Jehovha, ‘laha ndzi to rumela vanhu va ya va chulula. Va ta va chulula, a zvibya zvabye zvi sala na zvi hi phanga, va tlhela va fayetela a tifuko tabye ta hombe. 13 A vaMowabhi va tawa tingana hi Kemoxe, a ku khwatsi hi lezvi a yindlu ya Izrayeli yi wileko tingana hi Bheteli, loyi va nga mu tsumba.+

14 Hikuyini mu xinyatako, muku: “Hina hi masochwa ya tinhenha, ma longileko kuya kulweni”?’+

Ku wula Hosi, leyi a vito ga yona ku nga Jehovha wa mabutho.+

Va byeleni, muku: ‘Zvi mahisile kuyini ku a nhonga ya ntamu yi tshoveka, a nhonga yo saseka!’

19 Wena muhanyi wa Arowera, yima laha ruweni u cuwuka.+

U wutisa a wanuna loyi a tsutsumako ni wasati loyi a hulukako, uku: ‘Zvini zvi nga maheka?’

20 Mowabhi i wisilwe tingana, a khon’wa hi kuchava.

Banani tinyandha, mu rila.

Huwelelani le Arnoni+ lezvaku Mowabhi i lovisilwe.

21 “A kulamula ku chikele tikweni ga livala,+ niku ku tela Holoni, na Jahaza,+ na Mefaate;+ 22 na Dhibhoni,+ na Nebho,+ na Bhet-Dhiblatayime; 23 na Kiriyatayime,+ na Bhet-Gamula, na Bhet-Meyoni;+ 24 na Keriyote,+ na Bhozra; ni madhoropa wontlhe ya tiko ga Mowabhi, a ya le kule ni ya laha kusuhani.

26 ‘Mu popiseni,+ hakuva i ti kulisile mahlweni ka Jehovha.+

27 Izrayeli i wa nga hi cihlekiso ka wena ke?+

Va nga ta maha nchumu.

A madhavi ya wena yo nyuka ma tsemakanyile bimbi.

Ma navile kala bimbini, kala Jazera.

Ndzi vhalile a vhinyo yi nga ha humi lomu cigowolweni.

I hava a to kandzihetela a mauvha na a kulungela hi kutsaka.

Ku tava ni guwa go kala gi nga hi ga litsako.’”+

34 “‘Ku zwala cirilo Hexbhoni+ kala Eleyale.+

Hambu a mati ya Nimrime ma tapswha.+

Hakuva a tshomba yakwe leyi a yi hlengeleteleko yi ta mbhela.

39 ‘Hi nga wonani lezvi a chavisako zvona! Mu rileleni!

Mowabhi i fularele a ku koyo tingana!

40 “Hakuva Jehovha i ngalo:

‘Hakuva ndzi ta neha ka Mowabhi a lembe ga kutsayiswa kabye’, ku wula Jehovha.

45 ‘Lava va tsutsumako va ta yima na va karele ndzhutini wa Hexbhoni.

46 ‘Khombo ga wena Mowabhi!

A vanhu va Kemoxe+ va lovile.

47 Kanilezvi masikwini yo gumesa ndzi ta hlengeleta a tikhumbi ta Mowabhi’, ku wula Jehovha.

‘A kulamulwa ka Mowabhi ku gumesa laha.’”+

49 Ka vaAmoni,+ Jehovha i ngalo:

“Kasi Izrayeli o kala a nga hi na vana?

A nga na mugi wa tshomba ke?

Hikuyini Malkamu+ a tekileko a tshomba ya Gadhi?+

Kona hikuyini a vanhu vakwe va hanyako madhoropeni ya Izrayeli?”

‘Izrayeli i ta phanga lava va nga mu phanga’,+ ku wula Jehovha.

 3 ‘Rila wena Hexbhoni, hakuva Ayi i lovisilwe!

Banani tihuwa, n’wina zvidhoropana zva Rabha.

Bohani tisakwa.

 6 “‘Kanilezvi hi ndzhako ka cikhati, ndzi ta hlengeleta a tikhumbi ta vaAmoni’, ku wula Jehovha.”

7 Ka Edhomi, Jehovha wa mabutho i ngalo:

“A ka ha hi na wutlhari le Temane?+

A wusungukati ga ginene ga lava va nga ni kupimisisa gi no fuva ke?

A wutlhari gabye gi no bola ke?

 8 Fularelani mu tsutsuma!

Fambani mu ya fihlala lomu kueteni, n’wina vahanyi va Dhedhani!+

10 Kanilezvi ndzi ta phanga Esawu a salisa zvezvi.

12 Hakuva Jehovha i ngalo: “Loku ku hi ku lava va nga kala ku konelwa a kunwa a kopo va fanele kunwa, wena hi wena u to tsikiwa u nga tsayisiwi ke? U nga ta tsikiwa u nga tsayisiwi hakuva u tanwa futsi.”+

13 “Hakuva ndzi hlambanyile hi wutsumbu ga mina”, ku wula Jehovha, “lezvaku Bhozra i tava nchumu wo tshisa,+ ni cihlekiso, ni rumbi, ni ciruko; wontlhe a madhoropa yakwe ma tava marumbi kala kupindzuka.”+

17 “Edhomi i tava nchumu wo tshisa.+ Ni wihi a to hundza hi kona i ta hlamala, aba noti hi kota ya wontlhe makhombo lawa ma mu weleko. 18 A ku khwatsi hi kuhahlulwa ka Sodhoma ni Gomora ni madhoropa ya laha kusuhani nawo”,+ ku wula Jehovha, “a ku na munhu a to tshama kona ne hambu ku aka kona.+

19 “Ku tata a munhu a ta vhukela a wuriselo go rula, a ku khwatsi i nghala+ yi humako khwatini go tlhuma ga Jordhani, kanilezvi hi cikhatanyana ndzi ta mu* maha a mu* tsutsuma. Ndzi ta yimisa loyi a hlawulilweko lezvaku a mu fumela. Hakuva himani a fanako na mina, niku himani a nga phikizanako na mina? Himani murisi a nga yimako mahlweni ka mina?+ 20 Hikwalaho, n’wina vanhu, zwanani a kungo* ga Jehovha hi Edhomi ni lezvi a alakanyelako ku maha a vahanyi va Temane:+

Hakunene a tiyivhana ta ntlhambi ti ta roroviselwa tiya kule.

A wutshamu gabye i ta gi maha ciwula hi kota yabye.+

21 A misava yi tsekatsekile hi guwa ga kuwa kabye.

Ku na ni cirilo!

A guwa gi zwele ni le Bimbini go Pswhuka.+

23 Ka Dhamasku:+

Va nyeka hi kuchava.

Lomu bimbini ku na ni kukarateka ka ku a ku nge ruliswi.

24 Dhamasku i tsemekile hlanha.

I fularele a tsutsuma, kanilezvi i khomilwe hi kuchava.

28 Ka Kedhare+ ni mifumo ya Hazori, leyi Nebhukadnezare,* a hosi ya Bhabhuloni, a nga yi lovisa, Jehovha i ngalo:

30 “Tsutsumani muya kule!

Fambani mu ya fihlala lomu kueteni, n’wina vahanyi va Hazori”, ku wula Jehovha.

“A gi na tivati ne zvikwinyaro; vona va hanya voce.

34 Leyi i mhaka ya Jehovha yi ngata ka muphrofeti Jeremiya xungetano hi Elami,+ kusanguleni ka kufuma ka Zedhekiya, a hosi ya Judha,+ yi taku: 35 “Jehovha wa mabutho i ngalo: ‘Ndzi ta tshova a wura ga Elami,+ a cibuka* ca ntamu wabye. 36 Ndzi ta neha ka Elami a mune wa mimoya ya mune wa matlhelo ya matilo. Ndzi ta va hangalasa ka yontlhe mimoya leyi. A ku na tiko legi lava va hangalakileko le Elami va to kala kuya ka gona.’”

37 “Ndzi ta rurumelisa a vaElami mahlweni ka valala vabye ni mahlweni ka lava va hlotako a wutomi* gabye. Ndzi ta va nehela a khombo, a zanga ya mina yi vhurako”, ku wula Jehovha. “Ndzi ta rumela cipadha ci va landza kala ndzi va lovisa va ku bhi.”

38 “Ndzi ta yimisa a citshamu ca mina ca wuhosi le Elami,+ ndzi lovisa a hosi ni tihosana”, ku wula Jehovha.

39 “Kanilezvi masikwini yo gumesa, ndzi ta hlengeleta a vanhu va khomilweko va Elami”, ku wula Jehovha.

50 Leyi i mhaka yi nga wuliwa hi Jehovha xungetano hi Bhabhuloni,+ xungetano hi tiko ga vaKaldheya, hi nomu wa muphrofeti Jeremiya, aku:

 2 “Huwelelani a mhaka leyi cikari ka matiko, mu yi kanela.

Tlakusani a sinya ya cikombiso, mu kanela mhaka leyo.

Mu nga fihli nchumu!

Wulani muku: ‘Bhabhuloni i khomilwe.+

Bheli i wisilwe tingana.+

Merodhake i chavisilwe.

A zvifananiso zvakwe zvi wisilwe tingana.

A zvifananiso zvakwe zvo nyenyeza* zvi chavisilwe.’

 3 Hakuva ku tile tiko hi le n’walungu* gi ta mu vhukela.+

4 “Masikwini lawo ni cikhatini leco”, ku wula Jehovha, “a vanhu va ka Izrayeli ni vanhu va ka Judha va ta famba zvin’we.”+ Va ta famba na va rila+ va tlhela va mu hlota zvin’we Jehovha, a Nungungulu wabye.+ 5 Va ta wutisela a ndlela ya kuya Ziyoni a tinghohe tabye na ti cuwukile seyo,+ vaku: ‘Ngonani hi ta bohana na Jehovha ka civhumelwano ca pindzukelwa leci ci to kala ci nga rivaliwi.’+ 6 A vanhu va mina va mahile a ntlhambi wa tiyivhu ti lahlekileko.+ A varisi vabye va va pengisile.+ Va va tekile va va yisa zvitsungeni va ya va pepetsekisa lomu zvitsungeni ni lomu ka zvitsungana. Va rivele a wutshamu gabye ga ku humula kona. 7 Vontlhe lava va nga kumana navo va wo va khadamula.+ A valala vabye va te ngalo: ‘A hi na nandzu hakuva va wonhele Jehovha, va wonhele a wutshamu ga kululama ni kutsumba ka vakokwani vabye, Jehovha.’”

10 Kaldheya i ta phangiwa.+

Vontlhe lava va to mu phanga va ta xura”,+ ku wula Jehovha.

12 A mamani wa n’wina i wisilwe tingana.+

Loyi a nga mu pswala i khunguvanyekile.

15 Kanyulukani mu maha guwa ga yimpi mu mu vhukela matlhelweni wontlhe.

I ti nyikele.*

Ti photeleni kakwe.

Mu maheni zvalezvi a nga maha.+

17 “A vanhu va ka Izrayeli tiyivhu ti hangalakileko.+ A tinghala ti va hangalasile.+ A kusangula va khadamulilwe hi hosi ya Asiriya,+ ku landzela Nebhukadnezare,* a hosi ya Bhabhuloni, a kutsa a marambu yabye.+ 18 Hikwalaho, Jehovha wa mabutho, a Nungungulu wa Izrayeli, i ngalo: ‘A hosi ya Bhabhuloni ni tiko ga yona ndzi ta yi tsayisisa zvalezvi ndzi nga yi tsayisisa zvona a hosi ya Asiriya.+ 19 Ndzi ta wuyisa Izrayeli wuriselweni gakwe,+ niku i ta gela Karmeli ni Bhaxani.+ I ta* xura lomu zvitsungeni zva Efrayime+ ni Gileyadhe.’”+

21 “Kandziha u ya dhumela a tiko ga Meratayime ni vahanyi va Pekodhe.+

Va wa hlaselwe va chindziwa va ku bhi”,* ku wula Jehovha.

“Maha zvontlhe lezvi ndzi ku layileko.

23 Zvi mahisile kuyini a ku a hamela leyi yi nga hlasela a misava yontlhe yi tsemiwa yi tlhela yi tshoveletelwa!+

Zvi mahisile kuyini a ku Bhabhuloni ava nchumu wo tshisa cikari ka matiko!+

26 Tanani hi matshan’wini ya le kule mu ta mu vhukela.+

Vhululani a zvihlangala zvakwe.+

Mu wungeleteleni a ku khwatsi tinhulu ta timbewu.

Mu loviseni a ku bhi.*+

Ku nga sali wo sala.

Govani matlhelweni yakwe; mu nga tsiki munhu a huluka.

Mu tlheliseleni hi kuya hi mitiro yakwe.+

Mu maheni zvalezvi a nga maha.+

33 Jehovha wa mabutho i ngalo:

Va ala ku va tlhatlha va famba.+

34 Kanilezvi a Mutlhatlhisi wabye i na ni ntamu.+

A vito gakwe hi Jehovha wa mabutho.+

36 Ku tata cipadha ci ta vhukela a vaphrofeti va mawunwa* niku va ta maha zvilo zva wupumbu.

Ku na ni cipadha ci vhukelako a masochwa yakwe niku ma ta chava.+

Ku na ni cipadha ci vhukelako a titshomba takwe, niku ti ta phangiwa.+

38 Ku tata kulovisa hehla ka mati yakwe niku ma tapswha.+

40 “A ku khwatsi hi lezvi zvi nga maheka a cikhati leci Nungungulu a nga hahlula Sodhoma ni Gomora+ ni madhoropa ya laha kusuhani nawo”,+ ku wula Jehovha, “a ku na munhu a to tshama kona ne hambu ku aka kona.+

42 Va welele mawura ni matlhari.+

Va na ni xapi niku va nga ta zwela wusiwana.+

Va bohene va fola kasi va talwa na wena, wena nhanyana wa Bhabhuloni.+

44 “Ku tata a munhu a ta vhukela a wuriselo go rula, a ku khwatsi i nghala yi humako khwatini go tlhuma ga Jordhani, kanilezvi hi cikhatanyana ndzi ta va maha va mu tsutsuma. Ndzi ta yimisa loyi a hlawulilweko lezvaku a mu fumela.+ Hakuva himani a fanako na mina? Niku himani a nga phikizanako na mina? Himani murisi a nga yimako mahlweni ka mina?+ 45 Hikwalaho, n’wina vanhu, zwanani a kungo* ga Jehovha hi Bhabhuloni+ ni lezvi a alakanyelako ku maha a tiko ga vaKaldheya.

Hakunene a tiyivhana ta ntlhambi ti ta roroviselwa tiya kule.

A wutshamu gabye i ta gi maha ciwula hi kota yabye.+

51 Jehovha i ngalo:

 3 A muphandi wa mipaxa ngha a nga kondli* a wura gakwe.

Ku nga suki a munhu a yima ni cikatawu cakwe ca simbi.

Mu nga ma zweli wusiwana a majaha yakwe.+

Lovisani a butho gakwe gontlhe.

 5 Hakuva Izrayeli na Judha a hi tinoni* ta Nungungulu wabye, Jehovha wa mabutho.+

Kanilezvi a tiko* gabye gi tele hi nandzu kuwoneni ka Loyi a Basileko wa Izrayeli.

Mu nga lovi hi kota ya cigoho cakwe.

Hakuva leci cikhati ca ku Jehovha a ti photela.

O mu tlhelisela lezvi a nga maha.+

 8 Bhabhuloni i wile hi citshuketi, a hahlulwa.+

Mu rileleni!+

Mu laveleni bhalsamu ya ku miyeta kubayisa kakwe, kuzvilava i ta hanya.”

 9 “Hi zamile a ku hanyisa Bhabhuloni, kanilezvi a nga hanyi.

Mu tsikeni, a hi fambeni, a mun’we ni mun’wani aya tikweni gakwe.+

10 Jehovha i hi nehele kululama.+

Tanani hi ta hlawutela a mitiro ya Jehovha, a Nungungulu wa hina, le Ziyoni.”+

11 “Lotani mipaxa;+ tekani a zvitlhangu* lezvi zva redhonda.

Hakuva loku kuphota ka Jehovha, a photelako a tempeli yakwe.

12 Yimisani a sinya ya cikombiso+ ya ku vhukela a mimuro ya Bhabhuloni.

Engetelani ku wonelela, mu yimisa a varindzeli.

Vekani vanhu va juma.

18 Zvo kanganyisa ntsena,+ mitiro ya cihlekiso ntsena.

Laha gi to chikela a siku ga kulamulwa ka zvona, zvi ta lova.

A vito gakwe hi Jehovha wa mabutho.+

Ha wena, ndzi ta lovisa mifumo.

21 Ha wena, ndzi ta chindza a haxi ni mukhileli wa gona.

Ha wena, ndzi ta chindza a kareta ya yimpi ni mukhileli wa yona.

22 Ha wena, ndzi ta chindza a wanuna ni wasati.

Ha wena, ndzi ta chindza a cikhosana ni n’wanana.

Ha wena, ndzi ta chindza a mufana ni nhanyana.

23 Ha wena, ndzi ta chindza a murisi ni ntlhambi wakwe.

Ha wena, ndzi ta chindza a murimi ni zvifuyo zvakwe.

Ha wena, ndzi ta chindza a vagovhernadhori ni tihosana.

27 “Tlakusani a sinya ya cikombiso lomu tikweni.+

Banani a linanga* cikari ka matiko.

Yimisani* a matiko ya ku mu vhukela.

Mu vitaniseleni a mifumo ya Ararate,+ na Mini, na Axkenaze.+

Yimisani musochwa kasi ku khomela vanhu va kulwa naye.

Tisani mahaxi ma ku khwatsi i humbi ya ntamu.

30 A masochwa ya Bhabhuloni ma tsikile kulwa.

Ma tshamile lomu makhokholeni yabye.

A ntamu wabye wu mbhelile.+

Me khwatsi vavasati.+

A tiyindlu takwe ti hisilwe hi ndzilo.

A zvikwinyaro zvakwe zvi tshoveletelwe.+

33 Hakuva Jehovha wa mabutho, a Nungungulu wa Izrayeli, i ngalo:

“A nhanyana wa Bhabhuloni i fana ni wutshamu ga ku hulela kona timbewu.

Ci chikele a cikhati ca ku mu kandzihetela hi ntamu.

Zvezvanyana a cikhati ca kutshovela ci ta chikela kakwe.”

I ndzi hoxile lahasi a ku khwatsi ndzi cibya ca phanga.

I ndzi hoxile.*

35 A tihanyi leti ti mahilweko ka mina ni mirini wa mina ti wave hehla ka Bhabhuloni!’, ku wula muhanyi wa Ziyoni.+

‘Ni nkhata wa mina wu wave hehla ka vahanyi va Kaldheya!’, ku wula Jerusalema.”

36 Hikwalaho, Jehovha i ngalo:

Ndzi ta pswhisa a bimbi gakwe ni tihlowo takwe.+

38 Vontlhe va ta bhonga a ku khwatsi zvinghalana.*

Va ta ngura a ku khwatsi marole ya nghala.”

Zvi mahisile kuyini ku Bhabhuloni ava nchumu wo tshisa cikari ka matiko!

42 Bhabhuloni i talelwe hi bimbi.

I fenengetilwe hi mavingo* ya gona yo tala.

43 A madhoropa yakwe ma tava nchumu wo tshisa, a tiko ga tora ni ga ciwula,

A tiko legi gi to kala ku tshama munhu ne hambu wa ku hundza hi kona.+

45 Humani cikari kakwe, n’wina vanhu va mina!+

Ponisani a wutomi* ga n’wina+ ka zanga yi vhurako ya Jehovha!+

46 Mu nga tsemeki hlanha hambu ku chavisiwa hi mahungu ma to zwala lomu tikweni.

50 N’wina mu to pona cipadha, tsutsumani, mu nga nyimi!+

51 “Hi wisilwe tingana, hakuva hi zwile zviruko.

A guwa ga gezu gabye gi ta zwiwa.

Ina, i ta tlhelisela futsi.+

58 Jehovha wa mabutho i ngalo:

59 Leyi i mhaka leyi muphrofeti Jeremiya a nga leletela Seraya, a n’wana wa Neriya,+ a n’wana wa Maseya, a cikhati leci a nga famba na Zedhekiya, a hosi ya Judha, a Bhabhuloni, hi lembe ga wumune ga kufuma kakwe; Seraya i wa hi yin’we ya tihosana ta hosi. 60 Jeremiya i no tsala lomu bhukwini a khombo gontlhe legi gi nga lava ku wela Bhabhuloni, tontlhe a timhaka leti ti tsalilweko xungetano hi Bhabhuloni. 61 Jeremiya i no tlhela a byela Seraya, aku: “Laha u to ngha u chikela Bhabhuloni, u sangula ku ku wona, lera a timhaka tontlhe leti hi gezu go tlakuka. 62 Wula, uku: ‘O Jehovha, wena u wulile lezvaku a wutshamu legi gi ta lovisiwa, gi sala gi nga hi na muhanyi, ne munhu hambu cihari, ni lezvaku gi tava rumbi kala kupindzuka.’+ 63 Loku u mbhetile ku lera a bhuku legi, gi bohelele a ribye u gi hoxela cikari ka congo wa Eufrate, 64 u gumesa, uku: ‘Hi zvalezvi Bhabhuloni a to rikhisa zvona a nga ha vhuki kambe,+ hi kota ya khombo legi ndzi lavako ku mu nehela; niku va ta rereka.’”+

A timhaka ta Jeremiya ti gumesa laha.

52 Zedhekiya+ i wa hi ni 21 wa malembe a cikhati a nga maha hosi, niku i no fuma 11 wa malembe le Jerusalema. A vito ga mamani wakwe ku wa hi Hamutali,+ a n’wana wa Jeremiya, wa le Libna. 2 I no simama ku maha zvakubiha mahlweni ka Jehovha, a landzela zvontlhe lezvi Jehoyakimu a nga mahile.+ 3 A zvilo lezvi zvi mahekile Jerusalema ni Judha hi kota ya zanga ya Jehovha, kala a va hlongola mahlweni kakwe.+ Zedhekiya i no tsika ku ingisa a hosi ya Bhabhuloni.+ 4 Hi lembe ga wu 9 ga kufuma ka Zedhekiya, hi hweti ya wu 10, hi siku ga wu 10 ga hweti, Nebhukadnezare,* a hosi ya Bhabhuloni, i nota ni butho gakwe gontlhe a ta vhukela Jerusalema. Va no gi govela va gi dhumela, va aka muro wu gi randzela matlhelo wontlhe.+ 5 A dhoropa gi no randzelwa kala ka lembe ga wu 11 ga hosi Zedhekiya.

6 Hi hweti ya wumune, hi siku ga wu 9 ga hweti,+ a ndlala yi wa tshingile nguvhu lomu dhoropeni niku a vanhu va tiko va wa nga hi na zvakuga.+ 7 Hi kugumesa, a muro wa dhoropa wu no bhoxiwa, a masochwa wontlhe ma huma lomu dhoropeni ma tsutsuma ni wusiku hi nyangwa yi nga cikari ka makhurisi mambiri kusuhani ni Jardhim ya hosi, a vaKaldheya na va randzela dhoropa; va no simama hi ndlela ya Arabha.+ 8 Kanilezvi a butho ga vaKaldheya gi no hlongolisela hosi Zedhekiya,+ va ya mu kuma tivaleni ta Jeriko, niku wontlhe a mabutho yakwe ma no mu tsika ma hangalaka. 9 Makunu va no khoma hosi va yi yisa ka hosi ya Bhabhuloni le Ribla, tikweni ga Hamate, niku i no yi nyika tsayiselelo wa yona. 10 A hosi ya Bhabhuloni yi no daya a vana va Zedhekiya na a zvi wona, yi tlhela yi daya a tihosana tontlhe ta Judha, le Ribla. 11 Andzhako ka lezvo, a hosi ya Bhabhuloni yi no bhoxa a matihlo ya Zedhekiya,+ yi mu boha hi machini ya kobre, yi mu yisa Bhabhuloni yi ya mu vhalela kala ka siku legi a ngafa hi gona.

12 Hi hweti ya wutlhanu, hi siku ga wu 10 ga hweti, gi nga hi lembe ga wu 19 ga hosi Nebhukadnezare,* a hosi ya Bhabhuloni, Nebhuzaradhani, a hosana ya vagadhi, loyi a nga hi nandza ga hosi ya Bhabhuloni, i no nghena Jerusalema.+ 13 I no hisa a yindlu ya Jehovha,+ ni yindlu* ya hosi, ni tontlhe a tiyindlu ta Jerusalema, a tlhela a hisa tontlhe a tiyindlu ta hombe. 14 A mimuro leyi yi nga randzele Jerusalema yi no khungumulwa hi butho gontlhe ga vaKaldheya legi gi nga hi ni hosana ya vagadhi.+

15 Nebhuzaradhani, a hosana ya vagadhi, i no khoma a zvisiwana zvo kari ni vanhu lava va nga sele lomu dhoropeni a va yisa wukhumbini. I no khoma ni lava va nga ti nyikele ka hosi ya Bhabhuloni, zvin’we ni vameseri va hombe lava va nga sele.+ 16 Kanilezvi Nebhuzaradhani, a hosana ya vagadhi, i no siya vokari va nga hi zvisiwana nguvhu lomu tikweni kasi va rima zvivhina* ni ku maha mitiro ya cikurumeta.+

17 A vaKaldheya va no fayetela a mapilari ya kobre+ ya yindlu ya Jehovha, ni zvikarinyana,+ ni Bimbi ga kobre,+ lezvi zvi nga hi lomu ndlwini ya Jehovha, va rwala a kobre yontlhe va famba nayo Bhabhuloni.+ 18 Va no tlhela va teka a mabhaketi, ni mafoxola, ni zvigere zva ku tsema hi zvona a titirisido, ni mingelo,+ ni tikopo,+ ni zvontlhe a zvibya zva kobre zvi nga tirisiwa ntirweni wa tempeli. 19 A hosana ya vagadhi yi no teka a tibasiya,+ ni zvibya zva ku woka hi zvona ndzilo, ni mingelo, ni mabhaketi, ni minenge ya tikandiya,+ ni tikopo, ni mingelo. Zvontlhe zvi wa hi zva ouro ni prata ya yinene.+ 20 Xungetano hi mapilari lawa ya mambiri, ni Bimbi, ni 12 wa madhuna ya tihomu ta kobre+ ti nga hi lahasi ka Bimbi, ni zvikarinyana lezvi hosi Solomoni a nga zvi mahele a yindlu ya Jehovha, zvi wa nga koteki ku peza a kobre ya zvibya zvontlhe lezvi hi kutala.

21 Xungetano hi mapilari, a pilari gin’we ni gin’wani gi wa hi ni 18 wa mikono* a kuleha, niku a lingoti la ku pima hi lona la 12 wa mikono li wa ringana ku gi tsondzela khati gin’we;+ a kudziva ka gona ku wa ringana a kuanama ka mune wa titiho,* niku ndzeni ka gona ku wa hi phombori. 22 A hloko ya pilari yi wa hi ya kobre niku a kutlakuka ka hloko ya pilari ku wa ringana ntlhanu wa mikono;+ a tiredhi ni maromã ma nga randzele a hloko ya pilari, zvontlhe zvi wa hi zva kobre. A pilari legi ga wumbiri gonawu gi wa tshamisile zvalezvo, ni maromã ya kona. 23 Ku wa hi ni 96 wa maromã lomu matlhelweni; wontlhe a maromã lawa ma nga randzele a tiredhi ma wa hi 100.+

24 A hosana ya vagadhi yi no khoma kambe na Seraya,+ a hosana ya vapristi, na Zefaniya,+ a mupristi wa wumbiri, ni vagadhi vanharu va tinyangwa.+ 25 Lomu dhoropeni, yi no khoma a mun’we wa vatiri va laha wuhosini, loyi a nga hi komandante wa masochwa, ni 7 wa vanghana va hombe va hosi lava va nga kumiwa lomu dhoropeni, zvin’we ni matsalani wa murangeli wa butho, loyi a nga khomela vanhu lomu tikweni kasi vaya yimpini, ni 60 wa vanhu va lomu tikweni lava va nga ha hi kona lomu dhoropeni. 26 Nebhuzaradhani, a hosana ya vagadhi, i no va khoma a va yisa ka hosi ya Bhabhuloni, le Ribla. 27 A hosi ya Bhabhuloni yi no va daya le Ribla,+ tikweni ga Hamate. Hizvalezvo, Judha i no khomiwa tikweni gakwe a yisiwa wukhumbini.+

28 A vanhu lava Nebhukadnezare* a nga va khoma a va yisa wukhumbini hi lembe ga wu 7 va wa hi 3023 wa vaJudha.+

29 Hi lembe ga wu 18 ga Nebhukadnezare,*+ ku khomilwe 832 wa vanhu* le Jerusalema.

30 Hi lembe ga wu 23 ga Nebhukadnezare,* Nebhuzaradhani, a hosana ya vagadhi, i no khoma a 745 wa vaJudha a va yisa wukhumbini.+

A vanhu* vontlhe lava va nga yisiwa wukhumbini va wa hi 4600.

31 Hi lembe ga wu 37 ga wukhumbi ga Jehoyakina,+ a hosi ya Judha, hi hweti ya wu 12, hi siku ga wu 25 ga hweti, hi lembe legi Evhil-Merodhake a nga maha hosi ya Bhabhuloni, i no tlhatlha* Jehoyakina, a hosi ya Judha, a mu humesa lomu paxweni.+ 32 I no mu mahela wunene, a tlakusa a citshamu cakwe ca wuhosi ci hundza a zvitshamu zva wuhosi zva tihosi leti tin’wani ti nga hi zvin’we naye le Bhabhuloni. 33 Hikwalaho, Jehoyakina i no tlhatlha a tinguwo takwe ta wubochwa niku contlhe cikhati i waga mahlweni ka hosi, wontlhe a masiku ya kuhanya kakwe. 34 Siku ni siku i waga a zvakuga zvi ngata hi ka hosi ya Bhabhuloni, wontlhe a masiku ya kuhanya kakwe, kala a siku legi a ngafa hi gona.