ZVINI ZVI NGA KU VHUNAKO KU HUNGULA STRESS?
Zva koteka a ku hanya na u nga hi na stress
A wutlhari gi nga lomu ka Bhibhiliya gi nga hi vhuna a ku nga ti vangeli a stress co kala cigelo. A hi nge zvi koti a ku mbheta zvontlhe zvi hi vangelako stress ha hoce. Kanilezvi a Muvangi wa hina a nga zvi kota. I yimisile wokari kasi a hi vhuna. A munhu loye hi Jesu Kristu. Lokuloku i ta maha zvilo zvo hlamalisa misaveni yontlhe, zva ku hundza lezvi a zvi mahileko a cikhati a nga hi laha misaveni. Hi cikombiso:
JESU I TA HANYISA VABABYI KOTA LEZVI A ZVI KOMBISILEKO.
“Va no neha kakwe vontlhe lava va nga kari va xaniseka hi mababyi ya tixakaxaka . . . , a ta va hanyisa.” — MATEWU 4:24.
JESU I TA VA NYIKA TIYINDLU NI ZVAKUGA A VANHU VONTLHE.
‘Loku va aka tiyindlu va ta tshama ka tona, ni loku va byala zvivhina va taga mihandzu ya zvona. Va nga ta akela ku kasi van’wani va tshama lomo, va nga ta byalela ku kasi van’wani vaga mihandzu ya kona.’ — ISAYA 65:21, 22.
A MUFUMO WA JESU WA TA NEHA A KURULA NI KU TSHAMISEKA MISAVENI YONTLHE.
‘A masikwini yakwe a wakululama i ta hluka; ni kurula ku ta andza, kala hweti yi ngave kona. I ta fuma kusukela ka bimbi gin’we kala kuya gin’wani, ni kusukela congweni kuya magemeta-musi ya misava. . . . Ni valala vakwe va ta lazva a ntshuri.’ — TISIMU 72:7-9.
JESU I TA FUVISA A KUNGALULAMI
‘I ta zwela wusiwana loyi a hlokisilweko ni muvhumali; a ponisa wutomi ga vavhumali. I ta va tirula kutsimbeketweni ni lomu kuxanisweni.’ — TISIMU 72:13, 14.
JESU I TA FUVISA A KUXANISEKA NI KUFA.
“Ku nga ta hava ni kufa, hambu ni hlomulo, kutani kurila, ni kubayisa.” — KUVHULULELWA 21:4.