Matirisela ya cibhukwana leci

Ka mapajina ma landzelako, u ta kuma mutsalo wa siku gin’we ni gin’wani — ni mitlhamuselo ya wona. Hambu lezvi a mutsalo ni mitlhamuselo ya kona zvi nga gondziwako ni ka cihi cikhati, a votala va zvi wona na zvi vhuna nguvhu a ku gondza ni mixo. Lezvo zvi maha ku va kuma cikhati ca ku ehleketa hi zvona ndzeni ka siku lego. A ku hlola mutsalo kota ngango hi zvona zvi vhunako nguvhu. A mingango ya Bheteli misaveni yontlhe yi hlola mutsalo wa siku ni mixo hi cikhati ca ku fihlula.

A mitlhamuselo ya mitsalo leyo yi susilwe ka tindzima ta Murindzeli (w) ta ku sukela Abril wa 2021 kala Março wa 2022. A tinumero to sangula ti tako andzhako ka lembe ni hweti ya Murindzeli lowo, ti komba pajina kutani mapajina ka Murindzeli lowo; leti ta wumbiri ti komba maparagrafo lawa a mahungu lawo ma nga susiwa ka wona. (Wona cikombiso ca kona lahasi.) A mahungu man’wani ma yelanako ni mhaka leyo yi tlhamuselwako u nga ma kuma ka ndzima ya kona.