KU SANGULA MABHULO
CIGONDZO 6
Tiya hlanha
Tshinya ga nayo: “Hi no tiya hlanha hi ku vhuniwa hi Nungungulu kasi hi mu byela a mahungu ya manene”. — 1 Tes. 2:2.
Zvini lezvi Jesu a nga maha?
1. Sixtira VHIDHIO, kutani lera Luka 19:1-7. Andzhako ka lezvo, ehleketa hi zviwutiso zvi landzelako:
Zvini lezvi kuzvilava zvi nga maha a vanhu vo kari va nyenya Zakewu?
Cini ci nga kuca Jesu lezvaku a mu chumayela a mahungu ya manene?
Hi gondza yini ka cikombiso ca Jesu?
2. Hi fanele ku tiya hlanha kasi hi chumayela a mahungu ya manene ka vanhu vontlhe.
Pimanyisa Jesu
3. Tsumba Jehovha. Hi ku tirisa moya wakwe, Jehovha i vhunile Jesu a ku chumayela hi kutiya-hlanha. Wenawu a nga ku vhuna ku uva ni kutiya-hlanha. (Mat. 10:19, 20; Luka 4:18) Kombela Jehovha lezvaku a ku nyika kutiya-hlanha kasi u chumayela lava u va chavako. — Miti. 4:29.
4. U nga lamuli vanhu. Hi nga tshuka hi chava ku wulawula ni vanhu vo kari hi kota ya lezvi va tshamisileko zvona, hi kota ya lezvi va gondzileko nguvhu kutani va nga ganya, hi kota ya mahanyela yabye kutani hi kota ya wukhongeli gabye. Hambulezvo, alakanya lezvi:
Jehovha na Jesu va zvi wona lezvi zvi nga timbilwini ta vanhu, kanilezvi hina a hi zvi woni.
A hi faneli ku alakanya ku a vanhu vo kari a va nge vhuniwi hi Jehovha.
5. Tiya hlanha kanilezvi kombisa cichavo u tlhela u ti wonela. (Mat. 10:16) U nga holovi ni vanhu. Hi ndlela ya cichavo, gumesa mabhulo ni munhu loyi a kalako a nga zvi lavi ku ingisela a mahungu ya manene kutani loku u wona ku u le mhangweni. — Mav. 17:14.