A MURINZELI WA XIGONZO

Hi nga hlakulela kubonga hi tlhela hi ku hlayisa hi ku ehleketa hi makatekwa lawa hi nga nawo ni ku bonga Jehova hi wona. A kuva ni mbilu yo bonga zi ta hi vuna ku lwisana ni kungabongi ni ku timisela minzhingo. A mutsalo wa hina wa lembe ga 2015 wu ta hi alakanyisa mhaka leyi nzeni ka lembe legi.

A nzima leyi yi hi komba ziku dlunya lezaku hikuyini hi faneleko ku alakanya a kufa ka Jesu. Yi tlhamusela lezi a xibaba ni vinya Xialakanyisweni zi yimelako zona yi tlhela yi komba lezi munhu a zi tivisako zona lezaku i fanele kuga a xibaba ni kunwa vinya ke. A nzima leyi yi ta hi vuna kambe ku wona lezi hi nga ti longiselisako zona na hi nga seya Xilalelweni xa Hosi.

A mipatswa yi chadileko yilwa ni mitshikelelo zinwe ni minzhingo yi yako yi tala. Hambulezo, hi ku vuniwa hi Jehova, za koteka kuva ni wukati go tiya ni go tsaka. A nzima yo sangula yi ta wulawula hi ntlhanu wa zitini za moya za ku aka wukati go tiya ni go pinzuka zinwe ni semende leyi yi nga tirisiwako kasi ku tlhanganyisa a zitini lezo. A ya wumbiri yi ta wulawula hi lezi hi nga tiyisisako zona a ziseketelo za moya za wukati.

A liranzo la lisine xikari ka wanuna ni wasati li tshamisile kuyini? Za koteka kuva ni liranzo li pinzukako? Li kombisiswa kuyini? Gonza lezi a Xizimba xa Solomoni xi hi gonzisako xungetano hi liranzo lo tiya.