Lezi Hi Nga Zi Wulako Hi Marevista

A Sentinela ga 1 ka Jan.

“Xana wa kholwa lezi zi wuliwako laha? [Gonza Jakobe 3:2.] A nzima leyi yi nyika mawonela yo kari ya Biblia kasi ku hi vuna lezaku hi nga tlhavi a ziro za ngango wa hina hi mawulawulela ya hina.” Mu kombe a nzima leyi yi sangulako ka phajina 10.

Despertai! ga Jan.

“A wukati gontlhe gi na ni zikarato. Hi kwihi laha u alakanyako lezaku a mipatswa ya vatekani yi ngaya kona lezaku yi ya kuma a wusungukati go tsumbeka? [Rinzela hlamulo.] Wona a xileletelo lexi xa xi nene nguvu. [Gonza Va Le Efesusi 5:22, 25.] A nzima leyi yi tlhamusela lezaku zi wula yini a kuva wasati a ti veka hasi ka nuna wakwe.” Mu kombe a nzima leyi yi sangulako ka phajina 28.

A Sentinela ga 1 ka Fev.

“Lezi inyamutlha hi nga ni zikarato zo tala, xana u alakanya lezaku za koteka a kuva ni kurula ka lisine ka maalakanyo? [Rinzela hlamulo.] A ku alakanyela hi xitsumbiso xa Biblia xungetano hi wumanziko za vuna vo tala. [Gonza wunwe wa mitsalo yi tshahilweko kutani yi kumbukilweko nzeni ka nzima leyi u ta nga yi kombisa.] A revista legi gi komba lezi a Biblia gi zi wulako xungetano hi lomu hi tako hi kona, a kungo ga wutomi, ni lezi zi ta nga maheka xikhatini xitako.”

Despertai! ga Fev.

“Hi kota ya kuengeteleka ka xitshuketi ka wugevenga, a vanhu vo tala va tizwa na va nga vikelwangi. Xana u alakanya lezaku a siku go kari a zilo zi ta chukwata? [Rinzela hlamulo.] Wona a xiprofeto lexi xo tsakisa xa lomu ka Biblia. [Gonza Tisimu 37:10.] A revista legi gi tlhamusela a xigelo xi fihleleko xa wugevenga gi tlhela gi komba lezi a xikarato lexi xi ta nga gumesisa zona hi kuya hi Biblia.”