Lezi Hi Nga Zi Wulako Hi Marevista

A Sentinela ga 1 ka Janeiro

“Hi mawonela ya wena, xana Nungungulu wa karateka hi kuonhiwa ka wutshamu legi hi hanyako ka gona? [Rinzela hlamulo zonake u gonza Kuvululelwa 11:18.] A nzima leyi yi nyika zigelo zi seketelwako Mitsalweni za kuva ni kutsumba xungetano hi wumanziko ga misava.” Mu kombe a nzima yi nga ka phajina 18.

Despertai! ga Janeiro

“Loku va yimisana ni zikarato, a vanhu vo tala va alakanya lezaku vo tsayiswa hi Nungungulu. Xana wa tshuka u ti zwisa lezo? [Rinzela hlamulo zonake u gonza Jakobe 1:13.] A nzima leyi yi tlhamusela a xibuka xa lisine xa zikarato za hina ni xigelo xa kuva hiva ni kutiyiseka ka lezaku a kubiha ku ta mbhela lokuloku.” Mu kombe a nzima yi sangulako ka phajina 28.

A Sentinela ga 1 ka Fevereiro

“Hi mawonela ya wena, xana a wukhongeli gontlhe ga amukeleka ka Nungungulu? [Rinzela hlamulo.] Hi nga wona a kukarateka loku Jesu a ku kombisileko laha. [Gonza Mateu 15:8, 9.] A nzima leyi yi tlhamusela a ku xana Nungungulu wa ti amukela a tixaka tontlhe ta wukhozeli ke.” Mu kombe a nzima yi nga ka phajina 9.

Despertai! ga Fevereiro

“A zilo zontlhe laha misaveni zi komba lezaku yi mahelwe a ku seketela wutomi. U alakanya lezaku yi lo tumbuluka halahala kutani wa vumela lezaku yi lo pimiselwa hi Muvangi? [Rinzela hlamulo.] A vanhu vo tala va vumela a vesi legi ga Biblia. [Gonza Tisimu 104:24.] A revista legi gi kambisisa a wukustumunyu ga siensia ni ga lomu Mitsalweni ga kuva yi hi ni Muvangi.”