Lezi Hi Nga Zi Wulako Hi Marevista

A Sentinela ga 1 ka Janeiro

“Hi mawonela ya wena, xana a misava yi wa nga tava wutshamu ga chukwana a ku hanya kona loku ku wo khwatsi a vanhu vontlhe va wa lanzela a nayo lowu wa Biblia? [Gonza Va Le Roma 12:18, zonake u rinzela hlamulo.] Makunu-ke, xana wa tshuka u ti wutisa lezaku hikuyini a zikhati zo kari Nungungulu a nga byela vanhu vakwe xikhatini xa kale a kuva valwa tiyimpi? A nzima leyi yi komba a hlamulo wa Biblia wo dlunyateka xungetano hi mhaka leyo.” Mu kombe a nzima leyi yi sangulako ka phajina 13.

Despertai! ga Janeiro

Gonza Mitiro 17:31a, zonake uku: “A ka votala a maalakanyo ya Siku ga Kulamula ma chavisa. Wena ke, u ti zwisa kuyini? [Rinzela hlamulo.] A Biblia gi gonzisa lezaku a Siku ga Kulamula gi ta neha a makatekwa yo tala misaveni. A nzima leyi yi tlhamusela a mhaka leyo.” Mu kombe a nzima leyi yi sangulako ka phajina 10.

A Sentinela ga 1 ka Fevereiro

“A vanhu vo tala va rinzela kuya tilweni loku vafa. Ahati wena, wa zi navela ke? [Rinzela hlamulo.] Wona lezi a Biblia gi zi wulako xungetano hi nchachazelo wu to kumiwa hi vanhu va va nene hi wunyingi ga vona. [Gonza Tisimu 37:29.] A revista legi gi tlhamusela lezi a Biblia gi wulako xungetano hi lava va yako tilweni ni lezi va yako va ya zi maha kwaseyo.”

Despertai! ga Fevereiro

“A ku tlhatlha wukati zi tolovelekile nguvu inyamutlha. Hi mawonela ya wena, xana a mipatswa yo tala ya vatekani ya ranga hi ku alakanyela khwatsi na yi nga se boha a ku tlhatlha wukati? [Rinzela hlamulo, zonake u gonza Mavingu 14:15.] A revista legi gi xaxameta a mune wa zilo lezi a mipatswa ya vatekani yi faneleko ku zi kambisisa loku yi alakanyela a ku tlhatlha wukati.”