Longoloko Wa Mutlhangano Wa Ntiro
Viki Gi Sangulako Hi 11 Ka Fevereiro
Lisimu 168
10 men: Zitiviso za bandla. Hi ku tirisa a mawonela ma kombisiwako ka phajina 8 kutani mikombiso yinwani yi fanelako xipanze xa nwina, kombisa lezi gi nga nyikeliswako zona A Sentinela ga 1 ka Fevereiro ni Despertai! ga Fevereiro.
15 men: Xana U Ngaya U Ya Tira Laha Ku Nga Ni Xilaveko Xa Hombe? Kanelo ni kubhulisana ni vaingiseli wu seketelwako ka A Sentinela ga 15 ka Julho wa 2003, phajina 20. Patsa a mitlhamuselo yi nga lomu ka bhuku Organizados, phajina 111, nzimana 1 kuya ka phajina 112, nzimana 1. Hi kukomisa bhulisana ni vo kari lava va rurileko vaya laha ku nga ni xilaveko xa hombe. Zikarato muni lezi va yimiseneko nazo, niku va zi hlulisile kuyini? Makatekwa muni lawa va ma kumileko?
20 men: Vuna Lava Va Ha Hiko Vaswa Lezaku Va Kula Kota Vatireli. Anzhako ka xingheniso xi nga chikeliko ka meneti yinwe, rangela a bhulo ga ziwutiso ni mihlamulo gi seketelwako ka A Sentinela ga 1 ka Dezembro wa 2005, phajina 31, hi ku tirisa a ziwutiso za xigonzo lezi zi nyikilweko. Anzhako ka ku bhulisana hi nzimana 18, maha mukombiso wu kombako a nwinyi wa muti na a ala mahungu a xikhati lexi a xumayelwako hi muhuweleli a ha hiko muswa loyi a tirako zinwe ni muhuweleli a buvileko. A hlamulo wa muhuweleli loyi a ha hiko muswa a wu phahi, niku a nwinyi wa muti i tsema bhulo. Anzhako ka ku suka laha mutini lowo, a muhuweleli loyi a buvileko i dzunza hi matsenya loyi a ha hiko muswa hi kota ya mizamo yakwe, zonake a mu komba lezi a nga gi tirisisako zona a bhuku Raciocínios lezaku xikhatini xi tako a zi kota ku hlamula a magezu lawayani a venyi va miti va tolovelako ku tsema ha wona bhulo.
Viki Gi Sangulako Hi 18 Ka Fevereiro
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo.
10 men: Zilaveko za bandla.
25 men: “A Xikombiso Xa Lezaku Hi Na Ni Kukholwa Ka Hombe!”a Ngha wu vekiwa hi muwoneleli wa ntiro. Hi kugumesa, vuxeta hi ndlela yo xalalisa lezi a bandla gi zi mahileko nzeni ka lembe ga ntiro legi gi hunzileko.
Lisimu 194
Viki Gi Sangulako Hi 25 Ka Fevereiro
10 men: Zitiviso za bandla. Alakanyisa a vahuweleli lezaku va neha a mibiko ya ntiro wa simu ya Fevereiro. Lera a mubiko wa timali ni magezu ya kubonga minyikelo. Kombisa lezi xi nga tirisiswako zona a xirambo xa Xialakanyiso kasi ku ramba xiro xa ngango kutani muakelani.
20 men: “A Hi Alakanyeni A Nzhiho Na Hi Hi Ni Kubonga.”b Ramba lava va nga kona lezaku va tlhamusela a mitsalo leyi yi kumbukilweko, hi laha a xikhati xi vumelako ha kona.
15 men: Ti Longisele Lezaku U Nyikela A Marevista Lawa Ma Ha Hi Ku Chikelako. Kubhulisana ni vaingiseli. Anzhako ka ku komba lezi zi nga nzeni ka A Sentinela ga 1 ka Março ni Despertai! ga Março, kombela lava va nga kona lezaku va komba a tinzima leti ti nga ha tsakisako vanhu lomu xipanzeni xa nwina va tlhela va wula a ku hikuyini. Ramba lava va nga kona lezaku va wula a timhaka to kari leti va alakanyelako ku maha xingheniso ha tona ti nga lomu ka tinzima leto. Hi xihi a xiwutiso lexi xi nga tirisiwako kasi ku sangula bhulo? Hi wihi mutsalo nzeni ka nzima leyo lowu wu nga ha gonziwako anzhako ka xiwutiso? Hi ku tirisa a mawonela ma nyikilweko, kombisa lezi gi nga nyikeliswako zona A Sentinela ga 1 ka Março ni Despertai! ga Março.
Viki Gi Sangulako Hi 3 Ka Março
Lisimu 223
10 men: Zitiviso za bandla. Vuxeta a timhaka-tshinya ti nga ka kwadru “Zikhumbuxeto Za Xialakanyiso Xa Kufa Ka Jesu.”
20 men: Xana U Nga Sangula A Xigonzo Xa Biblia Hi Março? Kubhulisana ni vaingiseli. Nzeni ka hweti ya Março hi ta nyikela a bhuku A Biblia Gi Gonzisako na hi hi ni kungo ga ku sangula a zigonzo za Biblia. Vuxeta a matshamela yo kari yo hlawuleka ya bhuku lego. Tlhamusela lezi hi nga gi nyikelisako zona loku hi vuxela wo kari loyi a kombisileko kutsakela a xikhati lexi hi nga mu nyika a xirambo xa Xialakanyiso, loku hi tlhelela wo kari loyi hi mu nyikileko marevista, ni lezi hi nga gi nyikelisako zona wutirelini ga muti-ni-muti anzhako ka siku ga 22 ka Março. (Wona km 8/07 p. 3; km 3/06 p. 1, nzi. 3; km 1/06 tinz. 3-6.) Ngha ku mahiwa mukombiso wunwe kutani yimbiri.
15 men: Tirisa Biblia A Xikhati Lexi U Hlamulako Ziwutiso. Kanelo ni kubhulisana ni vaingiseli wu seketelwako ka bhuku Escola do Ministério, maphajina 143-4. Patsa a mukombiso wo koma wa muhuweleli wo kari na a mahiwa xiwutiso lexi mu tolovelako ku xizwa lomu xipanzeni xa nwina zonake a tirisa Biblia lezaku a nyika hlamulo.
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti yinwe, ku tlhela ku lanzela a kubhulisana hi ziwutiso ni mihlamulo.
b Ngha a mitlhamuselo ya xingheniso yi nga chikeli ka meneti yinwe, ku tlhela ku lanzela a kubhulisana hi ziwutiso ni mihlamulo.