Longoloko Wa Mutlhangano Wa Ntiro
Viki Gi Sangulako Hi 12 Ka Maio
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo. Hi ku tirisa a mawonela ma kombisiwako ka phajina 4 kutani mikombiso yinwani yi fanelako xipanze xa nwina, kombisa lezi gi nga nyikeliswako zona A Sentinela ga 1 ka Maio ni Despertai! ga Maio.
15 men: Ha Zi Kota Ku Yimisana Ni Nzhingo Wunwe Ni Wunwani! Kanelo wu seketelwako ka A Sentinela ga 15 ka Junho wa 2005, maphajina 30-1. Ramba a vahuweleli vo kari lava u sinako u va hlawulile lezaku va tlhamusela lezi Jehova a va vunisileko zona a ku yimisana ni nzhingo wo kari.
20 men: Xana U Nga Zi Kota Kuva Phayona Go Vunetela Nzeni Ka Tihweti Ti Lanzelako? Kubhulisana ni vaingiseli. Vuxeta timhaka ti nga ka maphajina 112-13 nzeni ka bhuku Organizados, u komba lezi zi lavekako ka lava va lavako kuva maphayona yo vunetela. Nyika gezu lava va tirisileko a maferiya ya le ntirweni kasi vava maphayona yo vunetela lezaku va tlhamusela a makatekwa lawa va ma kumileko. Kombela lava va tirileko kota maphayona yo vunetela hi xikhati xa maferiya ya xikola lezaku va tlhamusela lezi a vanwani va va kucisileko zona va tlhela va va vuna. Xana a ntiro wa wuphayona go vunetela wu va vunisile kuyini lezaku va kula hi tlhelo ga moya? Makatekwa muni lawa va ma kumileko? Kuca vontlhe lava va ringanelwako lezaku va alakanyela khwatsi hi ntiro wa wuphayona nzeni ka tihweti ti tako.
Lisimu 187
Viki Gi Sangulako Hi 19 Ka Maio
10 men: Zitiviso za bandla. Vuxeta a Kwadru Ga Ziwutiso.
15 men: Zilaveko za bandla.
20 men: “A Titshomba Leto Ti Ngava Ta Wena!”a Tlhamusela lezi zi lavekako ka lava va lavako kuva maphayona ya xikhati xontlhe, zi kumekako ka bhuku Organizados, maphajina 113-14. Lava va lavako ku sangula ku phayona hi 1 ka Setembro va fanele ku nyikela a xikombelo xabye hi kuhatlisa hi laha zi kotekako ha kona.
Lisimu 206
Viki Gi Sangulako Hi 26 Ka Maio
10 men: Zitiviso za bandla. Lera a mubiko wa timali ni magezu ya kubonga a minyikelo. Alakanyisa a vahuweleli lezaku va neha a mibiko ya ntiro wa simu ya Maio. Hi ku tirisa a mawonela ma kombisiwako ka phajina 4 kutani mikombiso yinwani yi fanelako xipanze xa nwina, kombisa lezi gi nga nyikeliswako zona A Sentinela ga 1 ka Junho ni Despertai! ga Junho.
15 men: “Rwalani A Pingu Wa Mina.”b Loku a xikhati xi vumelela, ramba lava va nga kona lezaku va tlhamusela a mitsalo leyi yi kumbukilweko.
20 men: Lulamiselo Ga Hina Gi Hehukisilweko Go Nyikela Mabhuku. A dota gi ringanelwako gi tlhamusela a timhaka ti nga ka papilo ga Hlengeletano ga 15 ka Outubro wa 1999. Hi kulanzela, ngha a phayona kutani muhuweleli a buvileko a kombisa lezi a mahungu lawo ma nga tirisiswako zona ntirweni wa simu. I fanele ku ti longisela khwatsi. Hi ku tirisa ginwe ga marevista ma ha hi ku chikelako, legi gi ta nga nyikelwa ntirweni wa simu kumbheleni ka viki legi, a muhuweleli i bhulisa a nwinyi wa muti hi mhaka yo kari yi nga nzeni ka yinwe ya tinzima ta revista lego. Hi magumo ka mukombiso, a muhuweleli i ngalo: “Nzi ta ku siyela a revista legi lezaku u ti buza hi ku gonza a nzima leyi zinwe ni tinzima tinwani ti nga nzeni ka gona.” A nwinyi wa muti i bonga a muhuweleli hi kota ya revista lego zonake a muhuweleli a simama hi ku ngalo: “A mabhuku ya hina a ma xavisiwi, kanilezi loku u lava ku maha munyikelo wu tsongwani ka ntiro wa hina wa misava yontlhe wa ku gonzisa a Biblia, nzi ta wu amukela.” A nwinyi wa muti i maha a munyikelo zonake a muhuweleli a mu vumelela ku wu chela hi kukongoma lomu ka vilope yi mahelweko minyikelo ya ntiro wa misava yontlhe.
Lisimu 169
Viki Gi Sangulako Hi 2 Ka Junho
Lisimu 221
10 men: Zitiviso za bandla.
20 men: Lava Va Kholekileko Va Kuma Zikatekiso Zinyingi. (Mav. 28:20) Kanelo ni kubhulisana ni vaingiseli wu vekiwako hi matsalani. Tlhamusela hi kukomisa lezi Jehova a katekisisileko zona a mizamo leyi a bandla gi yi mahileko kasi ku engetela a ntiro wa gona hi Março, Abril, ni Maio, u tlhela u gi bonga. Tivisa a ntsengo wa lava va tirileko kota maphayona yo vunetela, zigonzo za Biblia zi vululweko, ni zilo zinwani za lisima lezi zi mahilweko wutirelini. Kuca lava va nga kona lezaku va hlawutela a matshango ma fambelanako ni Xialakanyiso zinwe ni tsima go nyikela a zirambo. A matshango yo tsakisa ya ntiro wa simu ma nga ha mahelwa mukombiso. Hi kukomisa bhulisana ni vahuweleli vambiri kutani vanharu xungetano hi makatekwa lawa va ma kumileko hi ku tira kota maphayona yo vunetela.
15 men: “Longa Ku Maha Mitiro Yontlhe Yo Saseka.”c Kombela lava va nga kona lezaku va wula a xikhati lexi va ti longiselako ha xona lezaku vaya wutirelini ga muti ni muti niku va zi mahisa kuyini.
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
b Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
c Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.