Longoloko Wa Mutlhangano Wa Ntiro
Viki Gi Sangulako Hi 11 Ka Agosto
10 men: Zitiviso za bandla. Kombela lava va nga kona lezaku va tlhamusela a tinzima ti nga ka marevista lawa ma ha hi ku humako leti ti nga ha tsakisako vanhu lomu xipanzeni xa nwina. Kombela lava va nga kona lezaku va wula a timhaka to kongoma ti nga ka tinzima leti va lavako ku maha xingheniso hi tona. Hi xihi a xiwutiso lexi xi nga mahiwako kasi ku sangula bhulo? Hi wihi mutsalo nzeni ka nzima leyo lowu wu nga ha gonziwako anzhako ka xiwutiso? Maha mikombiso ya lezi a mawonela lawa ma kombisilweko ma nga ha tirisiswako zona.
15 men: Maha Kuranza Ka Nungungulu Na U Nga Tsopetiswi Hi Nchumu. Kanelo wu seketelwako ka “Ngona U Nzi Lanzela,” maphajina 93-4, tinzimana 12-13.
20 men: “Wa Gi Tirisa Khwatsi Ke?”a Bhulisana ni muhuweleli a vileko ni tshango kutiriseni ka ginwe ga matshamela maswa ya A Sentinela ga vanhu vontlhe. A tshango lego gi nga ha mahelwa mukombiso. Ahandle ka lezo, na u ti seketela ka nzimana 2, kombisa lezi kuzilava xi nga sanguliswako zona a xigonzo hi ku tirisa a nzima “O Que Aprendemos de Jesus” ka A Sentinela ga 1 ka Agosto.
Viki Gi Sangulako Hi 18 Ka Agosto
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo. Wulawula hi “Longoloko Wuswa Wa Mutlhangano Wa Xipanze.” Tivisa a siku ga mutlhangano wa xipanze lowu wu lanzelako loku gi tiveka. Alakanyisa lava va nga kona lezaku vata ni A Sentinela ga 1 ka Setembro zinwe ni Despertai! ga Setembro ka Mutlhangano wa Ntiro wa viki gi tako va tlhela va ti longisela kasi ku tlhamusela lezi ma nga nyikeliswako zona lomu xipanzeni xa nwina.
20 men: A Maambalela Ni Kutisasekisa Ka Hina Zi Dzunza Jehova. Kanelo wu vekiwako hi dota. Kota lezi Jehova a nga Nungungulu a basileko, a kubasa ka xiviri xikari ka vanhu vakwe ku fanele ku rangiswa. (Ekso. 30:17-21; 40:30-32) Hi kuva xikombiso xi nene ka kuambala ni kutisasekisa, nguvunguvu wutirelini ga hina, hi tsakisa Jehova hi tlhela hi mu nehela wudzunzo. (1 Ped. 2:12) Hi tlhelo ginwani, a ku nga khatali hi zona, zi wa ta maha lezaku ‘a mhaka ya Nungungulu yi soliwa.’ (Tit. 2:5) Hlawutela a matshango ya lomu xipanzeni kutani ma humesilweko ka mabhuku, lawa ma kombako lezi a kucuwukeka ku nene ka muhuweleli ku nyikisileko zona wukustumunyu.
15 men: Vanhu Vaswa — Mu Vululelwe “A Nyangwa Ya Hombe.” Kanelo wo hiseka wu vekiwako hi muwoneleli wa ntiro wu seketelwako ka A Sentinela ga 15 ka Maio wa 2008, maphajina 20-1 tinzimana 15-20. Gonza a nzimana 17 u tlhela u bhulisana hi yona ni lava va nga kona. Kuca a vanhu vaswa vontlhe lezaku va ti vekela a mixuvo va ta nga yi tatisa ka lembe giswa ga ntiro.
Viki Gi Sangulako Hi 25 Ka Agosto
15 men: Zitiviso za bandla. Lera a mubiko wa timali ni magezu yo bonga a minyikelo. Wulawula hi “Longoloko Wuswa Wa Siku Ga Mutlhangano Wo Hlawuleka,” u tlhela u tivisa a siku ga mutlhangano wo hlawuleka loku gi tiveka.
15 men: Zilaveko za bandla kutani ku vuxeta a timhaka-tshinya ta Gotsovanyano wa Muganga wa 2008.
15 men: Ti Longisele Ku Nyikela A Sentinela ga 1 ka Setembro ni Despertai! ga Setembro. Kubhulisana ni vaingiseli. Hi kukomisa, wulawula hi lezi zi nga nzeni ka marevista u tlhela u wutisa lava va nga kona lezaku hi tihi a tinzima ti nga ha tsakisako a vanhu va lomu xipanzeni. Xiwutiso muni kutani mutsalo wu nga ha tiriswako kasi ku maha xingheniso xa mhaka? Kombisa lezi a zingheniso za xikombiso zi nga ka Wutireli Ga Hina Ga Mufumo zi nga ha tirisiswako zona. Ngha a ginwe ga madota gi maha mukombiso wo koma lowu gi nga wu longisela wu seketelwako ka nzima yi yelanako ni matshamela ya lomu xipanzeni.
isimu 196
Viki Gi Sangulako Hi 1 Ka Setembro
10 men: Zitiviso za bandla. Alakanyisa a vahuweleli lezaku va neha a mibiko ya ntiro wa simu ya Agosto.
20 men: Va Ti Tshamela Voce Kanilezi A Va Rivalwangi. Kanelo wu seketelwako ka A Sentinela ga 15 ka Abril wa 2008, maphajina 25-8. Tirisa a matshinya ya milayo ma nga ka nzima leyo kasi ku kuca a bandla lezaku gi vunetela wihi ni wihi a babyako kutani a tsanzekiswako ku hlengela mitirweni ya bandla hi wubabyi go kari.
15 men: Sangula Xigonzo Xa Biblia Ka Lienzo Lo Sangula Nzeni Ka Setembro. Kubhulisana ni vaingiseli. Hi Setembro hi ta nyikela a bhuku A Biblia Gi Gonzisako hi tlhela hi ti karatela a ku kambisisa tinzimana titsongwani ni nwinyi wa muti ka lienzo lo sangula. Vuxeta a mawonela ma nga ka xiengetelo xa Nosso Ministério do Reino ga Janeiro wa 2006 u tlhela u maha mukombiso munwe kutani yimbiri yo komba ndlela yo sangula a xigonzo xa Biblia ka lienzo lo sangula.
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.