Lezi Hi Nga Zi Wulako Hi Marevista

A Sentinela ga 1 ka Maio

“Xana a tiko gi wa ta ngha gi tshamisile kuyini loku a vanhu vontlhe va wo lanzela a magezu lawa ya Jesu? [Gonza Mateu 7:12, zonake u rinzela hlamulo.] A nzima leyi yi wulawula hi tigonzo to kari ta Jesu kasi ku komba lezi hakunene zi patsekako laha ka kuva muKristu.” Mu kombe a nzima yi sangulako ka phajina 16.

Despertai! ga Maio

“Hi mawonela ya wena, xana a makumela ya za kutihanyisa ma ta hatla ma chukwata? [Rinzela hlamulo.] A votala a va zi tivi lezi a Biblia gi nga hi vunisako zona ka zikhati lezo za zikarato. [Gonza a mutsalo wo kari wu nga nzimeni leyo.] A nzima leyi yi komba lezi a wusungukati ga Biblia gi vunisako zona a ku yimisana ni ziyimo zo nonoha hi ka makumela ya za kutihanyisa.” Mu kombe a nzima yi sangulako ka phajina 18.

A Sentinela ga 1 ka Junho

“A ku hambana ni malembe ma hunzileko, a tichechi to tala inyamutlha a ta ha wulawuli hi xionho. Xana u kholwa lezaku a xionho maalakanyo ya kale ma hunzelweko, kutani i nchumu lowu hi faneleko ku khatala hi wona? [Rinzela hlamulo, zonake u gonza Va Le Roma 5:12.] A revista legi gi komba lezi a Biblia gi zi wulako xungetano hi xionho.”

Despertai! ga Junho

“Zi wonekisa ku khwatsi a wutomi giya gi karata nguvu, a hi zona ke? [Rinzela hlamulo.] A votala va alakanya lezaku a magezu lawa ma tlhamusela a xinwe xa zigelo za kukarata loko ka hombe. [Gonza 2 Timote 3:1.] A revista legi gi tlhamusela lezi a kukarateka ku hi khumbisako zona. Gi tlhela gi hi nyika a mawonela yo kari ya kuva hi ti khoma kukaratekeni loko.”