Lezi Hi Nga Zi Wulako Hi Marevista
A Sentinela ga 1 1 ka Novembro
“Hi mawonela ya wena, xana a tingelosi ta khatala hi lezi hi mahako? [Rinzela hlamulo.] A Biblia gi wula a magezu lawa yo hlamalisa. [Gonza Luka 15:10.] A nzima leyi yi wulawula hi lezi Jesu a nga wula xungetano hi ndlela leyi a zivangwa za moya zi hi khumbisako zona.” Mu kombe a nzima leyi yi sangulako ka phajina 16.
Despertai! ga Novembro
Gonza 2 Timote 3:16, zonake uku: “Xana wa vumela lezaku zontlhe lezi a Biblia gi wulako za tsumbeka? [Rinzela hlamulo.] A nzima leyi yi tlhamusela lezaku kani a zilo za kale lezi zi vevulelweko kutani matimu ya tiko za vumelelana ni lezi a Biblia gi wulako xungetano hi Gipite wa kale.” Mu kombe a nzima yi sangulako ka phajina 15.
A Sentinela ga 1 ka Dezembro
“A vanhu vo tala va kholwa lezaku ku na ni zivangwa zo tlhariha za moya lezi zi rangelako a wutomi ga hina. U zi wonisa kuyini? [Rinzela hlamulo zonake u gonza Kuvululelwa 12:7-9.] A revista legi gi komba lezi a Biblia gi zi wulako xungetano hi zivangwa lezo za moya, lezi zi hi khumbisako zona niku xana hi nga bhula nazo ke.”
Despertai! ga Dezembro
“Wa tshuka u ti wutisa lezaku hikuyini a Khisimuso yi giwako hi 25 ka Dezembro kuveni a Biblia a gi wuli a siku legi Jesu a pswalilweko hi gona? [Rinzela hlamulo.] Maringano ni vesi legi, Jesu i wa nga ta ngha a belekilwe hi xikhati xa xirami. [Gonza Luka 2:8.] A revista legi gi komba lomu a mikhuwo yo kari ya Khisimuso yi tumbulukeleko kona.”