Zitiviso

◼ Mabhuku ma to nyikelwa hi Março: Zini Lezi A Biblia Gi Zi Gonzisako Hakunene? Ti karatele ku sangula zigonzo za Biblia ka lienzo lo sangula. Loku ku hi lezaku a venyi va muti va sina va hi nago a bhuku legi na va nga vumeli a xigonzo xa Biblia, a vahuweleli va nga ha nyikela a revista ga kale kutani broxura gihi ni gihi gi tsakelwako hi munhu loye.

◼ A Xialakanyiso xa Kufa ka Jesu xi ta mahiwa hi Wazina, 5 ka Abril wa 2012. Loku ku hi lezaku a bandla ga nwina gi khoma mitlhangano hi Wazina, yi fanele ku ciciwa yiya ka ginwani siku ka viki galego loku a Salawu ya Mufumo yi nga tiriswi hi vanwani. Loku lezo zi nga koteki, a zipanze za Mutlhangano wa Ntiro lezi zi khumbako nguvu a bandla ga nwina zi nga ha mahiwa ka Mutlhangano wa Ntiro wa viki ginwani.

◼ Ka Mitlhangano ya Ntiro yi tako hi ta wulawula hi tividiyu timbiri ta vaswa, Como Fazer Verdadeiros Amigos? ni O Que Fazer da Minha Vida? Loku zi laveka, kombelani a tividiyu leto hi xihatla hi ku tirisa a bandla.

◼ Hi kota ya ku lava ku hangalasa a mahungu yo saseka ya Mufumo ka vanhu va ‘tixaka tontlhe ni tirimi tontlhe’ kota lezi a Biblia gi zi wulako ka Kuvululelwa 14:6, a Ravi ga Moçambique gi lava timboni ti bapatizilweko leti ti wulawulako, ti gonzako ni ku tsala khwatsi a tirimi ta lomu kaya. Loku u zi tiva ku wulawula, ku gonza ni ku tsala a linwe la tirimi ta lomu kaya, byela a Kometi ya Ntiro ya bandla ga nwina kutani muwoneleli wa nwina wa xipanze. Vona va ta tekela ku byela a ravi.