Zingheniso

Kasi Ku Sangula A Zigonzo Za Biblia Hi Mulongiso Wo Sangula Wa Abril

“A vanhu vo tala va alakanya a kubelekwa ka Jesu, kanilezi hi mawonela ya wena, xana za lisima a ku alakanya a kufa ka Jesu?” Rinzela hlamulo zonake u nyika nwinyi wa muti A Murinzeli wa 1 ka Abril, u tlhela u kambisisa naye a mahungu ma nga ka xihlokwana xa mhaka xo sangula ka phajina 16 ni wunwe wa mitsalo hi wutsongwani ga kona. Maha malulamiselo ya ku mu tlhelela lezaku mu ya kambisisa a xiwutiso xi lanzelako.

A Murinzeli wa 1 ka Abril

“Ku na ni tichechi to tala ti kholwako ti tlhela ti maha zilo zo hambanahambana. Hi mawonela ya wena, xana vontlhe lava va ti wulako maKristu, vova maKristu hakunene? [Rinzela hlamulo.] Hi kuya hi Jesu, a tshamela gi tivekisako a maKristu ya lisine hi legi. [Gonza Johani 13:34, 35.] A revista legi gi wulawula hi ntlhanu wa zilo zi wulilweko hi Jesu lezi zi nga hi vunako ku pola a valanzeli vakwe va lisine.”

Despertai! ga Abril

“Hi lomu ntirweni wa ku enzela mingango. Wa kholwa lezaku a mingango ya yimisana ni zikarato zo tala inyamutlha? [Rinzela hlamulo.] Wona lomu a mingango yo tala yi kumako kona wusungukati gi vunako. [Gonza Tisimu 119:105.] A revista legi gi wulawula hi lezi a mingango yi nga ni vapswali va wumbiri yi yimisanisako zona ni zikarato za yona hi ku lanzela a milayo ya Biblia.