Zingheniso

Kasi ku sangula a zigonzo za Biblia hi Mulongiso wo sangula wa Dezembro

“A kutala ka hina hi tsakela kuva ni mufumo wa wu nene. Hi mawonela ya wena, mufumo muni wu zi kotako ku mbheta a zikarato za vanhu? [Rinzela hlamulo.] Hi nga wona lezi a revista legi gi zi wulako.” Mu nyike a revista ga 1 ka Dezembro zonake mu gonza zinwe a timhaka ti nga ka xihlokwana xa mhaka xo sangula ka phajina 10, mu tlhela mu gonza a mutsalo wunwe hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Dezembro

“Hi tsakela kuzwa mawonela ya wena. Loku u wo zi kota ku mu wutisa nchumu Nungungulu, u wa ta mu wutisa yini? [Rinzela hlamulo.] Jesu i wulile lezaku za fanela a kuva hi hlota mihlamulo ya ziwutiso zi humako mbilwini. [Gonza Mateu 7:7.] A revista legi gi nyika mihlamulo ya Biblia ka ziwutiso lezi za zinharu za lisima.” Mu kombe a ziwutiso lezi zi nga magumo ka phajina 3.

Despertai! ga Dezembro

“Hi ku enzela hi ku wona lezaku a vanhu vo tala va tshama na va karatekile. Xana wenawu wa zi wona lezaku a vanhu va hatlisa nguvu ku luza lihlaza-mbilu masikwana lawa? [Rinzela hlamulo.] A vanhu vo kari va kholwa lezaku hi hanya masikwini ya zikarato lawa ma profetilweko laha ka 2 Timote 3:1. [Gonza] A revista legi gi tlhamusela a ku hikuyini a ku ngavi na lihlaza-mbilu zi nga ni mhango gi tlhela gi hi komba tindlela ta ku hlakulela a lihlaza-mbilu.”