Zingheniso

Mahungu ya Mufumo N.° 38

“Nzi lomu ka tsima gi mahiwako misaveni yontlhe ga ku nyikela mahungu lawa ya lisima. Hi lawa ya wena.”

Xialakanyiso: Kasi zi koteka ku mbheta a xipanze, u nga lehisi a xingheniso xa wena. Hambulezo, u nga tshuka u kuma munhu a kombisako kutsakela ka lisine, na a ha lava ku bhula. Loku lezo zi humelela, u nga ha kombela mawonela yakwe xungetano hi xiwutiso xi nga laha mahlweni, u mu gonzela a hlamulo wa Biblia wu nga lomu nzeni u tlhela u gonza naye a xipanze xo kari xa mahungu ya xiphephana lexi loku a xikhati xi vumela. Na u nga se suka, mu kombe a xiwutiso xi nga laha kaku “Alakanyela lezi” lenzhako ka xiphephana mu tlhela mu boha siku ga ku ya bhula hi xona.

A Murinzeli wa 1 ka Novembro

“Hi mawonela ya wena, hi gihi a wunwa ga hombe ka wontlhe u tshukileko u mazwa xungetano hi Nungungulu? [Rinzela hlamulo.] Hi kuya hi Biblia, Nungungulu i lava lezaku a vanhu va mu tiva ni ku mu tsumba. [Gonza Isaya 41:13.] A revista legi gi paluxa mawunwa manharu yo toloveleka xungetano hi Nungungulu lawa ma mahako vokari zi va karatela ku tshinela kakwe.”

Despertai! ga Novembro

“Hi ku enzelenyene hi ku tiva lezaku a vanhu vo tala va karateka hi ku wona a mahanyela ya vanhu ma nge khwatsi maya ma hahluka. U alakanya lezaku a vanhu vo kala va nga ha ma tivi mahanyela ya ma nene ke? [Rinzela hlamulo.] A Biblia gi wulile kale lezaku a matshamela ya vanhu ni mahanyela ya yabye ma wa ta cica. [Gonza 2 Timote 3:1-5.] A revista legi gi komba lezaku hikuyini a milayo ya mahanyela leyi yi nga lomu ka Biblia yi tsumbekako.”