Zingheniso

Kasi Ku Sangula A Zigonzo Za Biblia Hi Mulongiso Wo Sangula Wa Outubro

“A vanhu va matiko yo hambanahambana va lumbako wukhongeli go tsalangana va khongela siku ni siku. Hi mawonela ya wena, xana Nungungulu wazwa a tlhela a hlamula a mikhongelo yontlhe?” Rinzela hlamulo, zonake u mu nyika A Murinzeli wa 1 ka Outubro. Gonza a timhaka ti nga ka xihlokwana xa mhaka xo sangula ka phajina 30, ni wunwe wa mitsalo yi kumbukilweko laho mu tlhela mu bhulisana hi zona. Mu nyike a marevista, u tlhela u boha naye a siku ga ku mu tlhelela kasi mu ya kambisisa a hlamulo wa xiwutiso xi lanzelako.

A Murinzeli wa 1 ka Outubro

Mu kombe a xifenengeto xa revista, u guma uku: “U nga hlamulisa kuyini a xiwutiso lexi? [Rinzela hlamulo.] Hi nga wona lezi a Biblia gi zi wulako. [Gonza 1 Johani 5:​19.] Hi kuya hi mutsalo lowu, a misava yi fumelwa hi “loyi wa kubiha,” a nga Diabolus. Kanilezi lezo zi vuxa ziwutiso zo kari. Xana Diabolus i tile hi kwihi? Xana Nungungulu i ta mu tsika a fuma kala rini? A revista legi gi komba a mihlamulo ya Biblia ya ziwutiso lezo.”

Despertai! ga Outubro

“Nyamutlha hi enzela a miti kasi ku wulawula ni mingango. Hi mawonela ya wena, hi xihi a xikarato xa hombe lexi a vapswali va yimisanako naxo nyamutlha loku va wundla vana? [Rinzela hlamulo.] A vapswali vo tala va tirisa a wusungukati ga Biblia. Hi xikombiso, a magezu lawa ya wutlhari ma vuna nguvu a xikhati hi layako vana. [Gonza Va Le Efesusi 4:​31.] A revista legi gi komba lezi a wusungukati ga Biblia gi nga vunisako zona a vapswali kukuleni kontlhe ka nwanana, kusukela wuhlangini kala tangeni yo rama.”