Zingheniso

Kasi ku sangula a zigonzo za Biblia hi Mulongiso wo sangula ka Outubro

“A vanhu vo tala va alakanya lezaku ku chikela siku legi Nungungulu a to va lamula hi lezi va zi mahako. Hi mawonela ya wena, hi fanele ku tsaka kutani hi fanele ku rumela hi kuta ka Siku ga Kulamula? [Rinzela hlamulo.] Hi nga wona lezi zi tlhamuselwako laha.” Mu nyike A Murinzeli wa 1 ka Outubro, zonake mu gonza zinwe a timhaka ti nga ka xihlokwana xa mhaka xo sangula ka phajina 16, mu tlhela mu gonza a mutsalo wunwe hi kutsongwani ka kona. Mu nyike marevista, mu tlhela mu boha siku go ta bhula hi xiwutiso xi lanzelako.”

A Murinzeli wa 1 ka Outubro

“Matikweni yo tala, a vavasati va chepetwa ni ku xaniswa. Lexi xi bayisako nguvu kambe hi lezaku a wukhongeli ga kucetela a mhaka leyi. Hi mawonela ya wena, xana Nungungulu wa khatala hi vavasati hakunene? [Rinzela hlamulo.] Wona lezi a Biblia gi byelako vanuna lezaku va hanyisa zona ni vasati vabye. [Gonza Va Le Efesusi 5:28, 29.] A revista legi gi komba mawonela ya Nungungulu xungetano hi vavasati.”

Despertai! ga Outubro

“A vapswali vo tala va lava lezaku a vana vabye va kuma gonziselelo ya yi nene. U alakanya lezaku a vaswa lava va mbhetako xikola nyamutlha va longile ku lwisana ni zikarato za wutomi? [Rinzela hlamulo.] Wona lezi a Biblia gi zi wulako xungetano hi lisima la kukha wutivi ni wutlhari. [Gonza Mutshawuteli 7:12.] A revista legi gi nyika ntlhanu wa mawonela ya ku vuna vanana lezaku va humelela xikoleni.”