Zingheniso

Kasi ku sangula zigonzo za Biblia hi Mulongiso wo sangula wa Outubro

“Hi kari hi enzela vaakelani va hina hi xikhati xo koma kasi ku bhula navo hi mufumo wa wu nene. Xana u alakanya lezaku ni wihi mufumo wu nga kona wu nga zi kota ku fuvisa a zikarato, zo kota tihanyi ni wubihi?” Rinzela hlamulo. Alakanyisa a nwinyi wa muti lezaku ka Mukombelo wa Hosi, Jesu i gonzisile a vapizani vakwe lezaku va kombela a mufumo lowo, ku nga Mufumo wa Nungungulu, lezaku wuta. Mu kombe se nzhako ka Murinzeli wa 1 ka Outubro, u tlhela u kambisisa naye a mahungu ma nga hasi ka xiwutiso xo sangula ni mutsalo wunwe hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Outubro

“Hi lomu ka ku bhula ni vaakelani va hina hi magezu yo tiveka nguvu ya mukhongelo lowu Jesu a gonzisileko a vapizani vakwe. [Gonza Mateu 6:9, 10.] Xana u tshuka uzwa a tlhamuselo wa wu nene wa ku xini a Mufumo wa Nungungulu niku hikuyini Jesu a wu khanyisileko nguvu kugonziseni kakwe? [Rinzela hlamulo.] A revista legi gi komba lezi a Biblia gi zi wulako hi Mufumo wa Nungungulu zinwe ni zilo zokari za zi nene lezi wu to zi neha laha misaveni.”

Despertai! ga Outubro

“Hi kari hi enzela vanhu hi xikhatanyana kasi ku va vuna ku kuma hlamulo wa xiwutiso lexi. [Mu kombe a kapa ya revista.] U alakanya lezaku a munhu i fanele ku ganya kasi ava ni kuhumelela ka lisine? [Rinzela hlamulo.] A Biblia gi komba a mawonela yo ringanisela xungetano hi titshomba. [Gonza Luka 12:15.] Hi kuya hi Biblia, ni wihi munhu a nga zi kota kuva ni kuhumelela ka lisine. A revista legi ga tlhamusela.”