Mianmar

Maphajina 136-137

A wunene gabye gi hlulile a kunonoha ka mina

ZAW BAWM

LEMBE GA KUPSWALIWA 1954

LEMBE GA KUBAPATIZWA 1998

MATIMU Muxavisi wa zo lahla kupima, tlhelo nala wa lisine loyi a mbilu yakwe yi khumbilweko hi wunene ga wuKristu.

A XIKHATI lexi a sati wa mina Lu Mai a nga sangula ku gonza ni Timboni ta Jehova, nzi lo zama tindlela tontlhe kasi ku mu tsikisa. Nzi lo peta mabhuku yakwe xikoti nzi tlhela nzi hlongola Timboni laha kaya.

Hi nzhako ka xikhati, nzi lo sangula ku xavisa zilo zo lahla kupima, lezi hi kugumesa zi nga nzi yisa paxweni. Anzhako ka siku ginwe na nzi hi leyo, Lu Mai i lo nzi rumelela Biblia ni papilo go tiyisa hlana gi nga komba mitsalo ya Biblia. I lo tlhela a nzi rumelela manwani mapapilo ya mitsalo yi akako. Nzi lo tekela ku zi wona lezaku loku nzi wa lanzele wusungukati ga Biblia, na nzi nga zangi nziya paxweni.

Kwale paxweni nzi lo enzelwa hi vanhu vambiri vo kala nzi nga va rinzelangi. A vavanuna lavo, va nga hi Timboni ta Jehova, va lo tlhamusela lezaku va kombelwe hi sati wa mina lezaku va ta nzi tiyisa. Va wa mbhetile masiku mambiri na va enza kasi ku chikela lomu nzi nga hi kona. Lezo zi lo nzi khumba nguvu. A ku na xaka ni ginwe gi nga tshukile gi nzi enzela  —  ntsena a vanhu lava nzi nga va mahele kubiha.

Xikhatanyana nzhako ka lezo, nzi lo ya sika xipitali hi kolera; lezo na nzi nga hi na mali yo xava mimuri. Ka xikhati xalexo, nzi lo amukela mupfhumba munwani wo kala nzi nga mu rinzelangi  —  ku nga Mboni yi nga rumelwe hi sati wa mina. I lo nzi zwela wusiwana, a nzi hakhelela mimuri. Nzi lowa tingana nzi hlambanya lezaku nzi ta maha Mboni ya Jehova. A xikhati nzi nga huma paxweni, anzhako ka ntlhanu wa malembe, nzi lo tatisa xitsumbiso xa mina.

[Tlhamuselo wa mifota ka phajina 4]

Nyamutlha nzi simama nzi tsumbekile ka “xihlambanyo” xa mina hi ku maha zontlhe nzi zi kotako ntirweni wa Jehova