Nzi lo gi ranza nguvu a tiko ga Serra

Phajina 169

LEOA CINDY MCINTIRE

LEMBE GA KUPSWALIWA 1960

LEMBE GA KUBAPATIZWA 1974

MATIMU I tira kota murumiwa kusukela hi 1992. I tirile le Guiné ni Senegal, zalezi i tira le Serra Leoa.

HI MAVIKI mambiri ntsena nzhako ko ngha nzi chikele le Serra Leoa, nzi lo gi ranza nguvu tiko legi. Nzi wa hlamaliswa nguvu hi lezi a vanhu va nga rwalisa zona a zilo zo binza hi tilhoko na va nga ti kombi a ku va binziwa. Hi wa ranzelwe hi zilo zo tsakisa. A vanana va wa hlakana va tlhela va kina lomu maruweni, na vaba mandla va tlhela va gingaginga lahasi hi mikonzo hi ndlela yo tsakisa. A vahanyi va kona, vanhu vo tsaka, vo ranza ku ambala zilo za mivalavala, vo ranza wucenje niku za olova a ku va khumbiwa hi gona.

Lexi nzi xi ranzako nguvu lomu, ku xumayela. A vanhu va le Serra Leoa va tizwa matshanza hi ku amukela vanhu va matiko manwani. Va nyika nguvu xichawo a Biblia ni ku chela kota hi mahungu ya gona. Va tolovela ku nzi ramba mitini yabye. Loku nzi suka laha mutini wabye, a vokari va nzi heleketa kala nzi tsika ruwa. A matshamela lawa ya ma nene ma nzi vuna ku yimisana ni zikarato zi tsongwani, zo kota kukala ka mati ni kutsemeka ka gezi.

Kota lezi nzi nga gwenza, ka zikhati zinwani a vanhu va nzi wutisa lezaku xana a nzi tshuki nzizwa xiwunza ke. Hi lisine, nzi na ni zilo zo tala zo maha laha ka kuza nzi nga salelwi hi xikhati xa kuva ni xiwunza. Nzi hanya wutomi go nanziha.