Zingheniso

Kasi ku sangula zigonzo za Biblia hi Mulongiso wo sangula wa Dezembro

“Hita laha ni mahungu ya ku vuna mingango. A vapswali vo tala va lava lezaku a vana vabye va ranza Nungungulu. U alakanya lezaku a vapswali va nga gonzisa vana vabye a ku maha lezo, kutani a vana va fanele va gonza ha voce ku ranza Nungungulu?” Rinzela hlamulo. Mu kombe seno nzhako ka Murinzeli wa 1 ka Dezembro, u kambisisa naye a mahungu ma nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu bhula siku go ya wulawula hi xiwutiso xi lanzelako.

A Murinzeli wa 1 ka Dezembro

“Hi maha maenzo yo koma kasi ku wulawula hi Nungungulu. Ha zi tiva lezaku munhu ni munhu i na ni mawonela yakwe xungetano hi Nungungulu. U alakanya lezaku a vanhu vo tala va mu wona kota moya wa ntumbuluko ntsena kutani kota munghana a khatalako hi vona? [Rinzela hlamulo.] A vesi legi ga Biblia gi hi komba a kuzwanana loku Nungungulu a lavako lezaku hiva nako naye. [Gonza Jakobe 4:8a] A revista legi gi komba zilo zinharu lezi hi nga mahako kasi hi tizwa hi hi kusuhani na Nungungulu.”

Despertai! ga Dezembro

“Hi mu enzela hi xikhatanyana hi kota ya kukarateka ku nga kona hi kota ya xikarato xa lihanyo xi khumbako vanhu vo tala. Hi kuya hi Hlengeletano ya Lihanyo ya Misava Yontlhe, a mababyi ya mapimo, yo kota kuswihala kutani gome, ma ta wela munhu munwe laha ka mune wa vona ka xikhati xo kari wutomini gabye. U alakanya lezaku a mababyi ya mapimo maya ma khumba vanhu vo tala nguvu ke? [Rinzela hlamulo.] A Biblia ga hi tsumbisa lezaku xikhatini xi tako, hi ta hanya na hi nga hi na mababyi ni kubayisa. [Gonza Kuvululelwa 21:3, 4.] A revista legi gi komba zilo zitsongwani lezi a vanhu vontlhe va faneleko ku zi tiva xungetano hi mababyi ya mapimo.”