Engetela wutlhari ga wena ntirweni wa kuxumayela — Khumba mbilu hi bhuku ‘Tshamani liranzweni la Nungungulu’

HIKUYINI ZI NGA ZA LISIMA: A vanhu va fanele ku gonza milayo ya Jehova va tlhela va hanya hi yona kasi va fela ku mu khozela hi ndlela yi amukelekako. (Isa 2:3, 4) A bhuku ‘Liranzo la Nungungulu’ — gi nga bhuku ga wumbiri hi gi tirisako kasi ku fambisa xigonzo xa Biblia — gi vuna zigonzani ku tiva lezi va nga ma tirisisako zona matshinya ya milayo ya Nungungulu wutomini gabye. (Mah 5:14) Hi fanele ku zama ku khumba mbilu yabye a xikhati lexi hi va gonzisako kasi zi va kuca ku cica mahanyela yabye hi xigelo xi nene. — Ro 6:17.

NDLELA YO KHUMBA MBILU:

• Longisela khwatsi, na u alakanyela lezi zi to vuna xigonzani xa wena. Longisela ziwutiso zi to mu kuca ku wula mawonela yakwe ni lezi a ti zwisako zona hi mhaka leyi mu gonzako. — Mav 20:5; be-T 259 ¶4

• Tirisa makwadru lawa ma nga lomu nzeni ka bhuku kasi ku vuna xigonzani xa wena lezaku xi wona lisima la ku tirisa matshinya ya milayo ya Biblia.

• Ka zilo zi yelanako ni livalo, vuna xigonzani lezaku xi tiva ku ehleketa hi matshinya ya milayo; kanilezi, u nga xi maheli ziboho. — Ga 6:5

• Hlola hi wukheta lezaku ku na ni tshinya go kari legi a xigonzani xa wena xa ha faneleko ku gi tirisa ke, zonake u xi kuca hi ndlela ya yi nene lezaku xi cica mahanyela ya xona hi ku ranza Jehova. — Mav 27:11; Jo 14:31