MAHANYELA YA WUKRISTU

U nga maha yini kasi uva mugondzi wo hiseka wa Bhibhiliya?

Wa zvi lava ku tsumbeka a ku fana na Dhaniyeli loku u kumana ni zviringo? Dhaniyeli i wa gondza Mhaka ya Nungungulu hi kutikarata, a ku patsa ni zviphrofeto zvo eta. (Da 9:2) A ku gondza Mhaka ya Nungungulu hi ku hiseka zvi ta ku vhuna ku simama u tsumbekile. Hi ndlela muni? Zvi ta engetela kukholwa ka wena kaku zvontlhe lezvi Jehovha a tsumbisako zvi ta maheka. (Jox 23:14) Lezvo zvi ta tlhela zvi ku vhuna ku engetela lirandzo la wena hi Nungungulu, leli li to ku kuca ku maha zva kululama. (Lis 97:10) Kanilezvi u fanele ku zvi sangulela kwihi? Wona mawonela ma landzelako.

Dhaniyeli a gondzako a Mhaka ya Nungungulu

Zvini u faneleko ku gondza? A longoloko wu nene wa ku gondza wu patsa ku longisela mitlhangano ya bandla. A kugondza ka Bhibhiliya ka vhiki ni vhiki ku ta ku vhuna nguvhu loku u ti nyika cikhati ca ku kambisisa timhaka u kalako u nga ti zwisisi. Ahandle ka lezvo, a van’wani va hlawula ku gondza nguvhu zviphrofeto zva Bhibhiliya, mihandzu ya moya wa Nungungulu, ntiro wa wurumiwa wa mupostoli Pawule, kutani ku gondza hi zvivangwa zva Jehovha. Loku u pimisa mhaka yo kari u kalako u nga yi zwisisi lomu ka Bhibhiliya yi tsale, u guma u yi kambisisa ka cigondzo ca wena ci to landzela.
U nga ma kuma kwihi a mahungu ya ku gondza? A mawonela man’wani ku ngava ku wona vhidhyu Zvitiro zva ku hlota hi zvona titshomba ta moya. Kasi ku londzowota khwatsi zvitiro lezvo, zama ku pola mufumo wun’we ni wun’wani wa misava yontlhe wu yimelwako hi zvihari zvi nga ka Danieli cipimo 7.
Cikhati muni u faneleko ku mbheta na u gondza? Kasi ku u tiya hi tlhelo ga moya zvi lava ku u gondza hi kukhandzakanya. Kusanguleni u nga ha mbheta cikhati citsongwani kanilezvi hi kufamba ka cikhati u nga ha lehisa loku zvi laveka. A ku gondza Mhaka ya Nungungulu zvi fana ni ku kela titshomba ti fihlilweko; laha u kumako titshomba to tala, uya u zvi lava nguvhu ku kuma tin’wani! (Mav 2:3-6) A lirandzo la wena hi Mhaka ya Nungungulu li ta engetela, niku a ku gondza Bhibhiliya hi kukhandzakanya zvi ta simama ku maha cipandze ca longoloko wa wena. — 1 Pe 2:2.

Kasi ku kuma mawonela ya lezvi u nga mahako kasi ku a cigondzo ci tsakisa, wona Despertai! ga Fevereiro wa 2012, mapha. 18-20.

XANA A ZVIHARI ZVI NGA KA DANIELI CIPIMO 7 ZVI YIMELA YINI?

CIWUTISO CIN’WANI:

Danieli 7:8, 24 i tatisekisile kuyini?

Linanga la litsongwani li nga ni mahlo ni nomu li humako cikari ka leti ta khume li kunulako tinanga tinharu

KA CIGONDZO CI LANDZELAKO:

A zvihari zvi nga ka Kuvululelwa cipimo 13 zvi yimela yini?