Vapswali, vhunani vana va n’wina lezvaku va maha malandza yo tsumbeka ya Jehovha

A vapswali va chavako Jehovha va zvi xuva nguvhu ku wona vana vabye na va maha malandza yo tsumbeka Jehovha. A vapswali va nga vhuna vana vabye a ku maha lezvo hi ku va gondzisa tigondzo ta Bhibhiliya na va ha hi vatsongwani nguvhu. (Dhe 6:7; Mav 22:6) Xana lezvo zvi lava ku u ti karata? Ina, zvi lava zvezvo futsi! Kanilezvi a makatekwa ya kona ya lisima ku hundza kutikarata loku u to ku maha. — 3 Jo 4.

A vapswali va nga gondza zvo tala ka Josefa na Mariya. Lembe ni lembe va waya mubuzweni wa Pasika le Jerusalema hambu lezvi zvi nga lava ku va ti karata zvi tlhela zvi koxa timali. (Lu 2:41) Zvi wonekisa ku khwatsi a ngango wabye wu wa rangisa zvilaveko zva moya. Hi ndlela yo fana, a vapswali inyamutlha va nga rangela vana vabye ndleleni ya yi nene hi ku maha zvontlhe va zvi kotako kasi ku va gondzisa hi magezu ni mitiro yabye. — Lis 127:3-5.

WONA VHIDHYU YI NGE VA LONDZOWOTILE KHWATSI CIKHATI CABYE, U GUMA U HLAMULA ZVIWUTISO LEZVI ZVI LANDZELAKO:

• Jon na Sharon Schiller va simamisile kuyini va rangisa Mufumo na va kari va khatalela ngango wabye?

• Hikuyini a vapswali va faneleko ku gondzisa vana vabye, ni ku va rangela, ni ku va kawuka hi kuya hi titanga tabye?

• A vapswali va nga va longiselisa kuyini vana vabye lezvaku va zvi kota ku hlula zviringo zva kukholwa?

• Zvitiro muni zvi humesiwako hi hlengeletano ya Jehovha u zvi tirisako kasi ku vhuna vana va wena lezvaku va maha vanghana va Jehovha?