Maha cigondzo ca wena wutsumbu ci bhindzula

HIKUYINI ZVI NGA ZVA LISIMA? A cigondzo ca munhu wutsumbu ca Mhaka ya Nungungulu ci hi vhuna “ku tiva a kuanama, ni kuleha, ni kutlakuka, ni kueta” ka lisine. (Efe 3:18) Ca hi vhuna kambe a ku tshama hi nga hi na nandzu ne noda cikari ka tiko legi go biha hi tlhela hi “khoma zvi tiya ka mhaka ya wutomi”. (Flp 2:15, 16) A cigondzo ca munhu wutsumbu ca Mhaka ya Nungungulu ci hi vhumelela a kuhlawula lezvi hi lavako. Zvini hi nga mahako kasi hi vhuneka khwatsi hi ku lera ni ku gondza Bhibhiliya?

MA MAHELA YA KONA:

• Penda mavhesi u tlhela u tsala a manota lomu ka Bhibhiliya legi u gi tirisako kasi ku gondza hi gona, kani ga lomu ka muchini kutani ga ku gandliwa

• Ti mahi a zviwutiso lezvi a cikhati u lerako a Mhaka ya Nungungulu: ‘Hi mani? Zvini? Hi rini? Kwihi? Hikuyini? Hi ndlela muni?’

• Hlota zvontlhe zvi patsekako. Tirisa a zvitiro zva ku hlota hi zvona zvi nga kona, u hlota hi kuya hi hloko mhaka kutani vhesi ga Bhibhiliya

• Ehleketa hi lezvi u lerako kasi u wona lezvi a mahungu lawo ma tirisako zvona ka wena

• Tirisa lezvi u zvi gondzako wutomini ga wena ga siku ni siku. — Luk 6:47, 48

WONA A VHIDHYU SIMAMA KU “KHOMA ZVI TIYA” — HI KU MAHA CIGONDZO CA WENA WUTSUMBU CI BHINDZULA, U GUMESA U HLAMULA ZVIWUTISO LEZVI:

• A vokari va ci tlhamuselisa kuyini a cigondzo ca munhu wutsumbu?

• Hikuyini hi faneleko ku ranga hi ku khongela na hi nga se sangula ku gondza?

• Cini ci to hi vhuna a ku zwisisa khwatsi a zvipandze zvo kari zva Bhibhiliya?

• Timarka muni leti hi nga tirisako ka Bhibhiliya ga hina ga cigondzo?

• Hikuyini a ku ehleketa zvi nga zva lisima loku hi gondza Mhaka ya Nungungulu?

• Hi fanele ku maha yini hi lezvi hi zvi gondzako?