“Susani vanungungulu va matiko”

Jakobe i wa zvi tiva lezvaku Jehovha i lava ku hi khozela yena yece hambu lezvi a nga kala a nga se nyikela nawo xungetano hi ku khozela van’wani vanungungulu. (Ek 20:3-5) Hikwalaho, andzhako ka loku Jehovha a mu byelile lezvaku a tlhela Beteli, Jakobe i leletele vontlhe lava a nga hi navo lezvaku va ti tlhatlhisa ka vanungungulu vabye. Jakobe i no kelela a zvifananiso, a ku patsa ni tiphera leti kuzvilava ti nga hi ni zvitshungulo. (Gen 35:1-4) A zvi kanakanisi lezvaku Jehovha i tsakile nguvhu hi lezvi Jakobe a nga maha.

Masikwini ya hina, hi nga mu khozelisa kuyini Jehovha hi ndlela yo hlawuleka? A nchumu wa lisima hi nga wu mahako ku potsa zvontlhe zvi yelanako ni ku khozela vanungungulu va hava kutani wudhimoni. Lezvo zvi nga patsa ku hoxa ni cihi nchumu ci yelanako ni wudhimoni ni ku hlola khwatsi lezvi hi ti hungatako hi zvona. Hi cikombiso, ti wutise lezvi: Ndza zvi randza ku ti hungata hi mabhuku kutani mafilmi ma kombisako zvilo zvo kota mavhampiro, zvipoka, kutani zvidjusa ke? Ka mahiwa masonika ni wuloyi kota zvilo zvo tsakisa zvo kala zvi nga hi na mhango? Hi fanele ku tshama kule ni zvilo lezvi Jehovha a zvi nyenyako. — Lis 97:10.

WONA A VHIDHYU KANETANI SATHANI, U GUMESA U HLAMULA A ZVIWUTISO LEZVI ZVI LANDZELAKO:

• 

  Zvini zvi nga humelela ka wutomi ga cigondzani ca Bhibhiliya ca ku hi Teresa?

• 

  Hikuyini zvi nga wutlhari a ku lavetela civhuno ka madhota loku zvita ka timhaka ta madhimoni?

• 

  Loku hi lava ku vhikelwa hi Jehovha, zvini hi faneleko ku zvi tsika?

• Zvini lezvi Teresa a nga boha ku zvi maha?

• Lomu cipandzeni ca wena, hi tihi tindlela to kari to potsa mikucetelo ya madhimoni?