Timhaka ta mabhuku ma tako ka Cibhukwana ca Mutlhangano
5-11 KA OUTUBRO
TITSHOMBA TI NGA KA MHAKA YA NUNGUNGULU | EKSODUSI 31-32
“Chava ku khozela zvifananiso”
(Eksodusi 32:1) Makunu laha a vanhu va nga wona lezvaku Mosi wa hlwela ku relela hi le citsungeni, va lo tsombana ka Aroni, vaku kakwe: Nghone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gibhite, a hi zvi tivi lezvi zvi mu humeleleko.
w09 15/5 11 ¶11
Ti karatele ku bhuvha hakuva ‘a siku ga hombe ga Jehovha gi laha kusuhani’
A ku hanya hi lezvi hi zvi gondzako lomu ka Bhibhiliya zvi nga tshuka zvi hi karatela, nguvhunguvhu loku hi kumana ni zvikarato zvo nonoha. Hi cikombiso, cikhatanya ndzhako ka ku Jehovha a tlhatlhisile a vana va ka Izrayeli wukhumbini ga le Gibhite, vona va wa tshama hi ku ‘sola-sola Mosi’, hikwalaho va wa ‘ringa Jehovha’. Ci wa hi cihi a cigelo ca kona? Ku wa hi kuvhumala mati ya kunwa. (Ek. 17:1-4) Na tihweti timbiri ti nga se hundza a vaIzrayeli na va mahile civhumelwano na Jehovha ca ku vhumela ku ingisa ‘timhaka tontlhe leti Jehovha a nga ti wula’, va no guma va hambunyeta a nayo wo basa wa ku nga khozeli zvifananiso. (Ek. 24:3, 12-18; 32:1, 2, 7-9) Xana lezvi Mosi a nga hlwela ku wuya na a ha gondzisiwa le Horebe zvi va chavisile? Va wa alakanya lezvaku a vaAmaleki va wa ta tlhela va va dhumela, kota lezvi Mosi a nga kala a nga hi kona, loyi a nga tlhakusile mawoko kasi va hlula ka khati gi hundzileko. (Ek. 17:8-16) Zvo khwatsi va chavile, kani hi zvona kani a hi zvona, leci hi ci tivako ku a vaIzrayeli ‘va wa ala ku ingisa’. (Mitiro 7:39-41) Pawule i kucile a maKristu lezvaku ma ti ‘tsitsirita’ kasi ma nga ‘weli ka hanyela lego ga ku kala ku ingisa’ legi a vaIzrayeli va nga gi kombisa a cikhati leci va nga chava ku nghena ka tiko gi tsumbisilweko. — Mah. 4:3, 11.
(Eksodusi 32:4-6) I lo zvi amukela, a zvi nyekisa, a zvi vatla hi ndzhemo, ku huma a role ga ndzalama yi nyekisilweko. Zvonake va ku: Hi loyi Nungungulu wa wena, Izrayeli, loyi a ku humesileko tikweni ga Gibhite. 5 Makunu laha Aroni a nga wona lezvo, i lo aka a alati mahlweni ka role; zvonake Aroni i loba hungu, aku ngalo: Mandziko ku tava mubuzo wa Jehovha. 6 Zvonake va lo vhuka ni mixo va maha miphahlo yo hiswa ni miphahlo ya ku khesa. Zvonake va lo tshama lahasi vaga, vanwa, va suka va hlakana.
w12 15/10 25 ¶12
Ingisa Nungungulu kasi u vhuneka hi zvitsumbiso zvakwe
Zvalezvo, Jehovha i lo sangula ku maha cipandze cakwe ka civumelwano ca Nayo hi ku akisa tenda ga wukhozeli a tlhela a yimisa vapristi kasi va vhuna vanhu lezvaku va tshinela kakwe. Kanilezvi, a vaIzrayeli va lo hatlisa va rivala civhumelwano cabye na Nungungulu zvonake “va tsan’wisa Wakubasa wa Izrayeli.” (Tis. 78:41) Hi cikombiso, a cikhati leci Mosi a nga ha nyikiwa zvileletelo zvin’wani Citsungeni ca Sinai, a vaIzrayeli va lo mbhelelwa hi lihlazwa-mbilu va tlhela va luza kukholwa kabye, na va alakanya lezvaku Mosi i va tsikile. Hikwalaho, va lo maha cifananiso ca role hi ndzalama zvonake vaku: “Hi loyi Nungungulu wa wena, Izrayeli, loyi a ku humesileko tikweni ga Gibhite.” (Ekso. 32:1, 4) Andzhako ka lezvo, va lo maha mubuzo va wu vitana ku “mubuzo wa Jehovha,” zvonake va khizama va khozela a cifananiso leco ci mahilweko hi munhu. Laha Jehovha a nga wona lezvo, i te ngalo ka Mosi: “Va hatlisile ku hambuka ndleleni leyi ndzi va leleteleko yona.” (Ekso. 32:5, 6, 8) Kusukela kwalaho, Izrayeli i lo tiveka kota tiko ga ku funga zvilo gi nga mahi. — Mitse. 30:2.
(Eksodusi 32:9, 10) Jehovha i lo wula kambe ka Mosi, aku: Ndzi wonile lava vanhu, lezvaku vanhu va tinhamu to nonoha. 10 Ndzi tsike makunu ndzi va zangarela, ndzi va mbhetisa; zvonake mina ndzi ta maha lixaka la hombe ha wena.
“Himani a yimako na Jehovha?”
A vaIzrayeli va wa zvi tiva lezvaku zvi bihile ku khozela zvifananiso. (Ek 20:3-5) Kanilezvi na zvi nga seya kule va sangulile ku khozela role ga ndzalama. Hambu lezvi va nga kala ku ingisa cileletelo ca Jehovha, va ti kalavele va alakanya lezvaku va ha hi tlhelweni ga Jehovha. Aroni i zile a vitana role lego aku ‘mubuzo wa Jehovha’. Jehovha i mahile yini? I byelile Mosi lezvaku a vanhu va ‘wonhile’ niku va tsikile ndlela leyi a va ‘leleteleko yona’. Jehovha i no zangara nguvhu laha ka kuza a lava ku lovisa vanhu vontlhe.— Eksodhusi 32:5-10.
Kela titshomba ta moya
(Eksodusi 31:17) Cikombiso ca pindzukelwa cikari ka mina ni vanana va ka Izrayeli; hakuva hi ntlhanu wa masiku ni siku gin’we, Jehovha i mahile tilo ni misava, kanilezvi hi siku ga wuntlhanu ni mambiri, i lo tsika ku tira a humula.
“Ku na ni cikhati ca ku tira ni cikhati ca ku humula”
Xana a zvikombiso zvi vekilweko hi Jehovha na Jesu xungetano hi ku tira nguvhu zvi wula lezvaku a hi faneli ku humula? Ne. Jehovha a nga tshuki a karala, hikwalaho a nga na cilaveko ca ku humula. Hambulezvo a Bhibhiliya gi wula lezvaku andzhako ka loku Jehovha a vangile misava ni tilo, ‘i no tsika ku tira a humula’. (Ekso. 31:17) Zvi wonekisa ku lezvo zvi wula ku Jehovha i no nyima ku vanga zvilo a ti nyika cikhati ca ku tsaka hi lezvi a nga zvi vangile. Niku hambu lezvi Jesu a nga tira yi nga chayi a cikhati a nga hi laha misaveni, i wa ti nyika cikhati ca ku humula ni ca ku tshama aga ni vanghana vakwe. — Mat. 14:13; Luka 7:34.
(Eksodusi 32:32, 33) Kanilezi makunu tsetselela kuwonha kabye! Loku zvi nge ngaho, vhinya a vito ga mina legi u gi tsalileko lomu bhukwini ga wena. Jehovha aku ka Mosi: Loye a ndzi goheleko hi yena ndzi ta nga mu susa lomu bhukwini ga mina.
w87 1/9 29
Zviwutiso zva vagondzi
A kuva a vito ga wena gi tsalilwe bhukwini ga wutomi a zvi wuli lezvaku u ta tekela ku kuma wutomi ga pindzukelwa a ku kwatsi hi loku ku hi contrato. Mosi i wutisile lezvi ka Jehovha xungetano hi vaIzrayeli: ‘Makunu u ta tsetselela kuwonha kabye?’ Jehovha a hlamula a ku: ‘Loye a ndzi goheleko hi yena ndzi ta nga mu susa lomu bhukwini ga mina.’ (Eksodusi 32:32, 33) Ina, hambu loku a munhu wokari a hlawulilwe hi Jehovha a vito gakwe gi tsaliwa bhukwini a nga tsuka a nga ingisi kutani ku tsika lisine. Loku lezvo zvi maheka, a vito ga munhu loye gi nga ‘vhinyiwa bhukwini ga wutomi.’ — Kuvhululelwa 3:5.
12-18 KA OUTUBRO
TITSHOMBA TI NGA KA MHAKA YA NUNGUNGULU | EKSODUSI 33-34
“Matshamela ya Jehovha yo tsakisa”
(Eksodusi 34:5) Zvonake Jehovha i lo relela hi refu; Mosi i lo yima kusuhani na yena, a huwelela a vito ga Jehovha.
it-3101
Vito
A zvivangwa zvo woneka zvi wonekelisa a kuvakona ka Nungungulu, kanilezvi a zvi dlunyatisi a vito gakwe. (Lis 19:1; Rom 1:20) A ku tiva ntsena a vito ga Nungungulu a zvi wuli a ku mu tiva khwatsi. (2Kr 6:33) A ku tiva Nungungulu zvi patsa ku tiva a makungu yakwe, mitiro yakwe ni matshamela yakwe lawa ma tsalilweko lomu ka Bhibhiliya. (1Tih 8:41-43; 9:3, 7; ringanisa na Ne 9:10.) Lezvo zvi ti komba khwatsi laha ka ciyimo ca Mosi, loyi a nga mu tiva khwatsi Jehovha ni matshamela yakwe. (Ek 33:12) Mosi i vile ni lungelo ga ku wona a kungangamela ka Jehovha ni kuzwa a “kuhuwelelwa ka vito ga Jehovha. (Ek 34:5) A ku huwelela loko ku wa nga hi ka ku vitana a vito ga Jehovha ntsena, ku wa patsa a ku kumbukiwa ka zvikhundla ni mitiro yakwe. Ku wa ku ngalo: ‘Jehovha, Jehovha, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezvi lava va nga ti soliko hi minandzu leyi va nga nayo a nga va rivaleli; kanilezvi i tsayisa a vanana ni vazukulu kala ku chikela ka cizukulwana ca wunharu ni ca wumune, hi kota ya kuonha ka vapswali vabye.’ (Ek 34:6, 7) Hi ndlela yo fana, a lisimu la Mosi li nga ni magezu lawa: ‘Ndzi ta dhumisa a vito ga Jehovha’, li komba lezvi Jehovha a nga va khatalelisa zvona a vaIzrayeli niku kombisa a matshamela yakwe.— De 32:3-44.
(Eksodusi 34:6) Zvonake Jehovha i lo hundza mahlweni kakwe, na aku: Jehovha, Jehovha, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka.
w09 1/5 18 ¶3-5
Jehovha a wula lezvi a nga zvona hi yece
A co sangula leci Nungungulu a ci tivekisako hi yena ku i ‘Nungungulu wa wuxinji ni tipswalo’. (Vhesi 6) Hi kuya hi tlhari yo kari a gezu ga ku “wuxinji” gi komba lezvaku a wuxinji ga Nungungulu gi komba “wuxinji ga hombe go fana ni legi a papayi a gi kombisako ka vana wakwe”. A gezu gi hundzuluselweko ku “kutsakisa” gi yelana ni verbo yi “kombako lezvi a munhu a ti zwisako zvona loku a lava ku nyika nchumu ka munhu wokari a vhumalako”. Zvi laha kubaseni ku Jehovha i lava lezvaku hi zvi tiva ku wa khatala hi vakhozeli vakwe a ku fana ni lezvi a papayi wokari a khatalisako zvona hi vana vakwe — hi ku va randza ni ku khatalela zvilaveko zvabye. — Tisimu 103:8, 13
Hi ku landzela, Jehovha i wula ku wa “nonoka ku zangara”. (vhesi 6) Jehovha a nga yi hi ku halahala a maha makungo ya ku zangarela malandza yakwe ya laha misaveni. A ku hambana ni lezvo, wa timisela hi hina, ni ku timisela a zvihoxo zva hina a ku patsa ni ku hi nyika kama wa ku hundzuluka ka kubyekelela ka hina ka ku maha zvo biha. — 2 Pedro 3:9.
Jehovha i tlhela aku i ‘tele hi wuxinji ni ku tsumbeka.’ (Vhesi 6) A wuxinji kutani lirandzo la lisine, i tshamela go hlawuleka gi mahako Jehovha ava ni wunghana go tiya ni vanhu vakwe. (Deuteronome 7:9) Jehovha cibuka ca lisine, yena a nga kanganyise niku a nga tshuki a kanganyisiwa hi munhu. Kota lezvi a nga “Nungungulu wa lisine” hi nga zvi tshumba zvontlhe lezvi a wulako, a ku patsa ni zvitsumbiso zvakwe zva cikhati ci tako. — Tisimu 31:5.
(Eksodusi 34:7) Loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezvi lava va nga ti soliko hi minandzu leyi va nga nayo a nga va rivaleli; kanilezvi i tsayisa a vanana ni vazukulu kala ku chikela ka cizukulwana ca wunharu ni ca wumune, hi kota ya kuwonha ka vapswali vabye.
w09 1/5 18 ¶6
Jehovha a wula lezvi a nga zvona hi yece
A lisine lin’wani la lisima leli Jehovha a lavaku ku hi yi tiva ku yena wa tsetselela “munhu wa kubiha, ni wa ku hambunyeta nayo”. (Vhesi 7) Yena i ‘longile ku tsetselela’ a vawonhi va ti solako. (Tisimu 86:5) A nga va woni hi ndlela yo biha a vanhu. Hi tlhelo gin’wani, yena i tlhamusela aku “lava va nga ti soliko hi minandzu leyi va nga nayo a nga va rivaleli”. (Vhesi 7) A Nungungulu wo basa ni wa kululama a nga ta vhumela ku a vawonhi vo kala ku tisola va nga kumi nandzu. Ku ta chikela a cikhati leci va to ti hlamulela hi kota ya minandzu yabye.
Kela titshomba ta moya
(Eksodusi 33:11) Jehovha i lo tshama a wulawula na Mosi, na va cuwukene, khwatsi hi loku a munhu a wulawula ni xaka gakwe. Zvonake Mosi i lo tlhelela wugovelweni; kanilezvi Joxua a n’wana wa Nuni, a nandza gakwe ga jaha, cima i wa nga suki lomu Tendeni.
(Eksodusi 33:20) I lo engeta kambe aku: Cima u nga ta wona a nghohe ya mina; hakuva a ku na munhu loyi a ndzi wonako a hanya.
w04 15/3 27 ¶5
Timhaka-tshinya ta bhuku ga eksodhusi
33:11, 20 — Jehovha i wulawulisile kuyini na Mosi hi ‘ngohe ni ngohe’? A magezu lawa ma komba lezvaku ku wa hi mabhulu ya civiri, Mosi i wa wulawula ni ngilozi ya porta voz ya Nungungulu, niku i wa amukela a zvileletelo zva Nungungulu hi laha ka yona. Hi lisine Mosi a nga mu wonangi Jehovha hakuva ‘a ku na munhu loyi a wonako Nungungulu a tlhela a simama kuhanya’. Hikwalaho, Jehovha wutsumbu a nga wulawulangi na Mosi. Va Le Galatiya 3:19 i wula lezvaku a Nayo “wu no kanelwa hi tingilozi hi canja ga mutlhanganyisi.”
(Eksodusi 34:23, 24) A vavanuna vontlhe cikari ka n’wina va ta ti wonekelisa kanharu hi lembe mahlweni ka Hosi Jehovha, Nungungulu wa Izrayeli. 24 Hakuva ndzi ta hlongola matiko mahlweni ka wena, ndzi kulisa a tiko ga wena; ku nga tava kona a munhu a ta nga mbilukela a tiko ga n’wina, loku mu ya ti wonekelisa kunharu hi lembe mahlweni ka Jehovha, Nungungulu wa wena.
w98 1/9 20 ¶5
Rangisa zvilo zva lisima
Makhati manharu hi lembe a vaIzrayeli ni va proselita va wa fanele ku ingisa a nayo wa ku ya ti wonekelisa mahlweni ka Jehovha. A tihloko to tala ta mingango ti wa famba ni vasati va tona zvin’we ni vana vabye, hakuva va wa zvi tiva lezvaku a cimahakalo leco ci wa ta vhuna ngango wontlhe hi tlhelo ga moya. Kanilezvi himani a nga wa ta sala a wonelela a zvibya zvabye ni masimu yabye ka valala a cikhati leci va ngaya seyo? Jehovha i va tsumbisile lezvi: ‘Ku nga tava kona a munhu a ta nga mbilukela a tiko ga n’wina, loku mu ya ti wonekelisa kunharu hi lembe mahlweni ka Jehovha, Nungungulu wa n’wina’. (Eksodusi 34:24) A vaIzrayeli va wa fanele ku va ni kholwa kasi va tsumba lezvaku va wa nga ta luza a zvilo zwabye loku va rangisa a zvilo zva moya. Xana Jehovha i mahile lezvi a nga zvi tsumbisa? Ina futsi, i zvi mahile!
19-25 KA OUTUBRO
TITSHOMBA TI NGA KA MHAKA YA NUNGUNGULU | EKSODUSI 35-36
“U longile kasi ku maha ntiro wa Jehovha”?
(Eksodusi 35:25, 26) Ni vavasati lava va tlharihileko kulukeni va lo luka hi mandla yabye, zvonake va neha lezvi va lukileko, a zva wukuxe, ni zvo zvirila, ni zvo pswhuka, ni zva wukene go saseka. 26 Vontlhe vavasati lava va vuxilweko lomu timbilwini tabye va lo luka a woya ga timbuti.
Jehovha wa katekisa nguvhu a moya wa kuzvirandza
Leci ci nga mu tsakisa nguvhu Jehovha a hi minyikelo ya kona, kanilezvi i moya wa kuzvirandza lowu wu nga kombiswa hi lava va nga maha lezvo kasi ku seketela a wukhozeli gi basileko. Va tlhelile va kuceka ku tirisa cikhati cabye ni ntamu. A matimu ya kona ma wula lezvi: A “vavasati lava va tlharihileko kulukeni va lo luka hi mandla yabye.” Kunene, “vontlhe vavasati lava va vuxilweko lomu timbilwini tabye va lo luka a woya ga timbuti.” A ku hundza lezvo, Jehovha i lo nyika Bezaleli a “wutlhari, ni kupima, ni ku tiva ku maha mitiro yontlhe.” Kunene, Nungungulu i lo nyika Bezaleli na Oholiaba a wutlhari gi nga laveka kasi ku maha a ntiro wontlhe lowu va nga nyikilwe. — Ekso. 35:25, 26, 30-35.
(Eksodusi 35:30-35) Zvonake Mosi aku ka vanana va ka Izrayeli: Langutani, Jehovha i vitanile hi vito Bezaleli, a n’wana Uri wa Hura, wa lixaka la ka Judha; 31 i mu chelile a moya wa Nungungulu, ni wutlhari, ni kupima, ni ku tiva ku maha mitiro yontlhe; 32 ni ku pola yinw’ani mitiro, ni ku maha mitiro hi ndzalama ni siliva, ni suku; 33 ni ku kehla maribye yo saseka ya tidayimani, ni ku vatla tisinya, ni ku tira mitiro yontlhe ya wumeseri. 34 I nyikile na Oholiaba, n’wana Ahisamaka, wa lixaka la ka Dhani, a wutlhari ga ku gondzisa van’wani. 35 Lava i va nyikile wutlhari kasi va fela ku tira mitiro yo kehla, ni ya wuluki ga zva wukuxe, ni zvo zirila, ni zvo pswhuka, ni zva wukene go saseka, lezvaku kasi va fela ku maha mitiro yontlhe, ni ku pola yin’wani.
w11 15/12 18 ¶6
Vanhu vo tsumbeka va kale lava va rangelweko hi moya wa Nungungulu
A matimu ya Bezaleli ma komba lezvi a moya wa Nungungulu wu nga tirisako zona. (Lera Eksodusi 35:30-35.) Bezaleli i lo hlawulwa lezvaku a rangela ntiro wa ku maha zvibya zva tabhernakeli. Xana a ntiro lowo i wa sina a wu tiva ke? Kuzvilava. Kanilezvi a ntiro wakwe wo gumesa kuve ku maha zvitini zva vaGibhite. (Ekso. 1:13, 14) Makunu, i wa ta wu mahisa kuyini a ntiro lowu wa kukarata ke? Jehovha i lo mu ‘chela a moya wakwe, ni wutlhari, ni kupima, ni ku tiva ku maha mitiro yontlhe; ni ku pola yin’wani mitiro, . . . ni ku tira mitiro yontlhe ya wumeseri.’ Hambu loku ku hi lezvaku Bezaleli i wa sina a wu tiva a ntiro lowu, a moya wa ku basa hi wona wu nga mu vuna a ku wu maha khwatsi. Zvive tano ni ka Oholiaba. Bezaleli na Oholiaba va gondzile a ntiro wabye va buva hakuva va wa patsa ni ku gondzisa van’wani. Nungungulu hi yena a va nyikileko wutlhari ga ku gondzisa.
(Eksodusi 36:1, 2) Bezaleli na Oholiaba, ni vontlhe vameseri vo tlhariha, lava Jehovha a va nyikileko wutlhari ni kupima ni ku tiva ku tira va lota, va ta tira mitiro yontlhe ya wutshamu go basa khwatsi hilezi Jehovha a leleteleko. 2 Zvonake Mosi i lo vitana Bezaleli na Oholiaba, ni vontlhe vameseri, lava Jehovha a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.
w11 15/12 19 ¶7
Vanhu vo tsumbeka va kale lava va rangelweko hi moya wa Nungungulu
A wukustumunyu gin’wani ga lezvaku Bezaleli na Oholiaba va wa rangelwa hi moya wa Nungungulu malembe lawa a zvibya zvabye zvi pindzukileko. Zvi lo tiriswa hi ku hundza 500 wa malembe. (2 Kro. 1:2-6) Kuhambana ni vameseri va nyamutlha, Bezaleli na Oholiaba a va zangi va tsala mavito yabye ka zibya lezvo. A wudzunzo gontlhe gi lo yiswa ka Jehovha. — Ekso. 36:1, 2.
Kela titshomba ta moya
(Eksodusi 35:1-3) Zvonake Mosi i lo tsombanyisa wontlhe hlengeletano wa vanana va ka Izrayeli aku ka vona: A timhaka leti Jehovha a mu leleteleko ku ti maha hi leti: 2 Ku ta tiriwa ntlhanu wa masiku ni gin’we, kanilezvi hi siku ga wuntlhanu ni mambiri gi tava ga kubasa; i sabhadho legi gi basiselweko Jehovha. Kani hi wihi a tirako hi siku lego, i ta dawa. 3 Mu nga dziveli ndzilo lomu tndlwini ta n’wina hi siku ga sabhadho.
w05 15/5 23 ¶14
Tiva tindlela ta Jehovha
Rangisa zvilo zva moya. A vana va ka Izrayeli va wa nga faneli ku vhumelela ku a kutikaratela ku lavetela a zvilo zva nyama zvi va vhalela ku maha mitiro ya moya. A wutomi ga vaIzrayeli gi wa nga faneli ku khegela ka zvilo zvabye zva siku ni siku. Laha ka vhiki, Jehovha i wa hlawulile a siku gin’we a nga gi wona na gi basile, gi nga tirisiwa ka zvilo zvi nga yelana ni wukhozeli ga Nungungulu wa lisine. (Eksodusi 35:1-3; Mitsengo 15:32-36) Lembe ni lembe ku wa yimisiwa a cikhati co hlawuleka kasi ku maha a mutlhangano wu basileko. (Levi 23:4-44) A cigelo ca kona ku wa hi ku va vhulela a mole wa ku alakanya a mitiro ya ntamu wa Jehovha, ku alakanya tindlela takwe ni ku kombisa kubonga hi kota ya wunene gontlhe legi Jehovha a gi kombisileko ka vona. A ku hambana ni ku gondza tindlela ta Jehovha, laha a vaIzrayeli va nga ti wonekelisa ka Jehovha, a lirandzo labye li wo kula. (Deuteronome 10:12, 13) A milayo ya wutlhari yi nga patseka ka gondziselelo leyo ya ha vhuna malandza ya Jehovha ni nyamutlha.— Mahebheru 10:24, 25.
(Eksodusi 35:21) Zvonake munhu ni munhu, lava va vuxilweko timbilwini tabye, ni vontlhe lava va zvi randzako, i lo neha minyikelo yakwe ka Jehovha, kasi yi ta tira a ntiro wa tenda ga mutlhangano, ni zvontlhe zva ntiro wa gona, ni tinguwo ti basileko.
w00 1/11 29 ¶1
A ku hana zvi tisa litsako
Hi nga alakanyela lezvi a vaIzrayeli va nga ti zwisa zvona. A kutala kabye va xanisekile zva cima kota tikhumbi. Va no guma va tlhatlhisiwa va kuma titshomba to tala. Va wa ti zwisa kuyini loku va nyikela zvipandze zvokari zva titshomba leto? Kuzvilava va wa alakanya lezvaku va wa fanele ku tshama ni titshomba tabye. Makunu laha va nga byeliwa lezvaku va fanele ku maha a minyikelo ya ku seketela wukhozeli go basa, va no maha lezvo na va nga feleli. A va rivalangi lezvaku hi Jehovha a nga maha ku zvi koteka ku va kuma titshomba leto. Hi cigelo leco ci nga maha ku va maha minyikelo hi prata yabye, ouro yabye ni zvifuyo zvabye. Va wa maha hi ‘timbilu ta kuzvirandza’. Va wa ‘kuciwa hi timbilu tabye.’ ‘Va wa kuciwa hi moya wabye.’ Hi lisine, va wo maha ‘minyikelo leyo ka Jehovha hi ku zvirandza. — Eksodusi 25:1-9; 35:4-9, 20-29; 36:3-7.
26 KA OUTUBRO – 1 KA NOVEMBRO
TITSHOMBA TI NGA KA MHAKA YA NUNGUNGULU | EKSODUSI 37-38
“Alati ga lomu Tabhernakelini ni ntiro wa gona wukhozelini ga lisine”
(Eksodusi 37:25) Zvonake i lo maha a alati ga libani hi sinya ya munga; a kuleha ka gona ku wa hi nkono mun’we, ni kuanama ka gona ku wa hi nkono mun’we, wontlhe matlhelo ya gona ya mune ma wa ecana a kutlakuka ka gona ku wa hi mikono mimbiri; ni timhondzo ta gona ti wa patsilwe zin’we nago.
it-1 95 ¶5
Alati
Alati ga libani. A alati ga libani (gi tiviwako kambe kota ‘alati ga ouro [Ek 39:38]) gi wa mahiwa hi sinya ya munga niku lomu matlhelweni ya gona gi wa sasekiselwe hi ouro. Gi wa hi ni 44.5 wa ticentimetro hi ku kuaanama lomu matlhelweni gi wa hi ni 89 wa ticentimetro ta ku leha, gi wa hini “timhondzo” ti nga belelwe ka matlhelo ya mune ya le hehla. A tiphera timbhiri ta ouro ti mahilwe kasi ku tlhakula hi tona, na ti bamelwe a ouro, a tiphera leti ti vekilwe hi laha hasi ka barra ya ouro ka matlhelo mambiri ya alati. (Ek 30:1-5; 37:25-28) Ku wa hisiwa a libani ya lisima ka alati legi makhati mambiri hi siku, mixo ni gambo. (Ek 30:7-9, 34-38) Zvi wonekisa ku khwatsi a alati ga libani gi wa tirisiwa zvin’we ni cibya leci va hiselako ka cona libani. (Levi 16:12, 13; Mah 9:4; Kuv 8:5; fananisa na 2 Kro 26:16, 19.) A alati ga libani gi wa tshama lomu cikari ka tabhernakeli, ndzhako ka kortina ga Wutshamu go Basabasa, na gi wuliwa ku gi ‘mahlweni ka arke ga civhumelwano’. — Ek 30:1, 6; 40:5, 26, 27.
(Eksodusi 37:29) I lo maha kambe a mafura ma basileko yo tola, ni libani lo nuhela li hlazekileko, a zvi maha hi wutlhari.
it-2390
Libani
A libani lo basa [lo hlawuleka] li nga yimisilwe ku tirisiwa lomu tabhernakelini li wa mahiwa hi materiyali yo dhura ma nga hlengiwa hi hlengeletano ya vana va ka Izrayeli. (Ek 25:1, 2, 6; 35:4, 5, 8, 27-29) Kasi va zvi kota ku maha khwatsi a libani lelo, Jehovha i byelile Mosi ku: ‘U ta teka a makha yo nuhela ni stakto, ni galbhano, ni lezvi zvo nuhela nguvhu u ta patsa ni makha, u zvi ringanisa zvontlhe hi lipimo lin’we, u maha ha zvona a libani lo nuhela, u mahisa lezvi va mahisako zvona lezvi zvo nuhela, na zvi lungilwe hi munyu, na zvi sasekile, ni ku hlazveka. U ta gaya cipandze ca zvona, u zvi veka mahlweni ka wukustumunyu lomu tendeni ga mutlhangano, laha ndzi ta nga ta tlhangana kona na wena. Ci tava cilo ci basileko nguvhu ka n’wina’. Makunu kasi ku khanyisa a ku hlawuleka ka libani lelo, Jehovha i no engeta a wula lezvi: ‘Kani hi wihi a mahako a yo fana ni leyi, a kuva yi nuhela ka yena, i ta humeswa cikari ka lixaka la ka kabye’.— Ek 30:34-38; 37:29.
(Eksodusi 38:1) Zvonake i lo maha a alati ga miphahlelo ya kuhiswa hi sinya ya munga, a kuleha ka gona ku wa hi ntlhanu wa timetro, ni kuanama ka gona ku wa hi ntlhanu wa timetro; wontlhe matlhelo ya gona ya mune ma wa ecana; a kutlakuka ka gona ku wa hi timetro tinharu.
it-1 95 ¶4
Alati
Maalati ya tabhernakeli. Ka zvileletelo zva maakela ya tabhernakeli, ku wa patseka a maalati mambiri ma nga mahiwa hi ndlela yo hlawuleka. A alati go mahela kona miphahlo yo hisiwa (gi vitaniwako kambe ku i “alati ga suku”) [Ek 39:39] gi mahliwe hi mapulango ya munga, na gi tshamisile a ku khwatsi i kaxa. Zvo khwatsi gi wa nga hi na tapa ya la hehla ne ya lahasi. Lomu mareveni gi wa hi ni 2.2 wa timetro ni 1.3 wa timetro ta kutlakuka ni “timhondzo” ti nga vekiwa ka mune wa makhona ya le hehla. Zvontlhe zvibya lezvo zvi wa pendilwe hi ouro. Lomu ndzeni, laha cikari ni lahasi ku wa vekiwa a grelha go hisela kona miphalho gi nga mahiwa hi ouro. Lomu matlhelweni ku wa vekiwa mune wa tibhara ta ouro ti nga gamekene ni grelha ga le hehla. A tinhonga timbiri ta ku tlakula hi tona ti nga mahilwe hi sinya ya munga ti tlhela ti pendiwa hi ouro, ti wa hundza hi laha ko gamakana ni tibhara leto. Lezvo zvi komba ku ko khwatsi ku wa vhuliwa a cipandze cokari hi laha tlhelweni kasi ku cheliwa a grelha go hisela kona mipahlo. A titlhari to tala ti wula mhaka yo hambana xungetano hi mhaka leyi, a van’wani va alakanya ku ka mune wa tibhara ta ouro, a timbiri ti wa yelana ni grelha go hisela kona miphahlo, leti tin’wani ta timbiri ti wa yelana ni tinhonga timbiri leti ti nga vekiwa hi le hehla ka gona kasi ku tlakula hi tona a alati ni kwihi lomu gi nga laveka kona. Ku wa mahilwe a zvibya zva suku, mafoxola kasi ku woka hi wona a khuma, matijela ya ku chela kona a nkhata wa zvihari, magarfo ya ku hundzulusela hi wona a nyama ni timbita ta makhala. Zvontlhe lezvo zvi wa mahiwa hi suku. — Ek 27:1-8; 38:1-7, 30; Mitse 4:14
Kela titshomba ta moya
(Eksodusi 37:1) Bezalaleli i lo maha a arke hi sinya ya munga; a kuleha ka gona ku wa hi mikono mimbiri ni khihlanya; a kuanama ka gona ku wa hi nkono mun’we ni khihlanya, ni kutlakuka ka gona ni nkono mun’we ni khihlanya.
(Eksodusi 37:10) I lo maha ni mezha hi sinya ya munga; a kuleha ka yona ku wa hi mikono mimbiri, ni kuanama ka yona i nkono mun’we, a kutlakuka ka yona i nkono mun’we ni khihlanya.
(Eksodusi 37:25) Zvonake i lo maha a alati ga libani hi sinya ya munga; a kuleha ka gana ku wa hi nkono mun’we, ni kuanama ka gona ku wa hi nkono mun’we, wontlhe matlhelo ya gona ya mune ma wa ecana a kutlakuka ka gona ku wa hi mikono mimbiri; ni timhondzo ta gona ti wa patsilwe zin’we nago.
it-1 36
Munga
A munga i sinya yi nga ni mimizwa yo leha yi folako ka madhavi yo tala ya sinya leyo. A madhavi ma tsondzelelana ni madhavi ya tisinya tin’wani ti gamakanileko ti maha a khwati go tshisa nguvhu; hi cighelo leco a Bhibhiliya gi yi vitanako ku i munga. A munga wu nga chikela kwalomu ka 6 kuya ka 8 wa timetro hi ku leha, a ku tala ka zvikhati wu kulisa ku khwatsi i khuho. Wu na ni matluka yo olova na wu hi ni zvitsangi zva amarelo, zvi gumako zvi pfepfa zvi pswala mihandzu. A cigodho ca kona ci nga maha mapolango ya tiyela ga cima ni yo bindza ma nga hi ni wuzvikoti ga ku vhikela a timhango to kari. A matshamela lawu ni wuzvikoti ga yona ga ku ti vhikela ka tisinya tin’wani, hi zvona zvi mahileko ku yiva sinya yo faneleka kasi ku maha a tabhernakeli ni zvibya zva kona. Yi wa faneleka kambe a ku maha a arke ga civhumelwano (Ek 25:10; 37:1), a meza ya tipawa ta zvikombiso (Ek 25:23; 37:10), maalati (Ek 27:1; 37:25; 38:1), timhandze ta ku tlakula hi tona (Ek 25:13, 28; 27:6; 30:5; 37:4, 15, 28; 38:6), mapilar ya kortina ni cisirelo (Ek 26:32, 37; 36:36), tibakwa (Ek 26:15; 36:20) ni tisinya ta ku tiyisa hi tona mapulangu (Ek 26:26; 36:31).
(Eksodusi 38:8) I lo maha a cinamelo ni cikhatelo ca kona hi suku; i lo maha lezvi zvilo hi mawoni ya vavasati lava va nga wa tira laha nyangweni ya tenda ga mutlhangano.
U wa zvi tiva?
A kuhambana ni zvibuku kutani mawoni ya cikhati ca hina; cikhatini ca kutsaliwa ka Bhibhiliya hi tolovelo zvi wa mahiwa hi simbi yi nga kari yi kutliwa nguvhu — ku wa tolovela kuva brondze, kanilezvi hambu a suku, siliva, ndzalama, kutani suku yo hatima. A khati go sangula ku kumbukiwako a woni lomu ka Bhibhiliya zvi yelana ni kuakiwa ka tabhernakeli, ku nga hi wutshamu go sangula legi a vaIzrayeli va nga khozela ka gona. A vavasati va wa maha munyikelo hi mawoni kasi ku aka hi wona a cinamelo ca suku ni timhandze ta cona ci nga hi ca ntiro wo basa. (Eksodusi 38:8) Zvi wonekisa ku khwatsi, a kusangula a mawoni ma wa fanele a ku nyekiswa zvonake hi kona ma nga kari ma tirisiwa ka kungo lego.