Vhikela wukati ga wena

Jehovha i wona wukati kota cifungo ca lisima nguvhu. I te a nuna ni sati va nga tsikani. (Mat. 19:5, 6) Cikari ka vanhu va Nungungulu ku na ni vanuna ni vasati va nga cikombiso ci nene. Hambulezvo, va na ni zvikarato zvabye, hakuva a va mbhelelangi. A hi faneli kuva ni mawonela ya votala, yaku loku a nuna ni sati va kumana ni zvikarato a muri wa kona ku hambana kutani ku tsikana. A maKristu ma nga vhikelisa kuyini a wukati gabye?

Wona 5 wa zvilo zva lisima:

1. Vhikelani timbilu ta n’wina hi ku nga hlakani hi ku gangisa mu tlhela mu nga ti hungati hi zvilo zvi kombisako tixapi. Lezvo zvi hehla wukati.—Mat. 5:28; 2 Ped. 2:14.

2. Tiyisani wunghana ga n’wina na Nungungulu mu tlhela mu maha zvontlhe mu zvi kotako kasi a wukati ga n’wina gi tsakisa Nungungulu.—Lis. 97:10.

3. Simamani ku pimanyisa Jehovha ka lezvi mu zvi mahako ni ku zvi wula. Mu nga karatiselani kuhanya. Kanilezvi, mahelanani zva zvi nene zvi to vhuna mun’wani, hambu zvova zva zvitsongwani.—Kol. 3:8-10, 12-14.

4. Bhulani hi kukhandzakanya hi lezvi zvi nga zva lisima ka mun’wani, mu bhula hi cichavo.—Kol. 4:6.

5. Nyikanani tifanelo ta n’wina kota nuna ni sati, mu zvi maha hi lirandzo.—1 Kor. 7:3, 4; 10:24.

Loku a maKristu ma maha lezvi ma zvi kotako kasi a wukati gabye gi dzundzeka, ma dzundza Jehovha, a Muvangi wa gona.

WONA A VHIDHIO “HI FANELE KU TSUTSUMA HI KUTIMISELA—INGISA ZVILELETELO ZVA MATSUTSUMELA”, U GUMESA U HLAMULA ZVIWUTISO LEZVI:

• 

  Hambu lezvi a wukati gi nga sangulako khwatsi, zvikarato muni zvi nga humelelako?

• 

  A matshinya ya milayo ya Bhibhiliya ma nga va vhunisa kuyini lava va zvi wonisako ku khwatsi a va ha randzani?

• 

  Milayo muni leyi Jehovha a lavako ku a nuna ni sati va yi ingisa?

• Zvini va faneleko ku maha a nuna ni sati kasi a wukati gabye gi nandziha?