MAHANYELA YA WUKRISTU
Tiyisa kukholwa ka wena hi Mhaka ya Nungungulu
A Mhaka ya Nungungulu yi nga cica a mahanyela ya hina. (Mah. 4:12) Hambulezvo, kasi hi vhuneka khwatsi hi wurangeli, ni zvileletelo ni wusungukati lego hi fanele ku tiyiseka lezvaku hakunene i “mhaka ya Nungungulu”. (1 Tes. 2:13) Hi nga ku tiyisisa kuyini a kukholwa ka hina hi Bhibhiliya?
Lera cipandze co kari ca Bhibhiliya siku ni siku. Laha u lerako, hlola zvikombiso zvi tiyisako lezvaku Jehovha hi yena Mutumbuluxi wa Bhibhiliya. Hi cikombiso, hlola a zvikombiso lezvi zvi nga ka bhuku ga Mavingu u tlhela u wona lezvi a wutlhari lego gi tirisako zvona ka hina nyamutlha. — Mav. 13:20; 14:30.
Sangula programa ya ku gondza Bhibhiliya. Zvi tive khwatsi a zvikombiso lezvi zvi kombako lezvaku a Bhibhiliya gi no pimiselwa. Lomu ka Bhuku go kambisisa hi gona ga Vakustumunyu va Jehovha, famba laha ka hloko ya mhaka yi nge: “A Bhibhiliya” u gumesa u ya laha kaku: “Gita hi ka Nungungulu”. U nga tlhela u tiyisa a kukholwa ka wena ka lezvaku a mahungu ya Bhibhiliya a ma ciciwangi hi ku hlola mahungu ma nga ka Apendise A3 ka Tradução do Novo Mundo.
SIXTIRA VHIDHIO HIKUYINI HI KHOLWAKO . . . KA MHAKA YA NUNGUNGULU, U GUMESA U HLAMULA ZVIWUTISO LEZVI:
A kupoliwa ka lezvi zvi nga tsalilwe laha ka muro wa tempeli le Karnaki wa Gibhite, zvi tiyisisile kuyini lezvaku a Mhaka ya Nungungulu yi tsumbekile?
Hi zvi tivisa kuyini lezvaku a Mhaka ya Nungungulu a yi cicangi?
Lezvi a Bhibhiliya gi ponileko kala nyamutlha zvi ku tiyisekisisa kuyini lezvaku i Mhaka ya Nungungulu? — Lera Isaya 40:8