MAHANYELA YA WUKRISTU
Jehovha wa va ponisa lava va karatekileko
A vanhu vontlhe va tshuka va nga xalali. A ku nga xalali a zvi wuli ku hola hi tlhelo ga moya. Phela hambu Jehovha i kombile lezvaku wa tshuka a nga xalali. (Gen. 6:5, 6) Kanilezvi, ahati loku hi karateka nguvhu kutani ku tshama na hi nga xalalangi ke?
Khongela ka Jehovha u kombela ku a ku vhuna. Jehovha wa khatala nguvhu hi lezvi hi ti zwisako zvona. Wa zvi tiva loku hi tsakile ni loku hi nga tsakangi. Wa zvi tiva ku hikuyini hi pimisako kutani hi ti zwako hi ndlela yo kari. (Lis. 7:9b) A ca lisima nguvhu, hi ku Jehovha wa khatala hi hina niku a nga hi vhuna ku lwisana ni kukarateka kutani kukarateka ku hundza mpimo. — Lis. 34:18.
Vhikela kupima ka wena. A kukarateka zvi nga hi tsona litsako zvi tlhela zvi khumba a wumoya ga hina. Hi cigelo leco, zvi nene a ku hi vhikela mbilu ya hina — lezvi hi zvi pimisako ni lezvi hi ti zwisako zvona. — Mav. 4:23.
SIXTIRA VHIDHIO LEZVI A VAMAKABYE VA HINA VA KU KUMISAKO ZVONA KURULA HAMBU LEZVI VA LWISANAKO NI KUKARATEKA, U GUMESA U HLAMULA ZVIWUTISO LEZVI:
Zvini a nga maha Nikki kasi ku lwisana ni kukarateka kakwe?
Hikuyini Nikki a nga zvi wona zvi hi chukwana ku a lava civhuno ca vadhokodhela? — Mat. 9:12
Hikuyini Nikki a nga tsumba Jehovha kasi a mu vhuna?